Helene

Saka Wikipédia Jawa, bauwarna bébas abasa Jawa
Helene saking Troya déning Evelyn de Morgan (1898, London); Helene dipungambaraken nembé ngaca wonten ing pangilon ingkang kahiasi ukiran telanjang dewi Afrodit.

Helene (Basa Yunani : Ἑλένη, Helénē) utawi ingkang langkung kawéntar kanthi nama Helene saking Troya lan Helene saking Sparta punika satunggaling tokoh wanita ingkang kondhang ing mitologi Yunani [1].

Tiyang sepuhipun punika Tindareus lan Leda lan sedhèrèk saking Kastor, Polideukus, lan Klitemnestra [2], ananging bapak biologisipun punika dewa Zeus ingkang merkosa Leda kanthi wujud kewan banyak (angsa). Ing versi sanèsipun, Helene punika laré èstri saking Zeus lan dewi Nemesis. Helene wiyos saking tigan lan kalebet sedhèrekipun Klitaimnestra lan Dioskuri (Kastor lan Polideukes). Helene punika kagungan praupan ingkang ayu, ugi wonten ing mitologi punika Helene kasebut minangka wanita paling ayu ing donya saengga kathah raja ing Yunani ingkang remen, ananging ing pungkasan Helene punika kagarwa Menelaos saking Sparta. Paris satunggaling pangeran Troya mbeta kesah Helene saking Sparta saéngga damel Menelaor murka ugi Troya dipunserang déning para raja ing Yunani lan kedadosan Perang Troya. Sasampunipun Troya risak, Helene kondur malih dhateng Sparta sesarengan kalihan garwanipun.

Cathetan paling tua babagan Helene punika wonten ing sajak-sajak karyanipun Homeros lan mitos babagan Helene saged ugi asalipun saking Zaman Mykenai. Ing Yunani Kuno, Helene ugi dipunsembah wonten ing kuil lan suaka. Pusat kanggé muja Helene punika wonten ing Sparta. Lajeng cariyos kesahipun Helene kalihan Paris punika dados tema ingkang kondhang ing seni visual. Panggambaranipun asring medal wiwit saking lukisan guci Yunani Kuno dumugi lukisan nalika masa Renaisans.

Asal mula[besut | besut sumber]

Mitos Helene punika asalipun saking Zaman Mykenai. Cathetan paling tua babagan Helene punika wonten ing sajak-sajak karyanipun Homeros, ananging para sejarawan kagungan pamanggih bilih mitos kasebut dipuntampi déning Bangsa Yunani Mykenai saderengipun dugi dhateng Homeros. Wonten ing mitologi, papan wiyosipun Helene punika wonten ing Sparta nalika Zaman Pahlawan ingkang kathah medal wonten ing mitologi Yunani. Zaman Pahlawan ingkang dipunpitadosi déning tiyang Yunani Kuno ingkang sapunika dipunwastani zaman Perunggu Mykenai déning para sejarawan. Para raja, ratu, lan pahlawan ing Siklus Troya asring sesambetan kalihan para dewa amargi asal-usuling mitos ingkang paring derajad langkung inggil ing para leluhur pahlawan bangsa Yunani.

Pagesangan[besut | besut sumber]

Wiyos[besut | besut sumber]

Saking kathah sumber, kalebet Iliad lan Odisseia Helene punika lare estri Zeus lan Leda, garwa Raja Sparta, Tindareus [3][4][5][6][7][8]. Sandiwara karyanipun Euripides, Helene dipunserat nalika pungkasan abad kaping 5 SM dados sumber paling tua ingkang nyariosaken wiyosipun Helene bilih : sanajan bapakipun punika Tindaerus, ananging Helene punika putri Zeus. Kanthi wujud banyak (angsa), Zeus dipunuyak déning manuk garudha lan dipunslametaken déning Leda. Sasampunipun celak kalihan Leda banjur dipunperkosa. Leda nglairaken satunggal tigan ingkang dados Helena.

Cathetan suku[besut | besut sumber]

  1. ^ [1] (id) Helene (dipunakses tanggal 26 Januari 2013)
  2. ^ [2] (id) 5 Hasil rampasan dari peperangan (dipunakses tanggal 26 Januari 2013)
  3. ^ Homeros, Iliad, III, 199
  4. ^ Homeros, Iliad, 418
  5. ^ Homeros, Iliad, 426
  6. ^ Homeros, Odisseia, IV, 184
  7. ^ Homeros, Odisseia, IV, 219
  8. ^ Homeros, Odisseia, XXIII, 218
Sumber artikel punika saking kaca situs web: "https://jv.wikipedia.org/w/index.php?title=Helene&oldid=1012916"