Diesel

Saka Wikipédia Jawa, bauwarna bébas abasa Jawa
Diesel utawa solar

Deisel utawa solar ya iku bahan bakar lenga sulingan saka lenga bumi mentah.[1] bahan bakar iki wernané kuning rodok coklat kang bening. Panggunaané solar racaké ya iku kanggo bahan bakar ing kabèh jinis mesin diesel kanti putaran dhuwur (sak nduwuré 1000 rpm), kang uga digunakaké minangka bahan bakar ing pembakaran langsung pawon-pawon cilik kang mliginé dikarepaké pembakaran kang resik. Lenga solar iki racaké disebut uga Gas oil, Automotive Diesel Oil, High Speed Diesel.

Mesin-mesin kanti putaran kang rikat (>1000rpm) mbutuhaké bahan bakar kanti karakteristik tinamtu kang béda karo lenga diesel. Karakteristik kang diperlokaké ana sesambungané karo auto ignition (kemampuan empan dhéwé), gampang mili ing sajeroning saluran bahan bakar, kemampuan kanggo teratomisasi, kemampuan lubrikasi, aji kalor lan karakteristik liya. Bahan bakar solar duwé sipst-sipat utama, ya iku:

  1. Ora duwé warna utawa rodok kuning lan mambu.
  2. Èncèr lan ora gampang dadi uwab ing suhu normal.
  3. Nduwèni titik empan kang dhuwur (40C nganti 100C).
  4. Kobong kanthi spontan ing suhu 350C.
  5. Nduwèni berat jinis kira-kira 0.82f-0.86f.
  6. Isa ngakibataké panas kang gedhé (10.500 kcal/kg).
  7. Nduwèni kandhutan sulfur luwih gedhé ketimbang bènsin[1]

Kandutan[besut | besut sumber]

Bahan bakar mesin diesel akèh-akèhé kasusun saka senyawa hidrokarbon lan senyawa nonhidrokabon. Senyawa hidrokarbon kang tinemu ing bahan bakar diesel ya iku: parafinik, naftenik, olefin lan aromatik. anata kanggo senyawa nonhidrokarbon kasusun saka senyawa kang ana kandutané unsur logam, ya iku S, N, O lan unsur logam M kaya ta vanadium, nikel lan wesi. ASTM nglasifikasikake bahan bakar diesel dadi 3 tataran, ya iku:

  • Tingkat 1-D Arupa bahan bakar kang volatile kanggo mesin kanti owah-owahan cepetelanloading kang berfrekuensi, kaya ta kanggo kendaraan motor.
  • Tingkat 2-D arupa bahan bakar kanti volatilitas luwih endèk kanggo mesin indhustri, mesin kapal, lan lokomotif.
  • Tingkat 4-D Bahan bakar kanti volatilitas luwih endek kanggo mesin kang kecepetané endèk lan pas-pasan.[1]

Penggolongan bahan bakar mesin diesel andhedasar jinis putaran mesin, bisa dibagi dadi rong golongan ya iku: 1.Automotive Diesel Oil (ADO), ya iku bahan bakar kang minangka mesin kanti kecepatan putaran mesin sak nduwuré 1000 rpm ( rotation per minute). Bahan bakar jinis iki kang biyasa sinebut bahan bakar diesel. Lumrahé minangka kendaraan bermotor. 2.Industrial Diesel Oil, ya iku bahan bakar kang minangka mesin-mesin kang duwé putaran mesin kurang utawa padha karo 1000 rpm, racaké minangka mesin-mesin indhustri. Bahan bakar jinis iki disebut lenga diesel.[2]

Karakteristik Umum Diesel[besut | besut sumber]

Karakteristik kang umum perlu dingertèni kanggo menilai kinerja bahan bakar diesel antarané ya iku viskositas, angka setana, berat jinis, titik tuang, aji kalor pembakaran, volatilitas, kadar residu karbon, kadar banyu lan sedimen, indeks diesel, titik embun, kadar sulfur, lan titik nyala.[1]

Viskositas[besut | besut sumber]

Viskositas ya iku tahanan kang diduwèni fluida kang dialiraké sajeroning pipa kapiler tumprap gaya gravitasi, biasan dinyatakaké sajron waktu kang diperlokaké kanggo mili ing jarak katentu. Yèn viskositas selot dhuwur, mangka tahanan kanggo mili bakal selot dhuwur. Karakteristik iki wigati banget amarga ngaruh tumprape kinerja injektor ing mesin diesel.[1]

Angka Setana[besut | besut sumber]

Angka setana nuduhaké kemampuan bahan bakar kanggo empan dhéwé (autoignition). Skala kanggo angka setana racaké nggunakaké referensi arupa campuran antaranormal setana (C16H34) karo alpha methyl naphtalene (C10H7CH3) utawa kanti heptamethylnonane (C16H34). Normal setana duwé angka setana 100,alpha methyl naphtalene duwé angka setana 0, lan heptamethylnonane duwé angka setana 15.[1]

Titik Tuang[besut | besut sumber]

Titik tuang ya iku titik temperatur paling endèk ingendi wiwit dumadi kristal-kristal parafin kang bisa menyumbat saluran bahan bakar.

Volatilitas[besut | besut sumber]

Volatilitas ya iku sipat kecenderungan bahan bakar kanggo berubah fasa dadi fasa uwab. Tekanan uwab kang dhuwur lan titik didih kang endèk nandakake duwuré volatilitas.[1]

Indeks Diesel[besut | besut sumber]

Indeks diesel ya iku salah sijiné parameter mutu penyalaan ing bahan bakar mesin diesel saliyané angka setana.

Titik Embun[besut | besut sumber]

Titik embun ya iku suhu ingendi wiwit katoné cahya kang warnané suram relatif tumprap cahya sekitaré marang lumah lenga diesel sajron prosès pendinginan.Karakteristik iki ditentokaké kanti migunakaké metoda ASTM D97.[1]

Titik nyala (flash point)[besut | besut sumber]

Titik nyala ya iku titik temperatur paling endèk ing ngendi bahan bakar bisa menyala. Kabèh iki ana kaitané karo keamanan sajeroning nyimpen lan penanganan bahan bakar.[1]

Cathetan sikil[besut | besut sumber]

  1. ^ a b c d e f g h i [1] BAHAN BAKAR SOLAR, (Kaunduh 24/10/12).
  2. ^ [2], (Kaunduh 22/11/12).

Pranala njaba[besut | besut sumber]

[3]

Uga delengen[besut | besut sumber]