Angkrem

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Bebek angkrem

Angkrem ya iku tumindake kéwan ngendhog (Ovipar) kanggo netesake endhoge ya iku kanthi nggedhekake embrio kang ana ing sajerone endhog. Pérangan paling utama ing sajerone angkrem ya iku suhu kang ajeg lan trep kanggo 'uripe' embrio ing njero endhog. Angkrem umume dilakoni kanthi lungguh lan ndhekemi endhog, mligi ing jinis manuk.

Kanggone kéwan getih panas kaya déné manuk, suhu awak kéwan iku uume ajeg kanggo nyengkyung uripe embrio ing endhog. Saliyané iku, kelembaban uga dadi pérangan kang wigati. NAlikane hawane kegaringen, endhog uga bakal kélangan akèh cuwèran lan marakake angèl anggoné netes. Nalikane diangkremi, boboté endhog dadi tambah abot lan hawa ing sakjerone endhog uga lambah amba.

Saben kéwan duwé tingkah dhéwé-dhéwé kango netesake endhoge. Ana jinis-jinis manuk kang angkreme gentenan antarané manuk lanang lan wadon umpamané manuk dara, puter lan deruk, uga ana kang mung kéwan wadon kang angkrem kaya ta pitik. Kéwan liya ana kang ora langsung ngengkremi endhoge, nanging kathi mendhem endhoge ana ing jogangan lemah/pasir utawa gegodhongan bosok, kaya ta penyu ing pasir, baya ing gegodhongan lan manuk maléo kang mendhem endhoge ing lemah.

Suwene wektu angkrem uga manéka warna. Ana kang mung 11 dina kaya déné sapérangan jini emprit nganti ana kang 85 dina kaya déné manuk albatros lan kiwi soklat.

Suwene angkrem[besut | besut sumber]

Manuk Suwene angkrem (dina)
Pitik 21–22
Bebek 27–28
Garudha 35-36
Finch 11–14
Banyak gulu cendhak (Goose) 25–28
Ostrich 35-45
Parrot 17–31
Pheasant 24
Dara 10–18
Quail 16-21
Banyak 33–36
Kalkun 28

Uga delengen[besut | besut sumber]