Dwain Chambers

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Dwain Chambers
Dwain Chambers Doha 2010.jpg
Dwain Chambers menang medhali ana Kajuwaran Donya ing Doha, Qatar
Pratélan pribadi
Jeneng dawaDwain Anthony Chambers
BangsaInggris, Britania Agung
PidalemSurrey
Dhuwur5 ft 10 12 in (179 cm)
Bobot183 lb (83 kg)
Sporet
ClubBelgrave Harriers
Retired2014

Dwain Chambers yaiku salah sawijining atlét mlayu kang asalé saka Britania Agung. Jeneng jangkepé yaiku Dwain Anthony Chambers, lair surya kaping 5 wulan April taun 1978 ing Islington, London Lor, London, Inggris.[1] Chambers yaiku atlét mlayu ing nomer sprint dadi salah sawijining atlét mlayu kang playuné paling cepet ing tlatah Éropah lan ing sujarah Atlètik. Chambers mèlu ing lomba nomer 100 mèter kang nyekel rékor dadi atlét mlayu Inggris kang paling cepet ing urutan nomer lima. Chambers wis naté menangi medhali ing kajuwaran Donya Mlayu Éropah lan dadi juwara manèh kanggo nyekel rèkor wektu mlayu ing Éropah nomer 60 mèter kanthi cathetan wektu 6.42 dhetik.[1]

Karir Yunior[besut | besut sumber]

Chambers dadi salah siji atlét kang kaloka saka Inggris kawit dheweké menang ing kajuwaran donya taun 1999 nalika umuré isih 22 taun. Dhèwèké ngatonaké kaprigelané minangka nom-noman, menang ing nomer 100 mètér lan sprint relay antuk emas ing kajuwaran Éropah yunior 1995 lan nyathethaké rèkor yunior lan dibalèni manèh ing taun 1997.[2] Chambers mlayu ing nomer 100 mèter lan kasil nyathethaké wektu 10.06 dhetik lan dadi atlet paling enom kang naté olèh medhali, senajan ta medhali perunggu ing taun 1999.[1] Juru latihé chambers nalika yunior yaiku Shèlwyn Philbert kang bisa dadèkaké dhèwèké isa ndulang pangaji-aji kang cukup gèngsi ing mangsa enomé.[1]

Karir Sénior[besut | besut sumber]

Karir sènioré Chambers diwiwiti ing taun 1998, nalika dhèwèké ngancik umur 19 dhèwèké bacutaké lelakoné. Ing Olimpiadhe Sidney 2000 dhèwèké dadi atlét mlayu asal Éropah kang tampil paling becik dhèwèké nyathetaké wektu 10 dhetik kanggo kaping pindhoné yaiku ing Olimpiadhe Sidney lan Kajuwaran Donya taun 2001.[1] Nanging Chambers sok kangèlan tampil ing performa poncode. Ing kajuwaran donya taun 2003, dhèwèké ora dianggep pinunjul nanging kasil ngrampungaké lomba ana urutan kapapat.[2] Taun 2004 kariré Chambers rada mlorod jalaran dhèwèké dianggep ngombe obat-obatan kang dipenging utawa dhoping kanthi ngombe steroid THG. Asilé dhèwèké diukum rong taun ora olèh mèlu kajuwaran apa waé lan nampa ukuman ora olèh pentas ing Olimpiadhe salawasé.[1]

Rékor-rékor[besut | besut sumber]

Sadawané kariré Chambers, senadyan ta ora kasil mboyong gelar kajuwaran, nanging cathethan wektuné Chambers bisa gawé marem dhèwèké. Rékor-rékoré Chambers manawa diklumpukaké dadi pirang-pirang.[3]

Kajuwaran Dhomèstik[besut | besut sumber]

  • Taun 1996 – Juwara kapisan AAA U-20 Championships 100 mèter
  • Taun 1998 – Juwara kapindho AAA Indoor Championships 60 mèter, juwara kapindho AAA Championships 100 mèter
  • Taun 1999 – Juwara kapindho AAA Championships 100 mèter
  • Taun 2000 – Juwara kapisan AAA Championships 100 mèter
  • Taun 2001 – Juwara kapisan AAA Championships 100 mèter, Juwara katelu 200 mèter
  • Taun 2008 – Juwara kapisan Norwich Union UK Indoor Championships 60 mèter, Juwara kapisan Olympic Trials 100 mèter
  • Taun 2009 – Juwara kapisan Aviva UK Indoor Championships 60 mèter, Juwara kapindho Aviva World Trials 100 mèter

Kajuwaran Donya[besut | besut sumber]

  • Taun 1998 – European Championships 100m (juwara siji h 4x100 mèter)
  • Taun 1998 – Commonwealth Games 5sf 100 mèter
  • Taun 1999 – World Championships – Juwara katelu 100 mèter (juwara kapindho 4x100 mèter)
  • Taun 2000 – Olimpiadhe Sydney – Urutan kapapat 100 mèter
  • Taun 2001 – Urutan kapapat 100 mèter, 5 qf 200 mèter (Gagal Finis h 4x100 mèter)
  • Taun 2006 – Urutan kapitu (juwara kapisan 4x100 mèter)
  • Taun 2009 – Urutan kanem 100 mèter[3]

Kajuwaran Liyané[besut | besut sumber]

