ꦏꦒꦸꦤꦤ꧀
ꦗꦮ
|
.JPG)
ꦏꦒꦸꦤꦤ꧀ ꦲꦶꦏꦸ ꦥꦺꦫꦁꦔꦤ꧀ ꦏꦧꦸꦢꦪꦤ꧀ ꦏꦁ ꦲꦤ ꦒꦪꦸꦠ꧀ꦠꦤ꧀ꦤꦺ ꦏꦫꦺꦴ ꦮꦸꦗꦸꦢ꧀ ꦫꦱ ꦲꦥꦶꦏ꧀ ꦲꦸꦠꦮ ꦲꦺꦤ꧀ꦢꦃ. ꦫꦱ ꦲꦥꦶꦏ꧀ ꦲꦶꦏꦸ ꦲꦤꦤꦺ ꦲꦶꦁ ꦧꦠꦶꦤ꧀, ꦲꦶꦁ ꦥꦶꦏꦶꦂꦫꦤ꧀ ꦩꦤꦸꦁꦱ. ꦏꦒꦸꦤꦤ꧀ ꦲꦶꦏꦸ ꦒꦸꦤꦤꦺ ꦏꦁꦒꦺꦴ ꦚꦭꦸꦂꦫꦏꦺ ꦫꦱ ꦲꦺꦤ꧀ꦢꦃ ꦲꦶꦁ ꦥꦶꦏꦶꦂꦫꦤ꧀, ꦠꦼꦒꦼꦱ꧀ꦱꦺ, ꦏꦒꦸꦤꦤ꧀ ꦲꦶꦏꦸ ꦥꦿꦺꦴꦱꦺꦱ꧀ ꦚꦶꦥ꧀ꦠꦲꦏꦺ ꦮꦸꦗꦢ꧀-ꦮꦸꦗꦸꦢ꧀ ꦏꦁ ꦤ꧀ꦢꦢꦺꦏ꧀ꦏꦏꦺ ꦲꦠꦶ ꦔꦿꦱ ꦱꦼꦤꦼꦁ, ꦥꦸꦮꦱ꧀, ꦧꦸꦔꦃ ꦏꦁꦒꦺꦴ ꦩꦼꦩꦥ꧀ꦏꦶ ꦱꦶꦱꦶꦃ ꦧꦠꦶꦤ꧀/ꦱ꧀ꦥꦶꦫꦶꦠ꧀ꦠꦸꦮꦭ꧀ ꦏꦲꦸꦫꦶꦥ꧀ꦥꦤ꧀ ꦩꦤꦸꦁꦱ.
ꦱꦥꦺꦫꦁꦔꦤ꧀ ꦮꦺꦴꦁ ꦢꦸꦮꦺ ꦲꦁꦒꦼꦥ꧀ꦥꦤ꧀ ꦪꦺꦤ꧀ ꦏꦒꦸꦤꦤ꧀ ꦲꦶꦏꦸ ꦩꦸꦁ ꦥꦼꦊꦁꦏꦥ꧀, ꦱꦗꦠꦶꦤꦺ ꦏꦒꦸꦤꦤ꧀ ꦲꦶꦏꦸ ꦮꦶꦱ꧀ ꦲꦤ ꦏꦮꦶꦠ꧀ ꦩꦤꦸꦁꦱ ꦭꦲꦶꦂ, ꦢꦢꦶ ꦲꦶꦁ ꦱꦧꦼꦤ꧀ ꦆꦤ꧀ꦝꦶꦥ꦳ꦶꦣꦸ, ꦗꦶꦮ ꦏꦒꦸꦤꦤ꧀ ꦲꦶꦏꦸ ꦠꦸꦮꦸꦃ ꦧꦉꦁ ꦏꦫꦺꦴ ꦲꦺꦭ꧀ꦩꦸ ꦱꦮꦼꦤꦺꦃ ꦆꦤ꧀ꦝꦶꦥ꦳ꦶꦣꦸ ꦩꦲꦸ.
