I Nyoman Nuarta
| I Nyoman Nuarta | |
|---|---|
 | |
| Lair | 14 Novèmber 1951 Tabanan, Bali |
| Bangsa | Indonésia |
| Pakaryan | Pematung |
I Nyoman Nuarta (wiyos wonten ing Tabanan, Bali, 14 November 1951) punika satunggaling pematung Indonesia ugi salah satunggaling pelopot obahan Seni Rupa énggal. I Nyoman Nuarta punika putra kaping enem saking sanga sedhèrèkipun saking pasangan Wirjamidjana kaliyan Samodra. I Nyoman Nuarta tuwuh wonten ing didikan pamanipun. Lajeng tepang kaliyan guru nggambar Ketut Dharma Susila [1].
Pendidikan
[besut | besut sumber]Sasampunipun lulu saking SMA lajeng dhateng jurusan Seni Rupa Institut Teknologi Bandung ITB) ing taun 1972. Wiwitanipun I Nyoman Nuarta milih seni lukis, nanging nalika sampun kuliah kalih taun banjur pindah dhateng jurusan seni patung. Nalika taksih dados mahasiswa ing taun 1979, I Nyoman Nuarta menang Lomba Patung Proklamator Republik Indonesia, lomba punika ingkang dados wiwitan ténaripun I Nyoman Nuarta. Sesarengan kaliyan kancanipun kados pelukis Hardi, Dede Eri Supria, Harsono, lan kritikus seni Jim Supangkat, Nyoman Nuarta nggabung wonten ing Gerakan Seni Rupa Baru ing Indonesia nalika taun 1977 [2].
Karir
[besut | besut sumber]Dumugi sapunika, I Nyoman Nuarta ingkang lulus saking ITB ing taun 1979 punika sampun ngasilaken langkung saking satus patung. Sedaya karyanipun nggambaraken seni patung modern kanthi gaya naturalistik lan materi ingkang dipun-ginakaken padatanipun saking tembaga lan kuningan[2].
Bakat I Nyoman Nuarta ing babagan seni mandhap dhateng kalih putrinipun. Ingkang mbarep anama Tania ingkang sinau jurusan seni rupa ing satunggaling Perguruan Tinggi ing Melbourne, Australia, déné rayinipun Tasya asing manggihi Nuarta wonten ing studionipun[2].
Minangka satunggaling pematung, Nuarta sampun yasa Taman Patung kanthi nama NuArt Galley. Nuarta yasa taman punika ing kawasan Sarijadi, Bandung. Puluhan manéka wujud patung lan manéka ukuran nyebar wonten ing aréal kanthi wiyar tigang héktar punika. Wonten ing mriku ugi dipunyasa gedung 4 lantai ingkang kaginakaken kanggé pameran lan ruang pepanggihan kanthi gaya ingkang artistik [2].
Ing taun 1993, Nuarta damel Monumen Jalesveva Jayamahe ingkang dumugi sapunika taksih madeg wonten ing ujung kutha Surabaya[3]. Monumen mau nggambaraken sosok Perwira TNI Angkatan Laut kanthi busana PDU jangkep kaliyan pedang kehormatan ingkang nembé mirsani arah sagara. Patung mau madeg ing sangandhaping yasan kanthi dhuwur dumugi 60,6 mèter. Monumen Jalesveva Jayamahe nggambaraken génerasi panerus bangsa ingkang yakin lan temenen kanggé nggayuh cita-citaning bangsa Indonesia [3].
Karya I Nyoman Nuarta
[besut | besut sumber]- Monumen Jalesveva Jayamahe
- patung Garuda Wisnu Kencana
- Patung Wayang (Sala)
- Monumen Arjuna Wiwaha (Jakarta)
- Patung Putri Melenu (Kalimantan Timur)
- Patung Timika kanggé alun-alun Newtown Freeport (Irian Jaya), lan sanès-sanèsipun[1][3].
Penghargaan
[besut | besut sumber]- Pemenang Lomba Patung Proklamator Republik Indonesia,
- Penghagaan Jasa Adiutama saking Institut Teknologi Bandung ITB (2009)
Ugi pirsani
[besut | besut sumber]Cathetan suku
[besut | besut sumber]- ↑ a b [1] Archived 2015-12-26 at the Wayback Machine. (id) Pembuat Patung Garuda Wisnu Kencana(dipun-akses tanggal 17 Januari 2013)
- ↑ a b c d [2] Archived 2021-04-14 at the Wayback Machine. (id) Tokoh Nyoman Nuarta(dipun-akses tanggal 17 Januari 2013)
- ↑ a b c [3] Archived 2014-08-18 at the Wayback Machine. (id) Biografi(dipun-akses tanggal 17 Januari 2013)