Pong-pongan

Saka Wikipédia Jawa, bauwarna bébas abasa Jawa
Hermit crabs
Teksiran kala: 136–0 Ma
Dardanus calidus
Klasifikasi èlmiah
Krajan: Animalia
Filum: Arthropoda
Subfilum: Crustacea
Kelas: Malacostraca
Ordo: Decapoda
Infraorder: Anomura
Superkulawarga: Paguroidea
Latreille, 1802
Families

Pong-pongan ya iku jinis kéwan kang anduwèni sikil cacah sepuluh lan saka keluarga Crustacea. Umume nduwèni weteng kang mlungker lan empuk lan disingidake ana ing sakjerone omah keong segara.

Akeh-akehe spesies pong-pongan nduwèni weteng dawa kang mlungker lan empuk ora kayadene urang kang nduwèni weteng atos. Weteng kang empuk mau disingidake ana sakjerone omah keong kang digawa ing ndi wae. Ana ing omah keong iku mau uga, pong-pongan bisa nyingidake kabèh awake. Nalikane omah keong kang dinggoni wis ora nyukupi, pong-pongan banjur golek omah keong kang luwih gedhé kanggo pindah panggon. Ana pira-pira jinis pong-pongan kang nduwèni tingkah kang nganeh-anehi : mlumpuk ana sawijining papan, banjur pong-pongan kang gedhé pindah marang omah keong kang luwih gedhé lan nglungsurake omah lawase kanggo pong-pongan liya kang luwih cilik. ngono iku mau nganti pong-pongan kang paling cilik uga nampa lungsuran.

Pong-pongan umume urip ana ing banyu utamane ing segara, saka pesisir nganti segara kang jero. Ana uga kang urip ing dharat senajan nalika ngendhog uga perlu nyemplung banyu. Akeh-akehe sesaba lan golek pangan ing wektu wengi (kewan nokturnal)

Hermit crab corcovado.jpg
Coenobita clypeatus1.jpg
Pagurus bernhardus.jpg
Coenobita clypeatus1.jpg
Sumber artikel punika saking kaca situs web: "https://jv.wikipedia.org/w/index.php?title=Pong-pongan&oldid=1080843"