Croup

Saka Wikipédia Jawa, bauwarna bébas abasa Jawa
Croup
Classification and external resources
The steeple sign as seen on an AP neck X-ray of a child with croup
ICD-10 ICD-10 Chapter J|J050
ICD-9 464.4
DiseasesDB 13233
MedlinePlus 000959
eMedicine ped/510 emerg/370 radhio/199
MeSH D003440

Croup (utawa laringotrakeobronkitis) tegesé infeksi dalan ambegan sing disebabake déning infeksi nemen/parah ing dalan ambegan pérangan ndhuwur. Infeksi kasebut nyebabaké abuhing gorokan njero. Amarga abuh kaya mangkono, pasien dadi ora bisa ambegan kanthi normal; banjur dadiya gejala Croup ya ikuwatuk sing "njegog" , stridor (mengi sing nganti nyuwara ngik), lan swara sing serak gerok. Gejala Croup bisa entheng, sedhengan, utawa, nemen, lan biyasane tambah nemen nalika wayah bengi. Dosis steroid oral sepisan bisa nambani infeksi kasebut. Kadhangkala epinefrin uga digunakaké ing kasus-kasus sing luwih nemen. Arang kedadeyane yèn pasien kudu dirumat ing rumah sakit.

Croup didiagnosis adhedhasar kahanan klinis, jalaran gejala sing luwih nemen wis ora dianggo manèh (contoné, epiglottitis utawa barang asing sing nyangkut ing dalan ambegan). Panlesihan bab-bab liyané—kaya ta tes getih, ronsen sinar-X, lan kultur—ora diprelokake. Croup ya iku kahanan biyasa sing tinemu ing 15% bocah, sing umurane antarané 6 sasi nganti 5–6 taun. Remaja karo wong diwasa arang kena Croup.

Tandha lan gejala[besut | besut sumber]


Ana prakara nalika muter this file? Wacaa pitulung médhia.

Gejala Croup antarané watuk "njegog", stridor(ambegan nganti nyuwara ngik), serak gerok, lan angèl ambegan sing biyasane tambah nemen ing wayah bengi.[1] Watuk "njegog" mau asring digambarake memperanjing laut utawa singa laut nyeluk.[2] Nangis bisa marahi ambegan ngak-ngik mau saya nemen; ngak-ngik bisa amarga dalan napas saya ciyut. Ambegan ngak-ngik bisa mudhun nyata banget nalika Croup saya nemen.[1]

Gejala liyané kaya ta panas, coryza (gejala sing biyasa tuwuh ing lara masukangin), lan dhadha sing katon ketarik mlebu.[1][3] Ngeces utawa praupan lara mènèhi pratandha kahanan medis liyané.[3]

Panyebab[besut | besut sumber]

Sawijining virus bisa nyebabaké Croup.[1][4] Saperang wong migunakaké tembung kasebut kanggo ngatutakelaringotrakeitis nemen, Croup spasmodik, dipteri laringeal, trakeitis asebab baktèri, laringotrakeobronkitis, lan laringotrakeobronkopneumonitis nemen. Rong kahanan sing sinebut pisanan ngatutake virus lan duwé gejala sing luwih entheng; patang kahanan sabanjure disebabake déning baktèri lan biyasane luwih nemen.[2]

Asebab Virus[besut | besut sumber]

Ing 75% kasus virus parainfluenza, mliginé jinis 1 lan 2, dadi virus sing nyebabaké Croup/laringotrakeitis akut.[5] Kadhangkala viruse ya iku virus liyané sing bisa nyebabaké Croup kalebu virus influenza A lan B, campak, adenovirus lan virus respiratory syncytial (RSV).[2] Croup spasmodik (Croup sing nganggo watuk njegog) disebabake déning gugusing virus sing padha karo jalaran laringotrakeitis akut, nanging ora nuwuhake tandha-tandha infeksi sing biyasa (kaya ta panas, pancingen, lan nambahing cacah sèl darah putih).[2] Pangobatan, lan tanggepan tumrap obat uga memper lelara mau.[5]

Asebab Bakteri[besut | besut sumber]

