Fan Bingbing

Saka Wikipédia Jawa, bauwarna mardika basa Jawa
Fan Bingbing
Jeneng Cina 范冰冰
Pinyin Fàn Bīngbīng (Mandarin)
Jyutping Faan6 Bing1 Bing1 (Kanton)
Leluhur Yantai, Shandong, China
Pakaryan Aktris, penyanyi
Taun aktif 1996 - saiki

Fan Bingbing (1981-09-16) Sèptèmber 16, 1981 (umur 42) dhèwèké iku aktris lan penyanyi saka China. Dhèwèké tau sekolah ing Shanghai Xie Jin's Star School lan Shanghai Theatre Academy.[1]

Ing taun 1997, Fan wiwit munggah kariré amarga meranaké paraga ing filem kang judhulé "Princess Pearl".[1] Awit iku kariré tambah suksès saéngga dhèwèké wiwit kebanjiran tawaran kanggo main ing filem-filem lan sérial télévisi.[1] Dhèwèké uga dadi salah sijining artis kang paling kondhang ing tlatah China.[1] Sawisé suksès amarga karir aktingé, Fan uga wiwit ngrilis album, metu ing samak kalawarti, lan dadi juru omong ing mèrek prodhuk komersil.[1]

Ing taun 2007, Fan mbukak studhio dhéwé, kang dijenengi Fan Bingbing Workshop.[1] Filmé kang kaping pisanan diprodhuksi studhio mau ya iku "Rouge Snow", kang sawisé iku disusul karo ngrilis "Jin Da Ban De Zuihou Yiye" ing taun 2008.[1] Sawisé iku dhèwèké mbukak sekolah seni ing Huairou, Beijing. Ing sekolah mau, dhèwèké njabat dadi kepala sekolahé.[1] Émané sekolah mau ora temenanan dikelola déning dhèwèké, mula wong tuwané kang ngurusi sekolah mau.[1] Dhèwèké uga dadi pamimpin ing golongan akting kang jenengé West Movie Group kang sawisé iku kondhang kanthi jeneng Chinané Monica Bellucci.[1]

Ing taun 2010, Fan Bingbing olèh peran ing filem Koréa. Film mau nyaritakaké babagan Perang Donya kaping II, dijudhuli "My Way".[2] Mainaké peran bebarengan karo Jang Dong Gun, lan aktor Jepang, Odagiri Joe.[2] Diarahaké déning sutradhara Kang Je Gyu.[2] Critané babagan bala Koréa kang direkrut Jepang kanggo dadi wadyabala perang nglawan Jerman ing Perang Donya II.[2] Fan meranaké wanita China kang seneng karo bala Koréa nalika ketemu ing China.[2] Film iki bakal njupuk gambar ing Koréa Kidul, China, Ruslan lan Prancis.[2]

Cathetan sikil[besut | besut sumber]

  1. a b c d e f g h i j Biografi Fan Bingbing diundhuh tanggal 17 Agustus 2011
  2. a b c d e f berita Fan Bingbing diundhuh tanggal 17 Agustus 2011

Cithakan:Bio-rintisan