ꦥ꦳ꦸꦁꦱꦶ
[besut | besut sumber]ꦥ꦳ꦸꦁꦱꦶ ꦏꦒꦸꦤꦤ꧀ ꦲꦶꦏꦸ ꦏꦁꦒꦺꦴ ꦔꦭꦸꦱ꧀ꦱꦏꦺ ꦥꦼꦫꦱꦲꦤ꧀, ꦥꦶꦏꦶꦂꦫꦤ꧀ ꦲꦸꦒ ꦮꦠꦼꦏ꧀/ꦏꦼꦥꦿꦶꦧꦢꦶꦪꦤ꧀, ꦊꦮꦶꦃ ꦭꦚ꧀ꦗꦸꦠ꧀ ꦏꦁꦒꦺꦴ ꦔꦭꦸꦱ꧀ꦱꦏꦺ ꦠꦶꦁꦏꦃ ꦥꦺꦴꦭꦃ ꦲꦸꦠꦮ ꦠꦶꦁꦏꦃ ꦭꦏꦸ ꦩꦤꦸꦁꦱ. ꦏꦱꦶꦭ꧀ ꦥꦿꦶꦧꦢꦶ ꦏꦁ ꦮꦶꦱ꧀ ꦢꦶꦧꦼꦏꦼꦭ꧀ꦭꦶ ꦫꦱ ꦲꦭꦸꦱ꧀ ꦲꦶꦏꦸ ꦩꦼꦁꦏꦺꦴ ꦢꦢꦶ ꦢꦸꦮꦺ ꦱꦶꦥꦠ꧀ ꦱꦤ꧀ꦠꦸꦤ꧀, ꦠꦺꦴꦭꦺꦫꦤ꧀ ꦭꦤ꧀ ꦮꦶꦕꦏ꧀ꦱꦤ. ꦩꦸꦭꦤꦺ ꦏꦮꦶꦠ꧀ ꦕꦶꦭꦶꦏ꧀ ꦩꦤꦸꦁꦱ ꦲꦶꦏꦸ ꦮꦶꦱ꧀ ꦩꦺꦴꦲꦭꦶ ꦢꦶꦧꦼꦏꦼꦭ꧀ꦭꦶ ꦩꦺꦴꦩꦺꦴꦠ꧀ꦠꦤ꧀ ꦏꦒꦸꦤꦤ꧀ ꦲꦸꦩ꧀ꦥꦩꦤꦺ ꦭꦶꦮꦠ꧀ ꦠꦼꦩ꧀ꦧꦁ ꦧꦺꦴꦕꦃ ꦱꦏꦶꦁ ꦧꦶꦪꦸꦁꦔꦺ, ꦠꦼꦩ꧀ꦧꦁ ꦠꦏ꧀ ꦭꦺꦭ ꦭꦺꦭ ꦭꦺꦭ ꦭꦺꦣꦸꦁ ꦕꦺꦴꦤ꧀ꦠꦺꦴꦤꦺ, ꦲꦸꦠꦮ ꦱꦏꦶꦁ ꦢꦺꦴꦔꦺꦁ ꦏꦁ ꦢꦶꦕꦿꦶꦠꦏ꧀ꦏꦏꦼꦤ꧀ ꦫꦩꦤꦺ. ꦥ꦳ꦸꦁꦱꦶ ꦭꦶꦪꦤꦺ ꦏꦁꦒꦺꦴ ꦤꦸꦩ꧀ꦧꦸꦃꦲꦏꦺ ꦱꦶꦥꦠ꧀ ꦏꦿꦺꦪꦠꦶꦥ꦳꧀ ꦩ꧀ꦭꦶꦒꦶ ꦲꦶꦁ ꦧꦺꦴꦕꦃ-ꦧꦺꦴꦕꦃ.
ꦢꦺꦴꦭꦤ꧀ꦤꦤ꧀ ꦲꦶꦏꦸ ꦢꦺꦴꦚ ꦏꦒꦸꦤꦤ꧀ ꦧꦺꦴꦕꦃ ꦏꦁ ꦠꦼꦫꦸꦱ꧀ ꦢꦶꦭꦏꦺꦴꦤ꧀ꦤꦶ ꦔꦤ꧀ꦠꦶ ꦧꦺꦴꦕꦃ ꦲꦶꦏꦸ ꦩ꧀ꦭꦼꦧꦸ ꦱꦼꦏꦺꦴꦭꦃ. ꦥꦼꦭꦗꦂꦫꦤ꧀ ꦔ꧀ꦒꦩ꧀ꦧꦂ ꦲꦶꦁ ꦱꦼꦏꦺꦴꦭꦃ ꦲꦶꦏꦸ ꦕꦫ ꦏꦁꦒꦺꦴ ꦤꦸꦮꦸꦃꦲꦏꦺ ꦫꦱ ꦏꦒꦸꦤꦤ꧀ ꦲꦶꦁ ꦗꦶꦮ ꦧꦺꦴꦕꦃ.
