Kéwan klangenan

Kucing lan asu, jinis kéwan kang umum dadi kéwan klangenan.

Kéwan klangenan ya iku kéwan kang diingu manungsa mligi mung kanggo kanca padinan murih kasenengan. Kéwan klangenan diingu tanpa itungan untung rugi, ora kaya kéwan liyané kaya ta rajakaya, kéwan tunggangan lan kéwan pacoban ing laboratorium.

Kéwan klangenan awèh manfangat kanggo bendarané rupa manfangat fisik lan émosional. Lelungan lumaku karo nuntun asu bisa kanggo srana olahraga, oleh hawa resik lan interaksi sosial. Kéwan klangenan bisa kanggo kanca tumrap kaki nini kang pasrawungané ing masarakat wis suda utawa kang wis urip dhéwèkan. 

Kéwan klangenan kang paling umum ya iku asu (mligi ing nagara Éropa) lan kucing. Saliyané kuwi uga  terwelu, garangan; jinis kéwan rodentia kaya ta gerbil, hamster, chinchilla, tikus putih, lan marmut; kéwan jinis manuk , kaya ta perkutur, parkit, kenari,  kakak tuwa, lan pitik; jinis reptil  kaya ta bulus, kadal lan ula; kéwan banyu, kaya ta iwak mas, arwana, koi, louhan lan kodhok-kodhok; lan saka arthropoda  kaya ta tarantula lan pong-pongan.

Popularitas kéwan

Kucing Maine Coon  umur sepuluh minggu

Ana kira-kira 86.4 yuta kucing kang diingu ing Amérika Sarékat, lan kira-kira 78.2 yuta asu  ing Amérika Sarékat, lan uga 5,3 yuta  terwèlu. Kéwan klangenan kang paling populer ing nagara Éropa ya iku kucing lan asu. Ing Amérika Sarékat, 2007-2008 survey nuduhaké yèn rumah tangga kang ngingu asu cacahé luwih akèh tinimbang kang duwé kucing, nanging caka cacah kéwanè isih luwih akèh kucing tinimbang asu. Lan banjur cacahé imbang ing taun 2011. 

Marmut

Asu jinis labrador uga dadi Kéwan klangenan

Kéwan paling populer ing U. S (yuta)

kéwan	Populasi Global	Populasi AS	rumah tangga duwé kéwan	U. S. rata-rata saben kulawarga dipanggoni
Kucing	202	93.6	38.2	2.45
Asu	171	77.5	45.6	1.70
Iwak	N/A	171.7	13.3	12.86
Mamalia cilik	N/A	15.9	5.3	3.00
Manuk	N/A	15.0	6.0	2.50
Reptil & amfibi	N/A	13.6	4.7	2.89
Eéuine	N/A	13.3	3.9	3.41