Blaise Pascal

Saka Wikipédia Jawa, bauwarna bébas abasa Jawa
Blaise Pascal
Lair (1623-06-19)Juni 19, 1623
Clermont-Ferrand, Prancis
Pati Agustus 19, 1662(1662-08-19) (umur 39)
Paris, Prancis
Agama Katulik
Kala Abad ka-17
Tlatah Filsafat Kulon
Karsa pokok
Téologi, Matématika, Fisika


Disambig.svg

Blaise Pascal (lair ing Clermont-Ferrand, Prancis, 19 Juni 1623 – pati di Paris, Prancis, 19 Agustus 1662 ing yuswa 39 taun) asalé saka Prancis. Minat utamané ya iku filsafat lan agama, éwadéné hobi liyané ya iku matématika lan géomètri proyèktif. Bebarengan karo Pierre de Fermat nemokaké téori ngenani probabilitas. Nalika awalé minat risèté Pascal luwih akèh ing babagan èlmu pengetahuan lan èlmu terapan, ing ngendi dhèwèké wis kasil ngripya mesin pangétung sing ditepungi pisanan. Mesin iku mung bisa ngétung.

Riwayat Urip[besut | besut sumber]

Blaise Pascal lair tanggal 19 Juni 1623 ing Clermont-Ferrand, Prancis.[1] Blaise wiwit cilik ditepungi minangka sawijining bocah sing lantip senajn dhèwèké ora nempuh pendhidhikan ing sekolah sacara resmi.[1] Ing umur 12 taun, dhèwèké wis bisa ngripta sawijining mesin pangétung kanggo mbantu pegawéyané bapané.[2] Jeneng bapané ya iku Étienne Pascal.[3] Bapané iku sawijining petugas panarik pajek sing nyambut gawé ing wilayah Auvergne, Prancis.[1] Wiwit umur patang taun Blaise wis kélangan ibuné.[3] Karya-karyané terus tambah wiwit saka ngrancang bangunan segienem (hexagram), nemokaké prinsip kerja barometer, sistem kerja jam, nganti mèlu jroning panggawéyan sistem transportasi ngisor lemah kutha Paris.[2]

Awalé Paskal ora duwé minat marang perkara-perkara sing gegandhèngan karo agama.[2] Dhèwèké banjur ngalami prastawa patobatan nalika umur 23 taun.[2] Wiwit prastawa iku, Paskal banjur ngowahi pola uripé kanthi sregep sembayang lan pasa.[2] Ora mung iku, dhèwèké malah mèlu nggabung karo komunitas biara Port-Royal sing alirané Jansenisme.[2] Sedulur wadoné sing jenengé Jacqualine iku sawijining biarawati ing biara iku.[2] Paskal tau nyatakaké kritiké marang Ordo Yesuit liwat tulisan-tulisané sing misuwur,Lettres provinciales sing ditulis taun 1656.[1][4] Miturut dhèwèké, ajaran-ajaran Yesuit wis ngasoraké pangaji-pangaji agama utamané ngenani anugrah.[3] Klompok Yesuit uga dibiji kalonggaren jroning babagan moral lan akibaté kakristenan dadi kadonyan.[1] Dhèwèké ninggal tanggal 9 Agustus 1662 ing umur 39 taun tanpa panyebab pati sing cetha.[2]

Pamikiran[besut | besut sumber]

Le Coeur[besut | besut sumber]

Le Pari[besut | besut sumber]

Karya-karya[besut | besut sumber]

Réferènsi[besut | besut sumber]

  1. ^ a b c d e {id} Budi Hardiman. 2004. Filsafat Modern: Dari Machiavelli sampai Nietzsche. Jakarta: Gramedia. Hlm. 59.
  2. ^ a b c d e f g h {id} Simon Petrus L. Tjahjadi. 2007. Tuhan para Filsuf dan Ilmuwan: Dari Descartes sampai Whitehead. Yogyakarta: Kanisius. Hlm. 37.
  3. ^ a b c {id} F.D Wellem. 2003. Riwayat Hidup Singkat: Tokoh-tokoh dalam Sejarah Gereja. Jakarta: BPK Gunung Mulia. Hlm. 156.
  4. ^ {en} Williston Walker. 1946. A History of The Christian Church. New York: Charles Scribner's sons. Hlm. 556.

Delengen uga[besut | besut sumber]

Sumber artikel punika saking kaca situs web: "https://jv.wikipedia.org/w/index.php?title=Blaise_Pascal&oldid=1086574"