Jamur kuping ireng
| Jamur kuping cemeng | |
|---|---|
| |
| Klasifikasi ngèlmiah | |
| Karajan: | Fungi |
| Dhivisi: | Basidiomycota |
| Klas: | Heterobasidiomycetes |
| Ordho: | Auriculariales |
| Famili: | Auriculariaceae |
| Génus: | Auricularia |
| Spésies: | A. polytricha |
| Jeneng binomial | |
| Auricularia polytricha (Mont.) Sacc. | |
Jamur kuping cemeng utawi mawi basa Jawi ngoko jamur kuping ireng (Auricularia polytricha, sinonim Hirneola polytricha) punika salah setunggaling spésies jamur saking kelas Heterobasidiomycetes (jelly fungi).[1] Jamur kuping cemeng gadhah warni coklat tuwa radi bening.[1] Jamur punika gadhah wangun ingkang wujud talingan manungsa.[1] Wonten ing basa Tionghoa, jamur kuping cemeng punika dipunwastani kanthi nama (pinyin: yún ěr), (pinyin: máo mù ěr) utawi (pinyin: mù ěr).[1] Jamur kuping cemeng punika limrahipun dipun-ginakaken kanggé campuran masakan Asia.[1]
Jamur kuping cemeng tuwuh wonten ing kayu ingkang sampun bosok ing panggènan ingkang teles utawi lembab.[1] Jamur kuping cemeng nalika taksih seger katingal kados jelly utawi ager-ager, nanging nalika sampun garing katingal mengkeret saha langkung alit tinimbang nalika taksih seger.[1]
Jamur kuping cemeng kathah dipunsadé kanthi wangun ingkang sampun garing.[1] Manawi badhé masak jamur punika kedah dipunrendhem wonten toya rumiyin.[1] Jamur kuping cemeng nalika sampun dipunmasak gadhah raos kados balung ingkang empuk saha boten gadhah raos utawi raosipun nétral.[1]
Jamur kuping cemeng ugi asring dipun-ginakaken kanggé bahan obat tradhisional amargi gadhah sipat antikoagulan.[1] Jamur kuping cemeng punika saged kanggé tamba lelara jantung, pambuluh getih kanthi endhapan (aterosklerqsis), kanggé ngirangi kolesterol saha trigliserid, antiplatelet saha antipangenthelan getih.[2] Jamur kuping cemeng ugi saged kanggé obat antipanggetihan.[2]
Cathetan suku
[besut | besut sumber]- ↑ a b c d e f g h i j k naturindonesia.com Archived 2011-09-03 at the Wayback Machine.(dipunundhuh tanggal 16 September 2011)
- ↑ a b suaramerdeka.com Archived 2011-08-11 at the Wayback Machine.(dipunundhuh tanggal 16 September 2011)
| Artikel iki minangka artikel rintisan. Kowé bisa ngéwangi Wikipédia ngembangaké. |