Croup sing disebabake déning baktèri bisa diperang dadi dipteri laringeal, trakeitis baktèri, laringotrakeobronkitis, lan laringotrakeobronkopneumonitis.[2] Dipteri laringeal disebabake déning Corynebacterium diphtheriae , trakeitis asebab baktèri, laringotrakeobronkitis, lan laringotrakeobronkopneumonitis mliginé disebabake déning virus nanging baktèri uga mèlu katut dadi jalaran. Bakteri sing paling umum dadi jalaran ya ikuStaphylococcus aureus, Streptococcus pneumoniae, Hemophilus influenzae, lan Moraxella catarrhalis.[2]

Mekanisme[besut | besut sumber]

Infeksi virus mlebu ing njero sèl darah putih banjur nyebabaké abuhing laring, trakea, lan ngambaning bronki[4] (dalan ambegan). Kahanan abuh kasebut bisa nyebabaké angeling ambegan.[4]

Diagnosis[besut | besut sumber]

Croup ateges diagnosis klinis.[4]Tumindak sapisanan ya iku misahake kahanan obstruktif/bengek liyané ing dalan ambegan, mliginéepiglotitis, barang temangsanging dalan ambegan, stenosis subglotik, angioedema, abses retrofaringeal, lantrakeitis baktèri.[2][4]Yèn pamriksan Ronsening pérangan gulu ora dilakoni sacara rutin,[4]nanging saora-orane dilakoni sapisan, asile bakal nuduhaké pérangan trakea sing katon nyiyut sing biyasa tumon ing lelara iki, sinebut tandha menara/steeple sign, amarga wujudé sing memper menara gréja menara. Tandha menara iki ora katon ing separoning kasus sing dumadi.[3]Tes getihlan kultur viruss(tes virus) bisa nyebabaké iritasi sing ora prelu ing dalan ambegan.[4]Ewasemono kultur virus, sing dijupuk sacara nasofaringeal(ya iku cara migunakaké selang kanggo nyedhot riak saka irung), bisa digunakaké kanggo mesthekake jalaran sing satemene. Kultur iki biayasane diwatesi mung kanggo panaliten.[1]Yèn pasien durung mari-mari nggone lara sawisé diwènèhi pangobatan baku, tes sabanjure bisa ditindaki kanggo mriksa ana oraning baktèri.[2]

Abot oraning lelara

Sistem sing paling umum digunakaké kanggo nglasifikasi abot oraning Croup ya iku skor Westley. Tes iki luwih kerep digunakaké kanggo panaliten tinimbang praktek klinis.[2]Croup dumadi saka gunggunging biji sing ditrapake tumrap 5 faktor: tingkating kasadaran, sianosis, stridor, mlebuning ambegan, lan retraksi.[2]Biji sing dipasangake ing saben faktor katulis ing tabel ing sisih tengen, lan gunggung keprukke antarané saka 0 nganti 17.[6]

  • Gunggung skor ≤ 2 nandhakake dumadining Croup entheng. Pasien bisa nuduhaké watuk njegog lan swara serak, nanging ora ana ambegan ngak-ngik (wheezing) nalika ngaso.[5]
  • Gunggung skor 3–5 mlebu ing kelas Croup sedheng — pasien nuduhaké ambegan ngak-ngik lan sawetara tandha liyané.[5]
  • Gunggung skor 6–11 kalebu Croup nemen. Croup iki ditandhani stridor sing cetha banget, uga nuduhaké pérangan dhadha sing ketarik mlebu.[5]
  • Gunggung skor ≥ 12 padha karo gagal napas sing bisa dumadi. Ewasemono watuk njegog lan ambegan ngak-ngik wis ora ketara manèh ing tataran iki.[5]

85% pasien bocah sing mlebu UGD nandhang lelara sing entheng; Croup nemen arang kedadeyane (<1%).[5]

Panyegahan[besut | besut sumber]

Imunisasi (vaksin) kanggo influenza lan dipteri bisa nyegah kedadeyane Croup.[2]

Pangobatan[besut | besut sumber]

