Kali Praga

Saka Wikipédia Jawa, bauwarna bébas abasa Jawa
(Dilih saka Kali Progo)
Jump to navigation Jump to search

Kali Progo iku kali kang ngilèni Jawa Tengah lan Daerah Istimewa Yogyakarta ing Indonésia. Kali iki sumberé saka èrèngé Gunung Sumbing ing Kabupatèn Temanggung kang mili tumuju arah kidul wétan. Ing laladan Ngluwar, Kabupatèn Magelang, Kali Progo dibendung dadi 2 kanggo sarana irigasi kanggoné masyarat Yogyakarta déning Walanda. Bendungan iki dikenal minangka "Ancol Bligo" kang dadi taman rekreasi. Irigasi kang asalé saka kali Progo ana loro, siji mili saka Ngluwar tumuju menyang arah wétan nyigar Kabupatèn Sléman lan tumuju arah Kabupatèn Klaten. Saluran irigasi iki dikenal minangka Selokan Mataram(Van Der Wijck). Kang sijiné tumuju ana ing Kabupatèn Kulon Praga. Kali Progo duwé pirang-pirang anak kali, antarané Kali Pabélan, kali Putih, kali Krasak, kali Elo kang sumberé saka gunung Merapi lan kali Tinalah saka pagunungan menorèh. Kali Progo dadi kikis/wates alami antarané Kabupatén Kulon Praga kalawan Kabupatén Magelang, Kabupatén Sléman lan Kabupatén Bantul, entèk ana ing segara kidul.