Debu (grup musik)

Cithakan:Infobox penyanyi Indonésia Debu inggih punika satunggalipun grup musik ingkang wiwitanipun dipundamel ing Kutha New Mexico, Amérikah Sarékat déning Syekh Fattah, Nalika samanten taksih ngginakaken nama Dust On The Road. Salajengipun nalika sadaya personilipun ijrah dhateng Indonesia ing taun 1999, grup punika gantos nama miturut ejaan basa Indonesia dados Debu. Personil grup punika inggih punika Daood Abdullah (drum), Fatimah Husniah (saz, piyul), Layla Wafiyah (harpa, kanoon, tamborin, vokal), Mustafa Ibn Daood (lead vocal, oud, piyul, arranger, komposer), Ali Mujahid Abdullah (bass, backing vocal), Naimah Mahmoud (mandolin, perkusi, oud), Shakur Binhassan Ali (perkusi, piyul), Najmah Hakimah (santoor, piyul, intruktur piyul, komposer), Naseem Nahid DeVoe (perkusi, riq), Muhammad Saleem (flute, perkusi, vokal), Syakura Yasirah (piyul, saz) lan Abdul Wahab (perkusi). Kanthi ngusung lagu-lagu Islami lan musik kanthi nuansa padang pasir, Debu tansah mbudidaya dakwah kanthi lagu-lagu ingkang dipuntembangaken. Miturut Debu, musik inggih punika basa ingkang paling universal, saged dipuntampi ing sadaya kalangan, ing welahan donya pundi kemawon.

Sasanesipun ngandhelaken lirik-lirik islami, Debu ugi ngusung piranti musik ingkang jarang utawi boten saged kapanggih ing grup sanèsipun. Wiwit saking piranti musik santoor saking Iran, yaili saking Irlandia, tambur saking Turki, ngantos gendok-gendok saking Sulawesi Kidul dipunlebetaken ing lagu-lagu Debu. Debu sampun ngliris sawatawis album, lan sawatawis lagunipun dipunrilis mawi manéka warni basa manca nagari. Hep Beraber (2007) ingkang dipunrilis ing basa Turki, Arab, lan Inggris, Gubahan Pecinta (2007) ingkang dipunrilis ing basa Inggris, Arab, Turki, Indonesia, Cina, Nyawa dan Cinta (2006) mawi basa Indonesia, Makin Mabuk (2004) ingkang dipunrilis mawi basa Indonesia lan Inggris, sarta Mabuk Cinta (2003) ingkang mawi basa Indonesia lan Arab.

Pranala njawi

Debu