Basa Honggari

Honggari (Magyar)
DItuturaké ing:	Honggari lan 10 nagara liyané
Wewengkon:	--
Gunggung penutur:	14.5 Juta
Peringkat Basa:	66
Kulawarga Basa Klasifikasi:	Basa-basa Ural  Fino-Ugrik   Ugrik    Honggari
Status Resmi
Basa Resmi di:	Honggari
Ditata déning:	--
Kodhe Basa
ISO 639-1	hu
ISO 639-2	hun
SIL	HNG

Basa Honggari utawa sajeroning basa saenggon ingaran Magyar (waca: mojor) iku minangka anak cabang basa-basa Fino-Ugrik. Dipituturaké déning 14 yuta jiwa, lan 10 yuta ing antarané urip ing Honggari. Basa iki dituturaké ing kawasan-kawasan kaya Rumania, Slowak, Ostenrik, Serbia, Kroasia, Slowén lan Ukraina.

Sajarah Basa Honggari

Leluhur bangsa lan basa Honggari dikira asal saka Siberia kanthi jeneng Onoguoroi. Nanging asal-usulé isih durung cetha lan angèl dibuktèkaké.

Anajuga sing nyantholaké gegayutan antara basa Honggari karo basa kaum Hun sing tau nguasani padhang rumput Asia Tengah nganti Éropa. Nanging bab iki uga isih dadi pitakonan.

Golongan Basa

Basa Honggari digolongaké sajeroning basa Finno-Ugrik. Sing narik kawigatèn amarga basa iki sarumpun karo basa-basa ing kawasan Siberia sing let-éwon mil saka Honggari. Basa-basa sing mèmper karo basa Honggari iki antarané Khanty, lan Mansi sing dituturaké ing Ruslan.

Wewengkon Sebar Tutur

Basa Honggari dituturaké ing nagara-nagara iki:

Negara	Penutur
Honggari	10,298,820
Rumania (mligi Transylvania)	1,700,000 - 3,000,000(X)
Slowak	597,400
Serbia-Montenegro (mligi Vojvodina)	293,000
Ukraina	187,000
Israèl	70,000
Ostenrik (mligi Burgenland)	22,000
Kroasia (mligi wewengkon Osijek, Vukovar)	16,500
Slowén	9,240

Basa iki uga dianggo déning komunitas Honggari ing Kanadha, Amérika Sarékat lan Australia

Status Resmi

Basa Honggari saliyané dadi basa resmi ing Honggari, uga dadi salah siji basa resmi ing Uni Éropa. Basa iki uga dadi salah siji basa resmi ing Vojvodina, Serbia lan diakoni sanadyan ora resmi ing Rumania.

Pranala njaba

Pirsani informasi ngenani Basa Honggari ing KamusWiki.

• Learn Hungarian online