Menyang kontèn

Handry TM

Saka Wikipédia Jawa, bauwarna mardika basa Jawa

Handry TM (lair ing Kota Semarang, Jawa Tengah, 23 Sèptèmber 1963; umur 61 taun) ya iku salah sawijiné sastrawan saka Indonésia. Awit ésih sekolah, dhèwèké wis asring nganggit karya sastra mligi gancaran. Pakaryané wis akèh dimot ing sawenèh ariwarta kaya ta Kompas, Suara Merdeka, Suara Pembaruan, Hai, Suara Karya, Gadis, Esquire Indonesia, Story, lan liya-liyané. Kabut Bening iku karyané Handry awujud novelet kapisan kang kasil nglumantaraké nampani bebungah ing Sayembara Penulisan Novelete Kalawarta Gadis (1991).[1][2][3] Taun 2017, Handry kapilih dadi Katua Dewan Kesenian Semarang, sawisé ngayahi jejibahan minangka salah sawijiné pengurus ing Dewan Kesenian Jawa Tengah.[4][5] Handry TM kacathet minangka salah sijiné panggurit ing Komunitas Negeri Poci. Saliyané nganggit, dhèwèké uga prigel gawé filem-filem cekak awujud musik vidéo lan carita.

Latar wuri

[besut | besut sumber]

Handry TM lair ing Kutha Semarang, Jawa Tengah. Awis ésih sinau ing Sekolah Menengah Pertama, dhèwèké wis cedhak karo donyané kasusastran, mligi gancaran. Carita cekak lan carita sambungé akèh-akèhé njupuk tema remaja lan dimot ing sakpérang ariwarta lan kalawarta, ing Jawa Tengah lan nasional. Carita sambung Denting hati (1983) salah sijiné karya kang dimot ing kalawarta Media Pelajar (MOP) nalika Handry TM lagi wiwitan nganggit. Kepara, nalika kuwi dhèwèké wis diparengaké magang nyambut gawé ing ariwarta Suara Merdeka (Semarang) kang pungkasané kanthi resmi nyawiji ing perusahaan kuwi. Meh separo uripé dientèkké kanggo nulis, ing kancah kasusastran lan tugasé minangka juru warta. Handry naté nyambut gawé minangka juru warta ing Suara Merdeka, tabloid Tren Cek & Ricek, Planet Badminton, Autobiz lan Soccer Style, lan sawisé ngadegaké kalawarta Ezzpro Media tumeka saiki. Kaprigelané ing kancah kasusastran Indonesia ndadèkaké Handry asring diundang minangka pawicara ing sawenèh seminar, wawanrembug, lan wawancara ing tivi. Buku Kekasih plastik ya iku kumpulan carita cekak kapisan kang naté dibabar, kaanggit nalika dhèwèké ngayahi jejibahan ing mancanagara. Bareng karo Anggoro Suprapto, Bambang Sadono, lan Timur Sinar Suprabana, dhèwèké ngadegaké Kulawarga Penulis Semarang kang akèh nglairaké sastrawan anyar. Wektu iki, Handry lagi ngrampungaké novèl Mata yang Berdusta lan Cinta yang Menderai minangka trilogi saka karyané, Gang Pinggir.[6][7][8][9]

Lumakuné ing organisasi

[besut | besut sumber]
  • Katua Kulawarga Penulis Semarang (1987-1990)
  • Pangurus Seksi Budaya dan Film Persatuan Wartawan Indonesia (1986 – 2000)
  • Pengurus Dewan Kesenian Jawa Tengah Komite Film/Televisi (1994-1996)
  • Wakil Katua Ikatan Keluarga Berencana Jateng (1997-2000)
  • Pangyasa Ezzpro Media (konsultan médhia)
  • Pangurus PWI Jateng Sie Film & Budaya (2005-2009)
  • Katua Komite Sie Film Dewan Kesenian Semarang (2008 – 2013)
  • Sekretaris Dewan Kesenian Jawa Tengah (2011 – 2015)
  • Sekretaris Forum Komunikasi Media Tradisional Jateng (2013-2018)