Bocah-bocah sing nandhang Croup kudu bisa digawe tetep anteng lan sabar.[4] Steroid rutin diwenehake, tambah epinefrin yèn penyakite nemen.[4] Bocah-bocah sing nandhang saturasi oksigen (oksigen sing ana ing getih) sangisore 92% kudu diwènèhi oksigen,[2] lan pawongan sing nandhang Croup nemen/abot bisa dilebokake rumah sakit kanggo observasi.[3] Yèn mbutuhake oksigen, prayogane diwenehake sacara "blow-by" (ya iku nyelehake sumbering (selang) oksigen ing sacedhaking raine bocah) amarga cara iki bisa ngurangi agitasi/kejang yèn dibandhingake karo nganggo masker.[2] Yèn diobati, mung kurang saka 0.2% pasien sing mbutuhake intubasi endotrakeal(pamasangan selang ing njero dalan ambegan).[6]

Steroid[besut | besut sumber]

Kortikosteroid, kaya ta deksametason lan budesonida, bisa digunakaké kanggo nambani Croup ing bocah cilik.[7] Ambegan langsung bisa lega sajeroning nem jam sawisé obat diwenehake.[7] Obat-obatan kaya ngene bisa mandi lumantar cara oral (diombe), parenteral (disuntikake), utawa diserot, nanging cara diombe sing paling disenengi.[4] Biyasane mung prelu dosis sepisan waé, lan wis umum dianggep aman.[4] Deksametason sing dosise 0,15, 0,3 lan 0,6 mg/kg katone uga padha mandine.[8]

Epinefrin[besut | besut sumber]

Croup sedhengan lan nemen bisa ditulung nganggo nebulisasi epinefrin(larutan sing bisa diserot banjur bisa ngambakake dalan ambegan)[4] Epinefrin bisa langsung ngedhunake nemene Croup ing 10–30 menit, ewasemono apike paling mung bisa nganti 2 jam waé.[1][4] Yèn kahanan apik mau bisa terus nganti wektu 2–4 jam sawisé diobati tanpa ana komplikasi liyané, pasien bocah biyasane bisa langsung digawa mulih saka rumah sakit.[1][4]

Liyane[besut | besut sumber]

Obat Croup liyané wis naté ditliti, nanging ora ana bukti sing cukup kanggo ndhukung panggunan usada kasebut. Nyerot uwab panas utawa hawa humidifikasi ya iku pangobatan pribadi tradisional, nanging panaliten klinis ora bisa nemu bukti mandine cara kasebut[2][4] lan saiki arang dianggo manèh.[9] Panggunan obat watuk, sing biyasane ngandhutdektrometorfan lan/utawa guiafenesin, iku ora apik.[1] Biyèn, yyerot heliox (campuran hélium lan oksigen) kanggo ngurangi ambegan sing abot wis naté dianggo, nanging ora ana bukti sing ndhukung panggunane.[10] Croup ya iku lelara sing disebabake virus, mulaantibiotik ora digunakaké kajaba baktèri diprakirakake uga dadi jalaran.[1] Antibiotik vankomisin lan sefotaksim disaranake kanggo infeksi baktèri.[2] Ing kasus-kasus nemen sing gegayutan karo influenza A utawa B,antivirus pangalang neuraminidase bisa diwenehake.[2]

Prognosis[besut | besut sumber]

Croup sing disebabake déning virus biyasane mung lelara sing maridhewe lan mung sadhéla; lelara iki arang nyebabaké pasien nemahi pati amarga gagal ambegan lan/utawaserangan jantung.[1] Gejala biyasane mundhak dadi apik ing rong dina, nanging bisa uga nganti pitung dina.[5] Komplikasi liya nanging ora biyasa ya iku trakeitis asebab baktèri, pneumonia, lan edema paru.[5]

Epidemiologi[besut | besut sumber]

Kira-kira 15% bocah, biyasane saumuran antarané 6 wulan nganti 5–6 taun, wis naté kena Croup.[2][4] Croup dadi lelara sing nyebabaké 5% rumatan rumah sakit kanggo gugus umur iki.[5] Senajan arang, bocah saumuran 3 sasi nganti sagedhene 15 taun duwé lelara iki.[5] Lanang 50% luwih kerep kena tinimbang wadon; Croup uga luwih kerep kedadeyan ing musim gugur.[2]

Sajarah[besut | besut sumber]

