Cahkwé

Saka Wikipédia Jawa, bauwarna bébas abasa Jawa
Cakue

Cahkwé utawa cakwé utawa cakue ya iku sawijining panganan saka Tiongkok kang digawe saka glepung, ragi, soda, amonium bikarbonat, lan uyah.[1] Adonan yèn wis ngembang digawe kaya tongkat kang dawane watara 15-20 centimeter banjur tongkat loro mau didhèmpétake.[1] Yen digoreng dhawane kurang luwih 25 cm lan wernane cokelat.[1] Cahkwé mujudake dialèk Hokkian kang tegese dhemit kang digorèng.[2] Cahkwe wiwit kawentar ing jaman Dinasti Song. Dhèk jaman semana, Jendral Yue Fei kang kawentar awit rasa nasionalisme mati jalaran didakwa Perdana Menteri Qin Kuai. Matine Yue Fei ndadekake para warga ngamuk lan ndakwa Qin Kuai minangka wong kang khianat.[2] Ana wong kang sengit marang Qin Kuai nggawe modhel manungsa saka glepung kang nggambarake Qin Kuai lan bojone, didadekake siji, banjur digoreng lan dipangan.[2] Biyen panganan iki diarani Yu–Zha (goreng nganggo lenga) Chin Kuai, banjur diringkes dadi Yu Zha Kuai (Hokkian: Yu Tjah Kwee), Tjah kwee utawa Yutiao (Mandarin).[2] Sawijining varian panganan saka cahkwé ya iku odading (kuweh kang wujude kaya bantal). Rasane legi, dene cahkwe rasane gurih. Ing Jawa Tengah, panganan iki diarani bolang-baling.[3]

Cathetan suku[besut | besut sumber]

  1. ^ a b c (id)Asal usul makanan kecil Tjah Kwei
  2. ^ a b c d (id)Cahkwe / Cakue ing Kaskus (17 Agustus 2011)
  3. ^ (id)Cakwe, Kalimantan Barat


Sumber artikel punika saking kaca situs web: "https://jv.wikipedia.org/w/index.php?title=Cahkwé&oldid=1073935"