ꦮꦼꦂꦤ-ꦮꦼꦂꦤ ꦏꦒꦸꦤꦤ꧀
[besut | besut sumber]- ꦱꦱ꧀ꦠꦿ, ꦪꦲꦶꦏꦸ ꦠꦼꦩ꧀ꦧꦸꦁ ꦱꦶꦭꦶꦃꦲꦤ꧀ ꦱꦏ ꦧꦱ ꦱꦤ꧀ꦱꦼꦏꦼꦂꦠ; "ꦯꦴꦱ꧀ꦠꦿ", ꦏꦁ ꦠꦼꦒꦼꦱ꧀ꦱꦺ "ꦠꦸꦭꦶꦱ꧀ꦱꦤ꧀" ꦲꦸꦠꦮ "ꦧꦸꦏꦸ", ꦱꦏ ꦠꦼꦩ꧀ꦧꦸꦁ ꦣꦱꦂ "ꦯꦴꦱ꧀-" ꦏꦁ ꦠꦼꦒꦼꦱ꧀ꦱꦺ "ꦮꦼꦫꦸꦃ". ꦲꦶꦁ ꦧꦱ ꦗꦮ, ꦠꦼꦩ꧀ꦧꦸꦁ ꦲꦶꦏꦶ ꦫꦕꦏ꧀ꦏꦺ ꦢꦶꦲꦁꦒꦺꦴ ꦔꦫꦤ꧀ꦤꦶ "ꦏꦱꦸꦱꦱ꧀ꦠꦿꦤ꧀" ꦲꦸꦠꦮ ꦱꦗꦶꦤꦶꦱ꧀ꦱꦶꦁ ꦠꦸꦭꦶꦱ꧀ꦱꦤ꧀ ꦏꦁ ꦢꦸꦮꦺ ꦲꦂꦠꦶ ꦲꦸꦠꦮ ꦏꦲꦺꦤ꧀ꦢꦃꦲꦤ꧀ ꦠꦂꦠꦩ꧀ꦠꦸ.
- ꦏꦒꦸꦤꦤ꧀ ꦫꦸꦥ, ꦪꦲꦶꦏꦸ ꦕꦧꦁ ꦏꦒꦸꦤꦤ꧀ ꦏꦁ ꦮꦸꦗꦸꦢ꧀ ꦏꦂꦪ ꦏꦒꦸꦤꦤ꧀ꦤꦺ ꦧꦶꦱ ꦢꦶꦥꦶꦂꦱꦤꦶ/ꦢꦶꦱꦮꦁ ꦭꦤ꧀ ꦧꦶꦱ ꦢꦶꦫꦧ. ꦏꦒꦸꦤꦤ꧀ ꦫꦸꦥ ꦲꦶꦏꦸ ꦔꦺꦴꦭꦃ ꦏꦺꦴꦤ꧀ꦱꦺꦥ꧀ ꦒꦫꦶꦱ꧀, ꦧꦧꦒ꧀ꦒꦤ꧀, ꦮꦸꦗꦸꦢ꧀, ꦥ꦳ꦺꦴꦭꦸꦩꦼ, ꦏꦼꦭꦶꦂ, ꦠꦺꦏ꧀ꦱ꧀ꦠꦸꦂ ꦭꦤ꧀ ꦥꦼꦚ꧀ꦕꦲꦪꦲꦤ꧀ ꦏꦁ ꦏꦧꦺꦃ ꦏꦸꦢꦸ ꦩꦤꦸꦠ꧀ ꦲꦠꦸꦂꦫꦤ꧀-ꦲꦠꦸꦂꦫꦤ꧀ ꦌꦱ꧀ꦠꦺꦠꦶꦏ.
- ꦏꦒꦸꦤꦤ꧀ ꦥꦒꦼꦭꦂꦫꦤ꧀, ꦪꦲꦶꦏꦸ ꦗꦶꦤꦶꦱ꧀ꦱꦶꦁ ꦏꦂꦪ ꦏꦒꦸꦤꦤ꧀ ꦏꦁ ꦩꦼꦂꦭꦺꦴꦏ꧀ꦏꦏꦺ ꦥꦁꦒꦸꦁ ꦲꦸꦠꦮ ꦥꦼꦭꦠꦂꦫꦤ꧀ ꦏꦁꦒꦺꦴ ꦤꦩ꧀ꦥꦶꦭ꧀ꦭꦏꦺ ꦏꦱꦶꦭ꧀ ꦏꦂꦪ ꦏꦒꦸꦤꦤ꧀ꦤꦺ.
