Boris Thompson Manullang

Saka Wikipédia Jawa, bauwarna bébas abasa Jawa

Boris Thompson Manullang utawa Boris Bokir (lair ing Medan, Sumatera Utara, Indonesia, 30 Mèi 1989) ya iku pelawak saka Indonesia. Dhèwèké misuwur nalika dadi panyarta Stand Up Comedy Indonesia Kompas TV[1] taun 2012[2]. Boris lair ing Sumatera Utara saka kulawarga Batak, lan kuliah ana ing Universitas Parahyangan Bandung. Boris duwé ciri ya iku sok nggawa anduk cilik ana ing pundak kiwane, iku nandhakake yèn akèhé wong batak duwé pegawean dadi sopir utawa kenek bis. Ana ing acara Stand Up Comedi, dhèwèké ngelucu  nganggo materi lan logat etnise dhéwé, ya iku ètnis Batak.  

Karier[besut | besut sumber]

Boris mèlu Stand Up Indo Bandung wiwit taun 2011. Dhèwèké siji almamater bareng Ge Pamungkas lan Gilang Bhaskara. Uga sok tampil ing kafe lan kampus ana tlatah Bandung. Saliyané iku, dhèwèké tau ngisi ana ing salah siji acara open mic ana ing stasiun TV swasta[3]. Boris uga mèlu lomba Street Comedy kang dianakake ing kutha Depok lan dadi juara 2 ana ing acara iku. Taun 2012, Boris mèlu Stand Up Comedy Indonesia Kompas TV lan lolos dadi salah siji saka 13 finalis.  Boris bareng kancane, ya iku  Ge pamungkas lan Gilang Bhaskara, sarta Randhika Djamil lan Isman kang lolos ing Yogyakarta dadi wakil saka Bandung ing acara Stand Up Comedy. Ing acara iku, Boris mung bisa tekan babak 7 besar [4]. Sawisé saka Stand Up Comedy, Boris sok ketok ana ing acara TV, kaya ta  talkshow Buka Bukaan lan Indonesia Lawak Klub[5].

Penghargaan[besut | besut sumber]

  • Juara 2 Street Comedy I, taun 2011
  • Finalis Stand Up Comedy Indonesia Season 2 Kompas TV taun 2012

Acara Televisi[besut | besut sumber]

Filmografi[besut | besut sumber]

  • Mengejar Malam Pertama (2014)
  • Comic 8: Casino Kings (2015)
  • Toba Dreams (2015)
  • Komedi Moderen Gokil (2015)
  • Komedi Gokil 2 (2016)
  • Rudy Habibie (2016)

Réferènsi[besut | besut sumber]

Pranala njaba[besut | besut sumber]