Dewan Kesenian Tegal
Dewan Kesenian Kota Tegal (DKT) ya iku salah sijiné organisasi mitrané pamarintah Kutha Tegal kang tugasé mèlu nyengkuyung amrih suksesé pawangunan masarakat ing babagan kagunan-budaya. Organisasi iki didekaké ing taun 1999 kanthi dhedhasar Instruksi Mantri Dalam Negeri No. 5A taun 1993,[1] lan Dudutan Walikota Tegal No. 430/0074/1999 tanggal 29 April 1999, uga Peraturan Dasar Dewan Kesenian Kota Tegal (wiwit taun 2012 diganti jenengé dadi Anggaran Dasar DKT). DKT dipandhégani déning ketua, dibiyantu sapérang wakil ketua, sekretaris, bendahara, litbang, lan para komite. Kaputusan paling dhuwur ing DKT ya iku Musyawarah Daerah (Musda) kang dicekaké saben telung taun pisan. Sakperangan kagiyatan Dewan Kesenian Tegal dibiyantu nganggo dana hibah saka Pamarintah Kutha Tegal. Gedhéné dana hibah kang naté ditampa déning DKT wiwitan ya iku Rp. 50.000.000 (seket yuta rupiah ing 1999-2006), Rp. 100.000.000 (satus yuta ing taun 2006-2009-2012), Rp. 192.000.000 (satus sangang puluh loro yuta 2012-2014), lan Rp. 215.000.000 (rongatus yuta wiwit taun 2015). DKT nduwéni sesambungan karo dewan kesenian daerah kutha lan kabupatèn liyané, kalebu Dewan Kesenian Jawa Tengah[2], nanging ora gumantung siji salah sijiné, jalaran kabèh kagiyatan organisasi dilaporké langsung mara ing wali kutha Tegal.
Kagiyatan
[besut | besut sumber]- Panalitèn potensi kagunan-budaya daérah
- Pangrembaka potensi kagunan-budaya daérah
- Nguri-uri potensi kagunan-budaya daérah
- Dhokumentasi pakaryan lan kagiyatan
- Ngetokké buku
- Ngirim duta kagunan ing kutha liya lan mancanagara[3]
- Kajian (wawanrembug, seminar, workshop, gladhen)
- Pagelaran kesenian lan pameran[4]
Pratélan Ketua DKT
[besut | besut sumber]| No | Asma | Mangsa |
|---|---|---|
| 1 | Zawawi | 1999-2003 |
| 2 | Sisdiono | 2003-2006 |
| 3 | Nurngudiono | 2006-2009, 2009-2012 |
| 4 | Nurhidayat Poso | 2012-2015 |
Gedung Kesenian
[besut | besut sumber]Aktivitas utawa kagiyatan Dewan Kesenian Tegal kapusata ing Gedung Kesenian, bekas gedung biyoskup Jupiter ing Dalan Setiabudi, Kutha Tegal. Ya ing kono, saliyané para seniman mentasaké pakaryané, seniman saka sapérang kutha saindhengé Indonesia uga asring gelar pakaryané. Nanging awit saka kahanan'w gedung kesenian saya suwé kurang nyukupi kabutuhan, mulané DKT bareng sapérang seniman, sawisé studi banding ing Taman Budaya Jawa Tengah ing Surakarta, nyusun usulan mara ing Pamarentah Kutha Tegal taun 2009 supaya digawéké Taman Budaya Tegal (TBT). Kasile, ing taun 2013 Teater Arena TBT sing bisa ngemot penonton cacahé 700 wong, ngadek ing Jalan Kolonel Sugiono lan wis diresmekke. TBT, saliyané dienggo dhéwé, uga bisa kanggo srana pamentasane para seniman ing Jawa Tengah pérangan kulon ing antarané Kabupatèn Batang, Kabupatèn Pekalongan, Kabupatèn Pemalang, Kabupatèn Tegal, lan Kabupatèn Brebes.[5]
Buku-buku DKT
[besut | besut sumber]- Antologi Puisi Juada Pasar (2002).
- Antologi Puisi Mimbar Penyair Tegal (2005)
- Antologi Puisi Tegalan Brug Abang karya Dwi Ery Santoso (2007)
- Antologi Puisi Koor Zaman karya M Enthieh Mudakir (2003)
- Antologi Puisi Penyair Indonesia 1: Angkatan KosongKosong (2011)
Rujukan
[besut | besut sumber]- ↑ Payung Hukum Pembentukan Dewan Kesenian di Indonesia Kurang Kuat
- ↑ "Inmendagri no 5A / Tahun 1993". Diarsip saka sing asli ing 2014-02-28. Dibukak ing 2017-04-20.
- ↑ Penari Tegal Ikut Festival Tari Kelas Dunia
- ↑ Yang tersisa dari pameran seni rupa geliart pesisir Tegal
- ↑ Yang Tersisa dari Pameran Seni Rupa-rupa GeliArt Pesisir