Budi Laksono

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Budi Laksono ya iku salah sawijining dhokter rélawan bencana kang lair tanggal 6 Maret 1963. Urip uga kepinterané Budi Laksono diwénéhaké kanggo ngabdi. Dhèwèké nglakoni kanthi remen lan nggawé bagya kanggo wong liya ing sekiwa tengené. Ora namung dadi dhokter kang gawé waras wong kang lagi lara, ananging Budi uga mbiyantu korban bencana kanggo mbangun omahé kang wis rata karo lemah. Tuladhané korban tsunami Palu ing Sulawesi Tengah kala biyèn. Dhéwéké dipercaya dadi koordinator pembangunan huntara (hunian sementara) Jateng Gayeng saka solidaritas warga Jawa Tengah[1].

Pawiyatan[besut | besut sumber]

  • SMA 3 Semarang (lulus 1982)
  • Strata 1 Fakultas Kedhokteran Undip (lulus 1991)
  • Program Master Keséhatan Réproduksi ing Queensland University of Technology (lulus 2000)
  • Program Dhokter Keséhatan Masyarakat Biomédik Undip (lulus 2014)

Pengabdian[besut | besut sumber]

Budi kandha, ing Petobo dibangun huntara tanpa kontraktor. Dhèwèké kandha, modél omahé dijenengaké omah AB6 lan bisa digunakaké nganti taunan. AB6 dudu tanpa arti. AB ya iku kedadén saka Ansyari lan Budi. Ansyari minangka tukang kayu kang dikenal  Budi nalika nggarap réhabilitasi tsunami Aceh. Ananging  angka 6 nggambaraké cepet, lan gampang anggoné mbangun lan rego kang  ora larang. Jaré Budi, saben omah digawé ora luwih saka 6 jam, regoné sangisoré Rp 6 juta lan digawe déning 6 wong. Ing Palu, regoné malah namung Rp 4 juta saben omah.

Tiap omah nduwèni  ukuran 3 x 4 méter. Dhuwuré 3 méter ing ngarep, lan 2 méter ing mburi. Kuduné, omah iku bisa dipanggoni 3-4 wong. Rangka omah digawé saka baja ringan. Dindingé saka tripléks. Ana cendéla kang digawé minangka véntilasi udara. Ing kana ana listrik, banyu, lan jamban. Pembangunané dilakoni déning rélawan saka Jateng lan Kepulauan Banggai, Polisi, TNI lan résimèn mahasiswa.

Miturut Budi, senadyan dijenengaké Jateng Gayeng, omah iki bisa digunakaké sapa waé. Nanging, namung warga kang omahé rusak, nduwèni anak bayi, ibu hamil, janda, tiyang sepuh utawa lagi sakit kang bisa manggon ing kana.

AB6 ana nalika sawisé tsunami Acéh 2004. Nalika iku, Budi teka menyang Acéh minangka dhokter rélawan kaliyan rombongan PMI Jateng. Dhèwèké ngajukaké diri dadi tim pambuka ing dhaérah kang isih kaisolir. Jaréné, bareng  perawat nggawa obat-obatan lan logistik sajeroné tas punggung. AB6 ana sawisé tsunami Acéh 2004. Nalika iku, Budi teka menyang Acéh minangka dhokter rélawan karo rombongan PMI Jateng. Dhèwèké ngajokaké diri dadi tim pambuka ing dhaérah sing isih kaisolir. Jaréné Budi, bareng perawat dhèwèké nggawa obat-obatan lan logistik ing tas punggung. Pungkasan Budi tekan ing Blang Bintang, Acéh Besar. Saliyané gawé posko, dhèwèké keliling mriksa keséhatan para korban. Dhèwèké banjur nonton kahanané bayi sing umuré lagi rong minggu sing kademen ing téndha dharurat. Budi nyaranké wong tuané balita iku supaya tinggal bareng dhèwèké ing pos keséhatan. Ansyari, yaiku bapak saka bayi mau. Ansyari-Budi banjur kenal. Akeh topik pamicara ngalir, salah sijiné gawé huntara. Téndha dharurat ora idéal mulihaké keséhatan jiwa lan raga korban. Untungé, Ansyari iku tukang kayu. Ansyari ngusulaké hunian kaya panggon ing kebon-kebon ing Acéh. Wujudé kotak. Suwéné gawé 3-4 dina. Budi seneng karo usulan kuwi mau nanging pingin waktu gawéné luwih cepet. Dhèwèké setuju menawa ngrakit rangka saka lemah, banjur lagi mbangun. Kasilé, bisa mbangun luwih cepet. Digawé saka kayu, bisa digawé 6 jam karo 2 tukang.

Kapisan nggawé ana ing Leupung, Acéh Besar, sithik mbaka sithik warga  akéh sing seneng. Sasuwiné 45 dina ing Acéh, Budi ngawasi pembangunan 36 unit AB6, dadi sadurungé warga duwé omah tetap. Sawisé iku, AB6 tansah ditawakaké saben panggonan kang kena bebaya. Lumantar donasi saka akèh pihak, jumlah 200 omah AB6 dibangun ing Lombok Wétan lan Lombok Lor kanggo para korban. Budi kandha, naté gojag-gajeg nalika ngenalaké AB6 amarga dhèwèké dhokter dudu tukang kayu apa manèh arsiték. Nanging dhèwèké tetep bungah lan duwé semboyan menawa bapak kedhokteran dunia, Aristotélés uga tukang kayu.  Dhèwèké bisa nglakoni dadi promotif, kuratif, prévéntif nganti réhabititatif

Inspirasi[besut | besut sumber]

Ora namung Aristotélés sing dadi inspirasiné. Ana uga saliyané ya iku Bits Soetrasno, swargi bapaké dhéwé. Budi kandha, menawa dhèwèké dudu saka kulawarga sing sugih. bapaké véteran pejuwang kamardikan. Ananging, bapaké ora naté njupuk tunjangané. Dhèwèké tansah kandha, berjuwang kanggo Indonesia dudu golèk bandha. Ora namung pas bencana, Budi uga nawakaké program 1 yuta jamban gotong royong karo akèh lembaga, salah sijiné TNI, kanthi jeneng WC4ALL. Program punika uga dadi bahan panelitén ing Griffith University lan Australia National University. Budi ana ing salebeting iku. Diwiwiti taun 2009 lan ditargétaké rampung ing 2018. Budi kandha, sawisé saka Palu, dhèwèké arep menyang Wonosobo, Jawa Tengah gawé 1000 jamban.

Rujukan[besut | besut sumber]

  1. Helmy, Conelius (2018-10-24). "Budi Laksono, Dokter Sukarelawan Bencana Pembawa Kabar Bahagia". kompas.