Katwijk

Saka Wikipédia Jawa, bauwarna mardika basa Jawa
Gemeente Katwijk
Gendéra Katwijk Lambang Katwijk



Katwijk ing Walanda

Katrangan cekak
Provinsi: Zuid-Holland
Jembar: 31,06 km²
Padunung: 61.371 jiwa (31 Mèi 2009)
Situs wèb resmi: http://www.Katwijk Archived 2017-04-27 at the Wayback Machine..nl
Pulitik
Burgemeester (Walikutha): drs. Jos Wienen

Katwijk iku gemeente ing provinsi Zuid-Holland, Walanda. Dunungé ana sakuloning Walanda ing pasisir Sagara Lor. Kutha utawa gemeente iki kang ndunungi 61.292 jiwa. Gemeente iki ambané 31,06 km² lan saka iki kurang luwih 6,41 km² iku banyu. Kutha iki wewatesan karo Noordwijk, Teylingen, Oegstgeest, Leiden, lan Wassenaar. Ing tanggal 1 Januari 2006, Rijnsburg lan Valkenburg digabung marang Katwijk.

Katwijk iku dunungé kurang luwih 16 km saloring Den Haag lan 6 km sakuloning Leiden. Katwijk iku kutha pasisir kang kerep dianggo plesiran lan siji tilas désa warigaluh. Katwijk iku uga iku papan sungabé kali Rijn mili menyang sagara.

Punjer populasi[besut | besut sumber]

Katwijk iku dadi punjer populasi kang kapacak ing ngisor iki (cacahé kang ndunungi miturut kaanan tanggal 1 Januari 2005):

  • Katwijk aan den Rijn tegesé "Katwijk ing Kali Rijn" (5.916 jiwa)
  • Katwijk aan Zee tegesé "Kawijk ing Sagara" (22.405 jiwa)
  • Hoornes-Rijnsoever (13.845 jiwa)
  • Rijnsburg (15.450 jiwa)
  • Valkenburg (3.904 jiwa)

Désa warigaluh Katwijk aan Zee lan désa tani Katwijk aan den Rijn iku mbiyèn rong papan kang séjé. Balé kutha iku dunungé ana ing Katwijk aan de Rijn, cedhak karo watesé Katwijk aan Zee. Hoornes-Rijnsoever iku dunungé saloring Katwijk aan Zee. Sawétaning Katwijk aan de Rijn yaiku Rijnsburg lan sakiduling yaiku Valkenburg. Komunitas-komunitas iki saiki wis tuwuh dadi siji: Katwijk. Mliginé Katwijk aan Zee iku nduwé karakter dhéwé, budaya séjé. Ing kéné, siji dialèk basa Walanda lawas isih diwicarakaké lan diarani Strand-Hollands utawa "basa Walanda pasisiran".

Sajarah[besut | besut sumber]

Katwijk iku papané ana ing pasisir Sagara Lor, ing sungabing kali Rijn Tuwa. Ing jaman prasajarah, suku Jermanik Catten urip ing kéné. Jeneng Katwijk iku asalé saka jeneng Catten iki lan wijk kang tegesé "kampung" utawa "désa". Nalika jaman Romawi, kali Rijn iku wates lor Kakaisaran Romawi lan ing Katwijk ana kutha Romawi kang diarani Lugdunum Batavorum. Kutha iki diwangun nalika jumenengé Kaisar Claudius (41-54). Kutha iki kerep digandhèngaké karo kutha Leiden kang dunungé ana sisih wétan, nanging sajatiné papané ana ing Katwijk. Ing taun 1520 ana siji markas bala Romawi kang tinemu ing Katwijk lan diarani Brittenburg. Nanging markas iki kelelep ing sagara ing abad kaping 18.

Jeneng Katwijk dhéwé kapisan ditulis ing taun 1231 minangka Catwijck.

Nalika Perang Donya II, mayoritas gedhong ing Katwijk aan Zee digempur Wadya Bala Nazi Jerman supaya bisa ngedegaké "Tembok Atlantik". Ing tlatah Katwijk, saya manèh sisih kidul saantarané wukir-wukir wedhi isih akèh bunker-bunker PD II. Bulevar ing Katwijk iku dibangun sawisé PD II.

Transportasi umum[besut | besut sumber]

Katwijk ora nduwé stasiun sepur. Stasiun kang cedhak dhéwé iku ana ing Voorhout lan Leiden. Katwijk iku nduwé konèksi bus karo Voorhout, Leiden, Den Haag, Haarlem, Nieuw Vennep lan Zoetermeer. Jalur RijnGouweLijn iku rencana anyar kanggo nggandhèngaké Katwijk karo Gouda mawa sarana rèl sepur.

Putra kutha[besut | besut sumber]

Atraksi turis[besut | besut sumber]

Katwijk iku papan padusan sagara, dadi nalika mangsa panas akèh wisatawan ngamanca, lumrahé saka Jerman kang padha teka. Mulané akèh hotèl ing Katwijk. Saliyané pasisir, ing Katwijk uga ana sawatara musiyum lan gréja lawas. Musiyum-muséumé antarané yaiku Musiyum Nelayan Katwijk, Musiyum Spinoza lan Space Expo, muséumé ESA. Banjur uga ana musiyum lokomotif kukus cedhak ing tlaga Valkenburg.

Liya-liya[besut | besut sumber]

Ing Katwijk wiwit taun 1967 ana pabrik lumpia kang gedhé dhéwé sa-Éropah.

Gladri[besut | besut sumber]

Pranala njaba[besut | besut sumber]


 
Gemeente ing provinsi Holland Kidul (Zuid-Holland)
Gendéra provinsi Zuid-Holland

Alblasserdam · Albrandswaard · Alphen aan den Rijn · Barendrecht · Binnenmaas · Bodegraven-Reeuwijk · Brielle · Capelle aan den IJssel · Cromstrijen · Delft · Den Haag · Dordrecht · Giessenlanden · Goeree-Overflakkee · Gorinchem · Gouda · Hardinxveld-Giessendam · Hellevoetsluis · Hendrik-Ido-Ambacht · Hillegom · Kaag en Braassem · Katwijk · Korendijk · Krimpen aan den IJssel · Krimpenerwaard · Lansingerland · Leerdam · Leiden · Leiderdorp · Leidschendam-Voorburg · Lisse · Maassluis · Midden-Delfland · Molenwaard · Nieuwkoop · Nissewaard · Noordwijk · Noordwijkerhout · Oegstgeest · Oud-Beijerland · Papendrecht · Pijnacker-Nootdorp · Ridderkerk · Rijswijk · Rotterdam · Schiedam · Sliedrecht · Strijen · Teylingen · Vlaardingen · Voorschoten · Waddinxveen · Wassenaar · Westland · Westvoorne · Zederik · Zoetermeer · Zoeterwoude · Zuidplas · Zwijndrecht

Walanda | Daftar provinsi Walanda | Daftar Kutha Walanda