  • Taun 1995 – Juwara kapisan European Junior Championships 100 mèter
  • Taun 1997 – Juwara kapisan European Junior Championships 100 mèter
  • Taun 1999 – Juwara kapisan European Cup 100 mèter
  • Taun 2001 – Juwara kapisan Goodwill Games 100 mèter
  • Taun 2006 – Juwara kapisan World Cup 4x100 mèter
  • Taun 2008 – Juwara kapindho World Indoor Championships 60 mèter
  • Taun 2009 - Juwara kapisan European Indoor Championships 60 mèter[3]

Cathetan Wektu[besut | besut sumber]

Nomer Wektu Papan Tanggal
50 mèter 5.69 dhetik Liévin, Prancis 13 Februari 2000
60 mèter 6.42 dhetik (Rékor Eropah) Turin, Itali 7 Maret 2009
100 mèter 9.97 dhetik (+0.2 m/s kacèk) Seville, Spanyol 22 Agustus 1999
200 mèter 20.31 dhetik (−0.6 m/s kacèk) London, Inggris 22 Juli 2001

Perkara[besut | besut sumber]

Perkara kang gawé jenengé Chambers kucem yaiku ing taun 2003 lan jalari kalodhangan dhèwèké kanggo nggayuh medhali emas Olimpiadhe Athena 2004 kabeslah. Senadyan getuné dhèwèké wis katon ana ing kajuwaran Commonwealth Games ing Manchèster taun 2002 Chambers digadhang-gadhang bakal dadi saingan utamané atlét mlayu kang naté menang ing Olimpiadhe yaiku Maurice Green.[4] Jajal supaya bisa tampil luwih konsistèn manèh, Chambers milih pepisahan kalawan juru latihé kang paling lawas mbesut dhèwèké yaiku Mike McFarlane lan ganti juru latih menyang Remi Korchemny. Juru latih kang wis yuswa 73 taun kang naté mbesut atlét Ukraina, Valery Borzov biyèn antuk emas ing Olimpiadhe taun 1973.[4] Sawisé dilatih déning Korchemny, Chambers rumangsa dhèwèké ora salah pilih juru latih nyatané dhèwèké kasil nyathethatké wektu ing mlayu 100 mèteré 9.65 dhetik, wektu kang mèh waé nyedhaki rekor donya. Obat Anabolic-Steroid THG kang dijajal dhèwèké digawé ing kutha San Francisco déning pabrik Bay Area Laboratory Co-Operative (Balco), kang diduwèni déning kancané Korchemny ing klub mlayu KMA yaiku Victor Conté.

Sawisé luwar saka ukuman, Chambers menang medhali emas ing nomer 4x100 mèter relay ing kajuwaran European Championship ing kutha Gothenburg. Nanging mitrané Chambers Darren Campbell nulak kanggo mangayubagya kamenangané malah kepara nesu jalaran medhali emasé ing taun 2003 kajaluk amarga konangan ngombé obat-obatan.[4] Sawisé antuk tanggapan kang ora nyenengaké saka bali ukumané, Chambers ninggalaké donya atlètik kang wis mumbulaké jenengé lan nyoba kabegjané ing olah raga American Football, nanging dhèwèké ketaman cidra ing sikilé lan olah raga NFL Éropah kang dhèwèké éloni diandheg. Sawisé kumawani ninggal donya atlétik, Chambers ngalih menyang olah raga Rugby lan dikotrak déning tim Castleford Tigers. Chambers mutusaké bakal bali manèh menyang atlètik lan ngincer bisa mlebu ing tim Britania Agung kanggo Olimpiadhe Bèijing 2008.[4]

Multitalénta[besut | besut sumber]

Ora akèh atlét kang nggeluti amung secawang olah raga kaya Chambers, wis naté tampil ing Olimpiadhe Chambers ngalih cawang olah raga lan uga naté tampil ing Superliga kanggo klub ing Turmoil lan uga ngalih cawang olah raga manèh ana ing cawang Rugby. Sakèhé uwong duwé panganggep yèn Chambers wis jumangkah kadohen saka oyodé lan nganggep dhèwèké ora mungkin bisa nglakoni kuwi kabèh, Nanging Chambers buktèkaké manawa panganggepé sakeh uwong kasebut klèru, malah dhèwèké rumangsa bisa dadi inspirasi kanggo wong-wong kang duwé nasib kaya dhèwèké jalaran kariré kalebu suksès.[5]

Galeri[besut | besut sumber]


Uga Delengen[besut | besut sumber]

Rujukan[besut | besut sumber]

  1. a b c d e f Dwain Chambers, Admin. "Bab Dwain Chambers (Saka Basa Inggris)". Chambers for Sport. Retrieved 2020-01-27.
  2. a b BBC, Admin (2004-02-24). "Olah Raga Atlètik (Saka Basa Inggris)". BBC. Retrieved 2020-01-27.
  3. a b c The Power of 10, Admin. "Info Atlét Profil Dwain Chambers (Saka Basa Inggris)". The Power of 10. Retrieved 2020-01-28.
  4. a b c d Singh, Arj (2008-07-18). "Kajuwaran Atlètik Olimpiadhe (Saka Basa Inggris)". The Guardian. Retrieved 2020-01-28.
  5. Langley, Sam (2008-04-27). "Sawisé Mlayu lan Bal-balan cara Amérika Dwain Chambers Jajal Olah Raga Rugby". Bleacher Report. Retrieved 2020-01-28.