Sparta

Saka Wikipédia Jawa, bauwarna bébas abasa Jawa
Peta wewengkon kakuwasané Sparta.

Sparta ya iku kutha ing jaman Yunani Kuna sing dadi kutha krajan Laconia lan kutha paling penting Peloponesus ing pinggir Kali Eurotas. Sparta diadegaké déning wong-wong Doria sing ngalahaké Laconia lan Messenia ing perkembangané dadi kuat lan kuasa. Ing abad 7 SM, Sparta dadi pusat kesusastraan ananging sakwisé taun 600 SM, ilmu kemiliteran sing luwéh ditonjolaké [1].

Bocah-bocah saka golongan sing kuasa (Spartiate) dilatih dadi militèr. Ing ngisor golongan militèr ya iku golongan perioeci (tukang lan pedagang) lan helot (budak-budak). Mung golongan Spartiate sing nduwèni hak hukum lan hak sipil.

Sejarah[besut | besut sumber]

Prasejarah[besut | besut sumber]

Mangsa Prasejarah Sparta angèl direkonstruksi, amarga ora akeh bukti tulisan saka mangsa kasebut lan uga distorsi saka tradisi oral.[2] Ananging, bukti paling dhisik babagan perumahan manungsa ing wewengkon Sparta ya iku saka tembikar sing asalé saka pertengahan jaman Neolitikum, ditemokaké ing sekitar Kouphovouno, sekitar rong kilometer kidul-kulon Sparta .[3] Iki tiplak awalé peradaban Sparta Mikene, kaya sing digambaraké ing Illiad déning Homer.

Peradaban iki kayané ngalami rusak banget ing pungkasan jaman perunggu. Miturut Herodotus, suku-suku Makedonia saka lor obah tumuju Peloponesia, lan dewèké kasebut bangsa Doria, dewèké ngalahake suku-suku ing papan kunu lan netep ing papan panggonan kui mau.[2] Bangsa Doria kayane wes lekas ngembangake bates wewengkon Sparta meh sakdurunge deweke ngedekake nagarané déwé.[4] Sparta perang nglawan Doria Argive ing etan lan etan kidul, uga Arkadia Achaea ing sebelah kulon lor. Bukti nuduhaké manawa laladan Sparta ora bisa dilewati amarga topografi dataran Taygete saingga Sparta wes aman saka awal.[4]

Miturut Herodotus lan Thucydides, antarané abad 8 lan 7 SM Sparta ngalami periode ora ana hukum lan padudon.[5] Akibaté, dewèke nglakoni macem-macem reformasi pulitik lan sosial ing masyarakat sing sabanjuré dewèké sangkutaké karo sing wenehi hukum, Lykourgos[6] Ewah-ewahan iki nuduhake wiwité sejarah klasik Sparta.

Cathetan suku[besut | besut sumber]

  1. ^ (id)Epik Yunani Tentang Keberanian Prajurit Sparta Menghadang Invasi Musuh (Resensi Film)(dipununduh tanggal 16 September 2012)
  2. ^ a b Herodot, Book I, 56.3
  3. ^ Cartledge 2002, p. 28
  4. ^ a b Ehrenberg 2004, p. 31
  5. ^ Ehrenberg 2004, p. 36
  6. ^ Ehrenberg 2004, p. 33
Sumber artikel punika saking kaca situs web: "https://jv.wikipedia.org/w/index.php?title=Sparta&oldid=1017519"