Kèju swiss

Saka Wikipédia Jawa, bauwarna bébas abasa Jawa
(Dilih saka Kèju Swiss)
Panyimpanan keju Gruyere ing sawijining pabrik ing Swiss.

Kèju Swiss ya iku jinis kèju lokal kang diprodhuksi ing nagara Swiss.Swiss nganti sakiki produksi punjul 450 jinis keju.[1] Gawe keju wis dadi tradisi atusdan taun ing Swiss. Swiss duwé lemah kang kebak suketan. Watara 80% lemahe cocog kanggo tani, uga digunaake kanggo angon ternak.

Keju-keju swiss kang misuwur ing antarané Appenzell, Bellelay utawa Tête de Moine, Emmental, Fribourgeois, Gruyère, Saanen, Sapsago, Sbrinz, lan Vacherin-Fribourgeois.[2] Keju Swiss kang dikenal ing donya duwé ciri-ciri khas ya iku wernane kuning pucet, ngandhut sithik rasa kacang, lan teksture bolong-bolong.

Bolongan ing kèju Swiss[besut | besut sumber]

Keju swiss duwé rupa kang khas béntuke kotak kandel, akèh bolongane lan rasane gurih.Saben keju ngandhut bakteri kang béda-béda. Kaya ing keju Swiss, bakteri Streptococcus thermophilus, Lactobacillus dan Propionibacterium shermani dicampur déning susu sapi. Bakteri mau bisa ndadeake susu dadi kenthel, diselehake sajeroning cithakan banjur dikum ing banyu uyah.[3]

Sabanjure keju Swiss disimpen sajeroning panggonan kang suhune 26,7 derajat celcius nganti mateng. Nalika prosès iki bakteri ngeculke asam laktat kang ngandhut gas. Sawisé prosès iki keju lagi bisa dikonsumsi.

Bakteri Propionibacterium shermani ngetoake karbondioksida lan mbéntuk asam laktat uga mbéntuk gelembung sajeroning keju. sawisé gelembung pecah kabéntuk kanthong udara cilik utawa bolongan-bolongan ing keju Swiss. Tekstur bolong iki kang dadi ciri khas keju Swiss.[3]

ukuran bolongane bisa diatur nalika prosès panggawéane. kang paling dadi prabawa ya iku suhu, keasaman, lan suwéné prosès nyimpene. Ing taun 2000, FDA (Food and Drug Administration) ngukuhaké lan ngatur dhiameter bolongan ing keju Swiss ya iku watara 2,54 cm.[3]

Susu kang digunaake[besut | besut sumber]

Sapérangan gedhé keju swiss digawé saka susu sapi.Hal iki disebabake amarga jumlah wedhus kang luwih sithis katandhing jumlah sapi ternak. Ing taun 1999, Swiss produksi 134,000 ton keju saka susu sapi lan mung 245 ton keju saka domba lan wedhus.[4]

AOC[besut | besut sumber]

Kanggo njaga kualitas keju-keju Swiss lan produk-produk liyané, digawé sawijining katentuan kang ngatur lan ngukuhaké standar saka keju Swiss.[5] Katentuan iku disebut Appellation d’Origine Contrôlée (AOC) atau Katentuan kang nglindungi asal-muasal.[5] AOC kang njamin kualitas dhuwur saka produk kang diéntuki, diprodhuksi lan diproses ing laladan asal.

Pratélan keju sertifikasi AOC[besut | besut sumber]

ing ngisor iki pratélan keju kang antuk sertifikasi saka AOC:[5]

  • L'Etivaz
  • Sbrinz
  • Le Gruyère
  • Vacherin Fribourgeois
  • Emmentaler
  • Tête de Moine
  • Vacherin Mont-d'Or
  • Formaggio d'Alpe Ticinese
  • Berner Alp-und Hobelkäse

Macem-macem kèju Swiss[besut | besut sumber]

Gruyère Premier Cru

jinis-jinis keju swiss ing antarané:[6]

  • Appenzeller: Keju Swiss kang diasinake sajeroning sari apel utawa anggur putih lan rempah rempah sadurungé dimatengake. Luwih teles lan creamy katandhing emmenthaler ananging aromane luwih kuat gruyere. Diproduksi abad 11 déning monks. Minangka keju kang akèh paedahe..
  • Battelmatt: Keju Swiss, persis aroma tilsiter
  • Bitto: Keju rada atos persis kaya fontina. Nalika mateng kejune luwih atos lan luwih wangi.
  • Emmenthaler (emmenthaler utawa emmentaler): Rasane legi kaya kacang. Atos, warna kulite soklat emas alus.
  • Gaiskasli: Keju kang digawé saka susu wedhus lan lembut.
  • Gruyère: Keju Swiss kang paling legi kanthi rasa kaya kacang. Lembut, ante plan dimatengake kanthi cara alami.
  • Krauterkäse: Digawé saka susu skim kanthi tambahan rempah-rempah.
  • Mutschli: Keju kang wernane krem rada rada empk lan lembut
  • Saanen: Keju Swiss kang atos lan garing, rasane pada karo gruyere.
  • Sapsago: Keju Swiss kang at9s lan ora duwé kandhutan lemak, aroma rempah-rempah.
  • Sbrinz: Sawijining keju kang tuwa dhéwé kang digawé ing Swiss. Keju kang tuwa, atos lan duwé tekstur. Duwe kandhutan lemak kang dhuwur.
  • Schabzieger: Keju Swiss kang atos, disebut uga “keju hijau” amarga ditambahi bubuk semanggi, digawé saka susu skim kecut.
  • Tête de moine: Keju Swiss kang atos kanthi rasa lan aroma kang kuat, digawé saka susu sapi.
  • Vacherin: Vacherin mont d'or digawé namung setahun kaping pisan ing Swiss.

Pranala njaba[besut | besut sumber]

Cathetan sikil[besut | besut sumber]