- ꦢꦺꦴꦭꦤ꧀ꦤꦤ꧀ ꦧꦺꦴꦕꦃ ꦪꦲꦶꦏꦸ ꦮꦸꦗꦸꦢ꧀ ꦏꦒꦸꦤꦤ꧀ ꦢꦺꦴꦭꦤ꧀ꦤꦤ꧀ ꦧꦺꦴꦕꦃ-ꦧꦺꦴꦕꦃ ꦕꦶꦭꦶꦏ꧀. ꦲꦶꦁ ꦗꦩꦤ꧀ ꦱꦲꦶꦏꦶ, ꦢꦺꦴꦭꦤ꧀ꦤꦤ꧀ ꦩꦲꦸ ꦱꦸꦮꦺꦤꦶꦁ ꦱꦸꦮꦺ ꦮꦶꦱ꧀ ꦲꦺꦴꦫ ꦢꦶꦏꦼꦤꦭ꧀ ꦩꦤꦺꦃ, ꦲꦩꦂꦒ ꦏꦣꦼꦱꦼꦏ꧀ ꦏꦫꦺꦴ ꦢꦺꦴꦭꦤ꧀ꦤꦤ꧀ ꦏꦁ ꦭꦸꦮꦶꦃ ꦩꦺꦴꦣꦺꦉꦤ꧀.
ꦏꦒꦸꦤꦤ꧀ ꦩꦶꦠꦸꦫꦸꦠ꧀ ꦮꦼꦮꦼꦁꦏꦺꦴꦤ꧀
[besut | besut sumber]ꦮꦸꦗꦸꦢ꧀ ꦏꦒꦸꦤꦤ꧀ ꦲꦶꦏꦸ ꦭꦺꦁꦏꦺꦠ꧀ ꦏꦫꦺꦴ ꦲꦼꦁꦒꦺꦴꦤ꧀ ꦲꦸꦠꦮ ꦥꦥꦤ꧀ ꦲꦱꦭ꧀ ꦗꦶꦤꦶꦱ꧀ꦱꦺ ꦏꦒꦸꦤꦤ꧀ ꦲꦶꦏꦸ. ꦱꦶꦥꦠ꧀, ꦮꦂꦤ, ꦒꦪ ꦭꦤ꧀ ꦏꦧꦺꦃ ꦥꦼꦫꦁꦏꦠ꧀ ꦏꦒꦸꦤꦤ꧀ ꦩꦼꦱ꧀ꦛꦶ ꦕꦺꦴꦕꦺꦴꦒ꧀ ꦏꦫꦺꦴ ꦲꦼꦁꦒꦺꦴꦤ꧀ ꦲꦱꦭ꧀ꦭꦺ ꦏꦒꦸꦤꦤ꧀ ꦲꦶꦏꦸ.
- ꦏꦒꦸꦤꦤ꧀ ꦧꦫꦠ꧀ ꦲꦸꦠꦮ ꦏꦒꦸꦤꦤ꧀ ꦧꦁꦱ ꦏꦸꦭꦺꦴꦤ꧀
- ꦏꦒꦸꦤꦤ꧀ ꦠꦶꦩꦸꦂ ꦲꦸꦠꦮ ꦏꦒꦸꦤꦤ꧀ ꦧꦁꦱ ꦮꦺꦠꦤ꧀
- ꦏꦒꦸꦤꦤ꧀ ꦆꦤ꧀ꦝꦺꦴꦤꦺꦱꦶꦪ ꦲꦸꦠꦮ ꦏꦒꦸꦤꦤ꧀ ꦏꦱ꧀ ꦧꦁꦱ ꦆꦤ꧀ꦝꦺꦴꦤꦺꦱꦶꦪ
- ꦏꦒꦸꦤꦤ꧀ ꦗꦮ ꦲꦸꦠꦮ ꦏꦒꦸꦤꦤ꧀ ꦧꦼꦧꦿꦪꦤ꧀ ꦗꦮ
 |
Wikimedia Commons duwé médhia ngenani Art. |
| Artikel iki minangka artikel rintisan. Kowé bisa ngéwangi Wikipédia ngembangaké. |