Karya

[besut | besut sumber]
  • Buku Pintar Seorang Penulis (Yayasan Kulawarga Penulis Semarang, 1983)
  • Antologi Penyair Jateng (Kulawarga Penulis Semarang, 1983)
  • Antologi Puisi Indonesia (Dewan Kesenian Jakarta, 1987)
  • Antologi Puisi  Telepon (Multimassa Citra Press-Semarang, 1990)
  • Es Krim Kasih Sayang (kumpulan esai psikologi remaja, Abidatama Multipress-Semarang, 1992)
  • Segalanya untuk Lila  (novelette, Multima House-Semarang, 1993)
  • Tali Masa Lalu (kumpulan esai psikologi remaja, Multimassa Citra – Semarang, 1994)
  • Bintang Stamboel (novèl epik, Multimassa Citrapro-Semarang, 1995)
  • Antologi Puisi  Lawang Sewoe  (Penyunting, Multimassa Citrapro – Semarang)
  • Buku Kumpulan Cerpen Gonjong (Indonesia-Australia, 2000)
  • Buku Kumpulan Cerpen Tembang Purba (2001)
  • Cinta Itu Meracuni (kumpulan kasus psikologi remaja, 2005)
  • Aku Ingin Badai (kumpulan kasus psiologi Remaja, 2005)
  • Foto di Atas Piano (kumpulan kasus psikologi remaja, 2005)
  • Pose yang Lelah (kumpulan kasus psikologi remaja, 2005)
  • Kuingin Mencowel Pipimu tiap Hari Sabtu (kumpulan kasus psikologi remaja, Elexmedia, 2005)
  • Mau Jadi Artis Gampang Loh (Panduan Calon Seleb, Laba-Laba, Jakarta, 2005)
  • “Maha Duka Acèh (Kumpulan Puisi 100 Penyair Indonesia, 2005)
  • “Hari Gini Gak Nyampe NY (kumpulan carkak Remaja, Elexmedia, 2006)
  • Antologi Puisi Tuhan ke Mana Cinta (Kata-kita Jakarta, 2009)
  • Antologi Puisi Rumah Cokelat dan Cinta bersama Timur Sinar Suprabana (Gigih Mandiri+Gubug Penceng, 2013)
  • Kancing yang Terlepas (novèl, Gramedia Pustaka Utama, 2013)
  • Antologi Jaket KuningSukirnanto (2014)
  • Antologi Puisi Dari Negeri Poci 5 (2014)
  • Antologi Puisi Menolak Korupsi (2014)

Audio/recording

[besut | besut sumber]
  • Memburu Matahari (drama radio, Teater Jatayu-Semarang, 1983)
  • Selamat Jalan Andra (drama seri radio, 1992)

Pangaji

[besut | besut sumber]
  • Pangaji Wartawan Teladan PWI Jateng 1983
  • Juwara I Pasanggiri Nulis Gurit kanthi Tema Lingkungan Hidup Tk. Jateng 1984
  • Juwara II Pasanggiri Novelette Kalawarta "Gadis" kanthi sesirah "Kabut Bening" 1991
  • Juwara III Pasanggiri Nulis PRPP Tk Jateng 1993
  • Finalis 10 Besar Pasanggiri Carita Cekak Indonesia-Australia 2000
  • Juwara II Pasanggiri Skenario Filem Nasional Departemen Kebudayaan dan Pariwisata 2005
  • 10 Nominator Pasanggiri Skenario Filem Nasional Departemen Kebudayaan dan Pariwisata 2006
  • 10 Besar Pasanggiri Skenario Filem Nasional Kementerian Keudayaan dan Pariwisata 2014
  • 10 Besar Pasanggiri Carita Cekak Nasional Yayasan Obor – Jakarta 2014

Uga delengen

[besut | besut sumber]

Rujukan

[besut | besut sumber]
  1. ↑ Gramedia Pustaka Utama: Detil penulis: Handry TM Archived 2021-12-16 at the Wayback Machine., dijupuk 21 Fèbruari 2015
  2. ↑ Bentara Budaya: Bedah novel Kancing yang terlepas Archived 2015-02-21 at the Wayback Machine., dijupuk 21 Fèbruari 2015
  3. ↑ Situs resmi BKKBN Jawa Tengah Archived 2020-11-01 at the Wayback Machine., dijupuk 21 Fèbruari 2015
  4. ↑ Koran Sindo Handry TM Pimpin Dewan Kesenian Semarang, dijupuk padha 5 Fèbruari 2017
  5. ↑ Tribun Jateng Handry TM Terpilih Nahkodai Dekase 4 Tahun ke Depan, dijupuk padha 5 Fèbruari 2017
  6. ↑ Handry TM Inside Situs pribadi Handry TM Archived 2015-02-21 at the Wayback Machine., dijupuk 21 Fèbruari 2015
  7. ↑ MJ Education Buku Kartya Handry TM Archived 2020-09-03 at the Wayback Machine., dijupuk 21 Fèbruari 2015
  8. ↑ Situs resmi Balai Bahasa Jawa Tengah Archived 2023-10-07 at the Wayback Machine., dijupuk 21 Fèbruari 2015
  9. ↑ Katalog Perpustakaan FIB Undip Semarang Archived 2015-02-21 at the Wayback Machine., dijupuk 21 Fèbruari 2015
Dijupuk saka "https://jv.wikipedia.org/w/index.php?title=Handry_TM&oldid=1702997"