Brontosaurus

Saka Wikipédia Jawa, bauwarna bébas abasa Jawa
Brontosaurus
Kalamangsa: Akhir jaman Jurassik
Brontosaurus skeleton 1880s.jpg
Wrangka Brontosaurus déning O.C. Marsh
fosil
Klasifikasi ngèlmiah
Karajan: Animalia
Filum: Chordata
Klas: Sauropsida
Superordho: Dinosauria
Ordho: Saurischia
Subordho: Sauropodomorpha
Infraordho: Sauropoda
Famili: Diplodocidae
Génus: Apatosaurus
Jeneng binomial
Apatosaurus excelsus
(Marsh, 1879) vide Riggs, 1903
Sinonim
  • Brontosaurus excelsus Marsh, 1879c

Brontosaurus ingkang ateges "kadal kilat" (saking basa Yunani brontē/βροντη ateges kilat, sauros/σαυρος tegesipun 'kadal') inggih punika salah satunggal saking jinising kéwan dhinosaurus sauropoda ingkang boten saged kapanggih malih wonten ing jaman sapunika.[1] Spésies Brontosaurus excelsus punika dipunjenengi déning pamanggihipun inggih punika Othniel Charles Marsh,nalika warsa 1879.[1] Jeneng punika tansah dipunanggé wonten ing literatur resmi ngantos kirang langkung warsa 1974,sananjan sampun asring dipunsebat sadéréngipun kanthi jeneng Apatosaurus,wonten ing warsa 1903.[1]

Anatomi[besut | besut sumber]

Brontosaurus inggih punika dhinosaurus ingkang gadhah gulu panjang sanget ugi kalebet dhinosaurus herbivora,gadhah awak ingkang dawanè sawatawis 70-90 kaki (21-27 m), inggilipun saking suku ngantos boyok sawatawis 15 kaki (4,6 mèter), kaliyan bobot sawatawis 33-35 ton abote, bobot kéwan punika kirang langkung ngalangkungi bobotipun 6 gajah.[2][3] Sirahipun kirang saking 2 méter dawané, tengkorakipun dawa kathi bolongan irung ingkang mapan ing sisih inggil lan ukuran uthek ingkang alit.[3].Kéwan herbivora punika gadhah gulu dawa (cacah 15 balung),buntut pecut dawa(sawatawis 50 ft=15 mèter dawane), balung geger ngrongga, suku ngajeng langkung alit ugi pendek ketimbang suku wingking kang ageng lan radi dawa.[3] Suku punika kanggé nalika badhé nyrengkuh godhong wonten ing wit-witan ingkang dhuwur.[3]

Fosil[besut | besut sumber]

Fosilipun sampun pinanggih ing Amérika Utara barat ing nagar pérangan Utah, Colorado, kaliyan Wyoming.[4] Brontosaurus kalebet kéwan Sauropoda paling ageng ing antawis sauropoda sanès kados ta Brachiosaurus,kaliyan Diplodocus.[4] Wonten ing jaman gesangipun, Brontosaurus gadhah mungsuh utama dhinosaurus karnivora ageng kados ta Allosaurus.[4] Habitat Brontosaurus limrahipun manggèn wonten ing hutan-hutan tropis.[4]

Anggon manak[besut | besut sumber]

Brontosaurus/Apatosaurus,kados ta sauropoda sanés,manak kanthi cara ngendhog.[5] Brontosaurus nalika wayah ngendhog saged ngedalaken endhog puluhan,nanging boten awujud sarang.[5] Brontosaurus ngendhog nalika ngawontenaken lelungan lan endhogé diedhalaken satunggal baka satunggal.[5] Ukuran endhoge ageng antawis 1 kaki (30 cm) ambané.[5]

Jaman Urip[besut | besut sumber]

Brontosaurus

Dipunprakirakaken urip wonten ing jaman Jurasik sawatawis 150 yuta warsa kepengker.[4] Para panaliti gadhah pamanggih manawi wonten kadadéan kepunahan massal nalika samanten.[4] Ananging dèrèng wonten ingkang mangertos kadadéan menapa ingkang ndamel kapunahan mau.[4]

Cathetan suku[besut | besut sumber]

  1. ^ a b c www.unmuseum.org(dipunundhuh tanggal 21 Mèi 2011)
  2. ^ www.infoplease.com(dipunundhuh 21 Mèi 2011)
  3. ^ a b c d [Bully for the Brontosaurus deni Stephen Jay Gould, W.W. Norton & Company, 1991] Masalah sitiran: Tenger <ref> ora trep; jeneng "buku_2" diwedharaké ping bola-bali déné isiné béda
  4. ^ a b c d e f g www.lifestudiesonline.com(dipunundhuh 21 mei 2011)
  5. ^ a b c d www.enchantedlearning.com(dipunundhuh 21 Mèi 2011)