Furikake

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Jujug: pandhu arah, pados
Furikake ing ndhuwur sega

Furikake (ふりかけ?) ya iku bumbu panganan asal Jepang kang wujude bunder cilik-cilik, glepung, utawa nduwe serat kaya abon. Bumbu iki diwurake ing ndhuwur sega lan dipangan dadi lawuh. Furikake ora digawé nalika arep mangan, nanging digawé langsung akeh lan dipangan sithik-sithik yen arep mangan. Produsen panganan saiki nggawé furikake ing maneka rasa lan wadhah kang narik kawigaten.

Jinising furikake kang diarani bumbu ochazuke (ochazuke no moto) diwenehake ing ndhuwur sega lan digabyur nganggo banyu panas utawa teh ijo panas kanggo nggawé ochazuke. Nalika nggawé onigiri, sega kang wis diwenehi furikake diudheg-udheg ndhisik sadurunge dikepel-kepel.

Sakabehing bahan kang arep digawé furikake diajurake nganti rada alus lan dibumboni. Sawise digaringake, isi kang liyane (kaya nori, wiji wijen, utawa janganan kang digaringake) ditambahake ing furikake minangka panyedhep. Furikake seger (nama furikake) ya iku variasi saka furikake kang ora digaringake. Kabeh bahan dicampur lan diudheg dadi siji. Bahan kanggo nggawé furikake seger ya iku iwak teri, serutan katsuobushi, rumput laut kang dirajang cilik, kombu, abon iwak utawa panganan laut liyane.


Sumber artikel punika saking kaca situs web: "https://jv.wikipedia.org/w/index.php?title=Furikake&oldid=985586"