Caping

Saka Wikipédia Jawa, bauwarna mardika basa Jawa
     

Caping utawa copil iku sajenis topi kang wujudé kaya gunungan/kerucut, digawé saka pring kang diseseti tipis lan dianyam. Caping uga ana kang digawé saka godhong pandan, utawa jinising suket, utawa blarak. Lumrahé, caping diwènèhi tali kanggo njaga keseimbangane supaya ora tiba. Tali iku ditaleni tekan janggut.

Kaluwihan caping tinimbang topi ya iku bisa nahan panas srengéngé nalika mangsa katiga (sirah lan gulu) uga supaya ora kudanan nalika mangsa rendheng. Caping lumrahé dianggo kadang tani nalika mergawé ing sawah, sanajan uga ana dudu golongan saka tani kang migunakaké. Saliyané dienggo nutupi sirah, caping uga bisa dienggo lampion / cup lampu.

Caping wis dadi kabudayane masarakat Jawa, caping digawé tembang Jawa kang judhule "Caping Gunung". Caping ora mung duganakake ing Indonesia nanging uga digunakaké ing Asia Tenggara lan Asia Timur kaya déné ing Cina, Koréa, Vietnam, Jepang, lsp.

Uga delengen[besut | besut sumber]