Démon

Saka Wikipédia Jawa, bauwarna bébas abasa Jawa
Eligos utawi Abigor, satunggalipun demon ing Ars Goetia.

Miturut agami, mitologi, lan carita rakyat, demon (saking basa Yunani δαίμων, daimôn) inggih punika satunggalipun makluk supernatural ingkang boten kalebet bangsa manungsa lan limrahipun dipungambaraken minangka makluk ingkang gadhah sipat awon.[1] Wonten ing agami-agami Wétan Caket Kuno lan agami Abrahamaik kalebet demonologi Kristen abad kina lan abad partengahan, demon dipunanggep minangka roh kotor ingkang saged ndadosaken kesurupan lan saged dipunbiyantu kanthi eksorsisme.[1] Wonten ing bangsa okultisme kilèn lan sihir Renaisans, ingkang kalebet campuhipun sihir Yunani-Romawi, demonologi Yahudi, lan tradhisi Kristen, demon inggih punika satunggalipun entitas spiritual ingkang saged dipuntimbali lan dipunkendhalikaken déning manungsa.[2] Kathah demon wonten ing bab sastra ingkang dipungambaraken minangka malaikat ingkang dhawah.[2] Basa Yunani δαίμων daimōn, satunggalipun tembung kagem spirit. Miturut kamus the Merriam-Webster maringi saking etimologi tembung Yunani saking tembung kriya (tembung kerja) to divide, distribute utawi "kanggé mbagi, dhistribusikaken".[2] Miturut konsep Yunani, tembung δαίμων wiwit wonten nalika jaman Plato, minangka mratelakaken pemikiranipun Socrates.[2] Kangge mbentenaken konsep pamikiran Yunani Klasik lan saking interpretasi agami Kristen, limrahipun langkung nyebat kanthi tembung daemon utawi daimon tinimbang tembung demon.[2]

Cathetan suku[besut | besut sumber]

  1. ^ a b δαίμων dipunundhuh tanggal 12 Juli 2011)
  2. ^ a b c d e Magic, Science, Religion: The Development of the Western Esoteric Traditions dipunundhuh tanggal 12 Juli 2011)

Pranala njawi[besut | besut sumber]