Anne Frank

Saka Wikipédia Jawa, bauwarna bébas abasa Jawa
Anne Frank
Lair Annelies Marie Frank
(1929-06-12)Juni 12, 1929
Frankfurt am Main, Jerman
Pati Awal Maret 1945 (yuswa 15)
Kamp konsentrasi Bergen-Belsen, Lower Saxony, Jerman
Pakarya Panulis ingkang dipun publikasikaken sasampunipun tilar donya
Bangsa Jerman (miyos), dipun nyatakaken stateless, kepéngin dados tiyang Walandi.[1]

Annelies Marie "Anne" Frank (12 Juni 1929 – Februari/Maret 1945) punika satunggiling pawèstri kaum Yahudi ingkang nyerat setunggal buku dintenan nalika panjenenganipun sesidheman sesarengan kulawarga lan sekawan réncangipun ing Amsterdam ing mangsa pendhudhukan Nazi ing Walandi nalika Perang Donya II. Saksampunipun sesidheman dangunipun kalih taun, grup punika dipun khianati lan sadaya dipun bekta dhumateng kamp konsentrasi ingkang njalari sadaya tiwas kejawi Otto, bapakipun Anne. Otto kundur dhumateng Amsterdam lan panjenenganipun manggihi buku dintenan putrinipun. Amargi yakin dhumateng kaunikan cathetan kasebat, Otto ngupados publikasinipun.

Buku dintenan wau dipun paringaken dhumateng Anne nalika ambal warsanipun ingkang kaping tiga welas lan nyathet urutan prastawa-prastawa kagesangan Anne saking tanggal 12 Juni 1942 dumugi cathetan pungkasan tanggal 1 Agustus 1944. Pungkasanipun buku dintenan punika dipun pertal saking basa Walandi dhumateng manéka basa lan dados salah satunggil buku ingkang paling kathah dipun waos ing donya. Sapérangan prodhuksi téater lan film ugi ngangkat téma buku dintenan punika. Buku dintenan ingkang dipun gambaraken minangka karya ingkang diwasa lan kagungan wawasan punika nyariyosaken potrèt kagesangan sedinten-sedinten ingkang lebet ing saandhaping pendhudhukan Nazi; langkung seratanipun, Anne Frank dados salah satunggil korban Holocaust ingkang paling kathah dipuncariyosaken.

Période ingkang kacathet salebeting buku dintenan[besut | besut sumber]

Sadèrèngipun dhumateng papan sesidheman[besut | besut sumber]

Kanggé ambal warsanipun ingkang kaping tiga welas tanggal 12 Juni 1942, Anne nampi satunggiling buku cathetan alit ingkang piyambakipun tedahaken dhumateng bapakipun salebeting satunggiling jendhéla toko sawatawis dinten sadèrèngipun. Senadyan buku punika satunggiping buku tapak asma, Anne migunakaken minangka satunggiling buku dintenan. Panjenenganipun wiwit nyerat, nggambaraken piyambakipun, kulawarganipun, lan réncang-réncangipun, réncang jaler ingkang panjenganipun remeni lan papan-panggénan ingkang remen dipundhatengi ing saubengipun dalem. Senadyan isi awal punika nggambaraken panjenenganipun minangka satunggiling kenya alit ingkang biasa, panjenenganipun ugi nggambaraken éwah-éwahan ingkang dumados sasampunipun pendhudhukan Jerman.

Pranala njawi[besut | besut sumber]

Réferènsi[besut | besut sumber]

  1. ^ She lost her German nationality in 1941 and was stateless thereafter, but she aimed at being Dutch. See Diary, May 22, 1944
Sumber artikel punika saking kaca situs web: "https://jv.wikipedia.org/w/index.php?title=Anne_Frank&oldid=1088688"