Tembung croup asalé saka tembung kriya Basa Inggris Modhern Wiwitan croup, ateges "nangis kanthi swara serak"; aran kasebut kawitane digunakaké kanggo lelara kasebut ing Sekotlan banjur dadi kawentar ing abad 18.[11] Croup amarga lelara dipteri wis dipahami kawit mangsane Homer ing jaman Yunani Kuna. Ing taun 1826, Bretonneau mbedakake Croup asebab virus karo Croup amarga dipteri.[12] Wong-wong Prancis ngarani Croup asebab virus nganggo tembung "faux-croup," lan migunakaké "Croup" kanggo lelara sing disebabake déning baktèri dipteri.[9] Croup asebab dipteri mundhak meh ora dipahami amarga tekané imunisasi efektif.[12]

Rujukan[besut | besut sumber]

  1. ^ a b c d e f g h i j Rajapaksa S, Starr M (2010). "Croup – assessment and management". Aust Fam Physician 39 (5): 280–2. PMID 20485713.  Paramèter |month= sing ora kawruhan dikiwakaké (pitulung)
  2. ^ a b c d e f g h i j k l m n o p q r Cherry JD (2008). "Clinical practice. Croup". N. J. Med. 358 (4): 384–91. PMID 18216359. doi:10.1056/NEJMcp072022. 
  3. ^ a b c d "Diagnosis and Management of Croup" (PDF). BC Children’s Hospital Division of Pediatric Emergency Medicine Clinical Practice Guidelines. 
  4. ^ a b c d e f g h i j k l m n o p Everard ML (2009). "Acute bronchiolitis and croup". Pediatr. North Am. 56 (1): 119–33, x–xi. PMID 19135584. doi:10.1016/j.pcl.2008.10.007.  Paramèter |month= sing ora kawruhan dikiwakaké (pitulung)
  5. ^ a b c d e f g h i j k l Johnson D (2009). "Croup". Clin Evid (Online) 2009. PMC 2907784. PMID 19445760. 
  6. ^ a b c Klassen TP (1999). "Croup. A current perspective". Pediatr. North Am. 46 (6): 1167–78. PMID 10629679. doi:10.1016/S0031-3955(05)70180-2.  Paramèter |month= sing ora kawruhan dikiwakaké (pitulung)
  7. ^ a b Russell KF, Liang Y, O'Gorman K, Johnson DW, Klassen TP (2011). Klassen, Terry P, ed. "Glucocorticoids for croup". Cochrane Database Syst Rev 1 (1): CD001955. PMID 21249651. doi:10.1002/14651858.CD001955.pub3. 
  8. ^ Port C (2009). "Towards evidence based emergency medicine: best BETs from the Manchester Royal Infirmary. Dose of dexamethasone in croup". Emerg Med J 26 (4): 291–2. PMID 19307398. doi:10.1136/emj.2009.072090.  Paramèter |month= sing ora kawruhan dikiwakaké (pitulung)
  9. ^ a b Marchessault V (2001). "Historical review of croup". Can J Infect Dis 12 (6): 337–9. PMC 2094841. PMID 18159359.  Paramèter |month= sing ora kawruhan dikiwakaké (pitulung)
  10. ^ Vorwerk C, Coats T (2010). Vorwerk, Christiane, ed. "Heliox for croup in children". Cochrane Database Syst Rev 2 (2): CD006822. PMID 20166089. doi:10.1002/14651858.CD006822.pub2. 
  11. ^ Online Etymological Dictionary, croup. Accessed 2010-09-13.
  12. ^ a b Feigin, Ralph D. (2004). Textbook of pediatric infectious diseases. Philadelphia: Saunders. k. 252. ISBN 0-7216-9329-6. 
Skor Westley: Klasifikasi nemen orane Croup[5][6]
Fitur Cacahing biji kanggo fitur iki
0 1 2 3 4 5
Retraksi Dhadha
Ora ana Entheng Sedheng Nemen/parah
Stridor Ora ana Dibarengi
agitasi
Nalika ngaso


Sianosis Ora ana


Dibarengi
agitasi
Nalika ngaso
Tingkating
kasadaran
Normal



Disorientasi
Ambegan mlebu Normal Kurang Mudhun nemen