Bandhungan, Bandhungan, Semarang
| Bandhungan | |
|---|---|
| Désa | |
| Nagara |  Indonésia |
| Provinsi | Jawa Tengah |
| Kabupatèn | Semarang |
| Kacamatan | Bandhungan |
| Pamaréntahan | |
| • Lurah désa | - |
| Pepadhet | - |
Bandhungan (cara Indonésia: Bandungan), iku salah sawijining kalurahan ing kacamatan Bandhungan,Kabupatèn Semarang, Provinsi Jawa Tengah, Indonésia. Sadurungé pambentukan kacamatan Bandhungan, désa iki kalebu wewengkon kacamatan Kacamatan Ambarawa.
Bandungan ing tlatah Kabupatén Semarang, ana ing èrèng-èrèng Gunung Ungaran sisih kidul.[1] Hawané seger malah kepara adhem.[1] Saka sapérangan papan ing Bandungan yèn madhep mengulon bisa nyawang gagahé Gunung Ungaran, déné yèn nyawang mangétan bisa nyawang éndahé rawa pening lan kutha Ambarawa. Saka kutha Semarang, Bandungan adohé udakara 25 kilomèter utawa lelampahan 1 jam nganggo mobil utawa sepédha motor. Manéka warna obyèk wisata wis cumepak ing Bandungan, wiwit saka wisata alam, wisata ulah raga, pasar wisata, wisata kuliner, bumi perkémahan lan uga papan panginepan. saliyané obyèk wisata iku mau, olèh olèh kang bisa digawa yèn mlancong menyang bandungan ing antarané Tahu Serasi, Klèngkèng Bandungan, lan uga ana wajik sarta ana manéka warna sayur lan buah asli Bandungan kang bisa didadèaké olèh-olèh. Luwih jelasé babagan obyèk wisata ing Bandungan kajlèntrehaké ing ngisor iki
Bandungan dadi obyèk wisata unggulan mligi kanggo pamaréntah Kabupatèn Semarang, amarga pendapatan Asli Laladan (PAD) Kabupatèn Semarang saka sèktor wisata akèh disumbang déning obyek wisata ing Bandungan. Mula saka iku mundhak taun kabèh fasilitas ing Bandungan ditambah lan dipirantèni murih kanggo narik pelancong kang luwih akèh. Kanthi mangkono Bandungan tansaya kaloka déning para pelancong saka ngendi waé paran. lan mesthiné perékonomiané warga masyarakaté uga mlu mundhak. Kang lagi dikebut déning pamerentah Kabupatèn mligi kanggo tlatah Bandungan ya iku gawé proyek Agrowisata kang luwih akèh, ing kono bakal digawé papan agrowisata pedésaan kang luwih lengkap fasilitase. Ing jerone bakal ana kebon tuwuhan tetanèn, kebon buah, kebon kembang, papan outbond, restoran, lan uga papan kanggo bale pertemuan. sawatara iki proyek iki isih dadi rencana proyek kang digadhang-gadhang Dinas Pariwisata Kabupatèn Semarang.
Uga delengen
[besut | besut sumber]cathetan suku
[besut | besut sumber]- ↑ a b Pasar Bandungan Obyek Wisata Unggulan (diunduh tanggal 8 April 2011)
Pranala njaba
[besut | besut sumber]
 | Artikel bab désa lan kalurahan iki minangka artikel rintisan. Kowé bisa ngéwangi Wikipédia ngembangaké. |