Grojogan Kedungsentul
| Grojogan Kedhungsentul - | |
|---|---|
| Jinis | Wisata Alam |
| Papan | Desa Sidototo, Kecamatan Padureso, Kabupaten Kebumen, Provinsi Jawa Tengah |
| Koordinat | 7°37′35″S 109°47′01″E / 7.626360°S 109.783651°E |
| Kang ngrumat | Pemerintah Kabupaten Kebumen |
| Status | Dipun bikak (sakdawane dinten) |
| Sarana |
|
Grojogan Kedungsentul inggih punika grojogan ingkang inggilipun kirang langkung 20 mèter ingkang mapan wonten ing tlatah lor Kabupatèn Kebumen ingkang inggilipun 130 mèter saking lumahing segara (mdpl). Kebumen piyambak dipun mangertos dados salah setunggaling kabupaten ingkang nggadahi grojogan ingkang kathah.[1] Kathah wisatawa ingkang dhateng Kebumen kagem tujuan wisata teng grojogan.[2] Grojogan Kedungsentul nduweni formasi tegak tunggal utawa Plunge. Grojokan puniki wonten ing Kali Kaligubug ingkang mili saking Bukit Silantur wonten ing tlatah Desa Padureso lan mili dhateng Kali Badegolan. Wonten ing sisih tengen Grojogan Kedungsentul wonten tebing watu breksi ingkang terus netesaken toya kados stalaktit nalika musim udan . Woonten ing ngisor Grojogan Kedungsentul wonten kedhung. Ananging, toyanipun asring keruh lan kathah tumpukan sampah organik lan non-organik ingkang dipun bekto saking arus kali lan boten dipun bekto mudhun. Ananging, swasana wonten ing Grojogan Kedungsentul tesih cukup alami, hawane resik lan seger. Gemuruh toya ingkang tumiba wonten ing kedung ing ngandapioun ndadeake cipratan toya lan angin wonten ing pundi-pundi, saengga bakal wonten fenomena udan lokal ingkang ngllembabake tanduran wonten ing saubengé [3]
Papan Panggonan[besut | besut sumber]
Grojogan Kedungsentul puniki dumunung wonten ing Dusun Kedungsentul, Desa Sidototo, Kecamatan Padureso, Kabupaten Kebumen, Provinsi Jawa Tengah .[4]
Aksesibilitas[besut | besut sumber]
Menawi badhe dhateng teng grojogan puniki gampil sanget anggone golek, saged nggunakake sepedha motor kanthi nututi margi beton amarga lokasinipun boten tebih saking margi ageng provinsi. Banjur dipun terusake kanthi mlampah cendhak amarga lokasinipun uga boten tebih saking pemukiman lokal. Amarga dudu papan wisata ingkang dipunkelola, boten wonten fasilitas wonten ing sekitar grojogan. Kagem dumugi Grojogan Kedungsentul wonten kalih jalur kagem dumugi papan puniki, inggih punika saking Kutha Kebumen - Sawangan (Kecamatan Alian) - Waduk Wadaslintang - Padureso - Sidototo kanthi jarak 23 Km. Rute kaping kalih 31 km langkung saking Kebumen - Prembun - Kota Sidototo. Mlebet wonten ing Grojogan Kedungsentul menika wonten gang ingkang pas kaliyan Balai Desa Sidototo .[5][6]
Rujukan[besut | besut sumber]
- ↑ Times, I. D. N.; Listiyana, Sinta. "5 Air Terjun Unggulan di Kebumen, Bak Surga Tersembunyi". IDN Times . Dibukak ing 2023-10-13.
- ↑ Nanda (2023-07-09). "16 Air Terjun di Kebumen Terbaik & Paling Hits, Lokasi Curug, Tiket dll". Tempat Wisata Seru (ing basa Inggris Amérika Sarékat). Dibukak ing 2023-10-13.
- ↑ Akhirnya Curug Kedungsentul Terjamah
- ↑ "Curug Kedungsentul · 9QFM+FC2, Kedungsentul, Sidototo, Kec. Padureso, Kabupaten Kebumen, Jawa Tengah 54394, Indonesia". Curug Kedungsentul · 9QFM+FC2, Kedungsentul, Sidototo, Kec. Padureso, Kabupaten Kebumen, Jawa Tengah 54394, Indonesia (ing basa Inggris). Dibukak ing 2023-10-13.
- ↑ Kebumen, Pemerintah Kabupaten. "Pembangunan wisata curug". Website Resmi Desa Sidototo Kecamatan Padureso Kabupaten Kebumen (ing basa Indonesia). Dibukak ing 2023-10-13.
- ↑ "Curug Kedungsentul, Sidototo, Padureso, Central Java". ulasantempat.com. Dibukak ing 2023-10-13.