Aleksandr Lukashenko

Saka Wikipédia Jawa, bauwarna mardika basa Jawa
Aleksandr Lukashenko
Alexander Lukashenko
Аляксандр Лукашэнка
Présidhèn Républik Bélarus
Linggih
20 Juli 1994 – Sapunika
MahamantriVyachaslau Kebich
Mikhail Chigir
Sergey Ling
Vladimir Yermoshin
Gennady Novitsky
Sergey Sidorsky
Kang sadurungéMyechyslaw Hryb (sebagai Ketua Penguasa Soviet untuk Bélarus)
Kang sawiséSedang Menjabat
Ketua Dewan Penguasa Nagara, Persatuan Ruslan dan Bélarus
Linggih
26 Januari 2000 – Sapunika
Kang sadurungéBoten wonten
Kang sawiséSaweg Njabat
Rerincèn dhiri
Lair (1954-08-30) 30 Agustus 1954 (umur 69)
Kopys, Bélarusia SSR, Uni Soviet
BangsaBélarusia
Parté pulitikParté Kuminis Uni Soviet (hingga 1992)
Independen (wiwit 1992)
SisihanGalina Rodionovna

Alexander Lukashenko (Bélarus: Алякса́ндар Рыго́равіч Лукашэ́нка, Aljaksandar Ryhoravič Lukašenka/Alyaksandar Ryhoravich Lukashenka; Ruslan:Алекса́ндр Григо́рьевич Лукаше́нко, Aleksandr Grigoryevich Lukashenko; lair ing Kopys, Bélarusia, Uni Soviet, 30 Agustus 1954; umur 69 taun) inggih punika Présidhèn Bélarus wiwit wulan Juli 1994.[1]

Piyambakipun kapisanan kapilih wonten ing taun 1994. Pamarètahanipun kawèntar kontroversial: pendukungipun nganggep kabijakan-kabijakanipun smapun nylametaken Bélarus saking akibat-akibat paling ala saking kapitalisme pasca-Uni Soviet, déné lawan-lawanipun, wonten ing lebet lan njawi nagari, nuduh piyambakipun minangka diktator.[2] Kebijakan-kebijakan wonten ing lebet lan njawi nagari Lukashenko sampun damel Bélarus dipunlarang gabung kaliyan Dewan Éropa.

Karier wiwitan (dumugi 1994)[besut | besut sumber]

Lukashenko miyos wonten ing désa Kopys ing Vitsebsk voblastingkan nalika punika minangka péranganing Républik Sosialis Soviet Bélarus. Piyambakipun lulus saking Institut Keguruan Mahilyow (Mogilev) wonten ing Liga Kuminis 1975), mimpin sawijining cabang Komsomol (Pemuda Kuminis) ing Mogilev saking taun 1977-1978. Sasampunipun medal saking ketentaraan, piyambakipun dados wakil ketua sawijining "pertanian kolektif" wonten ing taun 1982 lan nalika taun 1985 piyambakipun minggah kalungguhan dados direktur pertanian nagara ing Gorodets lan pabrik bahan-bahan konstruksi wonten ing dhistrik Shklov. Nalika taun 1985 piyambakipun ugi lulus saking Akademi Pertanian Bélarus.[3]

Wonten ing taun 1990, Lukashenko kapilih dados salah satunggaling Deputi wonten ing Soviet Tertinggi saking Républik Bélarus. Punika minangka langkang kapisanan minangka satunggaling pulitikus. Piyambakipun mbentuk sawijining fraksi ingkang dipunsebut Kaum Kuminis kanggé Dhémokrasi, ingkang ngajuraken sawijining Uni Soviet ingkang dhémokratis, ingkang dipunkelola dhedhasar prinsip-prinsip kuminis. Piyambakipun ngaku bilih piyambakipun minangka satunggalipun deputi saking parlemen Belorusia ingkang maringi swanten ingkang nentang pangesahan pasarujukan Dhésèmber 1991 ingkang mbubaraken Uni Soviet lan madhegaken Persemakmuran Nagara-nagara Merdeka (CIS) minangka gantosipun. Sasampun dipunbubaraken Uni Soviet, kanthi wekdal ingkang singed Lukashenko lajeng ngemunah sawijining tetanen nagara.

Sasampunipun dipunkenal wiyar minangka satunggaling tiyang lawan korupsi ingkang pinter micara, Lukashenko kapilih nalika taun 1993 minangka ketua komisi anti korupsi parlemen Bélarus. Éwadéné piyambakipun tetep nahanaken gayutan ingkang celak kaliyan fraksi-fraksi Kuminis kiwa, piyambakipun boten dipunremeni kaliyan kathah tokoh Parté Kuminis Bélarus amargi serangan-seranganipun tumrap praktik-praktik korupsi lan hak-hak istimewa saking nomenklatura Kuminis. Wonten ing pungkasaning taun 1993, piyambakipun nuduh 73 pejabat senior pamaréntah, kalebet Stanislav Shushkevich, ketua parlemen lan penjabat présidhèn, nindakaken korupsi, kalebet nyolong dana nagara kanggé kaperluan pribadi. Tuduhan-tuduhan Lukashenko njalari dipunkajengaken mosi tumrap Shushkevich, ingkang lajeng kasingkir. Ing wingking tuduhan-tuduhan tumrap Shushkevich kasunyatanipun boten kabukti.

Sawijining konstitusi énggal Bélarus ingkang dipuntindakaken wiwitan taun 1994 mbikak margi kanggé pamilihan présidhèn ingkang kapisanan ingkang dhémokratis, ingkang dipunadani Juli taun punika. Enem kandidat majeng, kalebet Lukashenko, ingkang nindakaken kampanye minangka tiyang ingkang independen kanthi tema populis "ngasoraken mafia." Shushkevich lan Vyacheslav Kebich ugi nyalonaken dhiri. Kebich dipunanggep minangka pavorit pamenang. Kasunyatanipun, Lukashenko menang kanthi 45% swanten déné Kebich namung pikantuk 15% lan Shushkevich namung 10%. Putaran kaping kalih dipunadani 10 Juli ingkang dipunmenangakendéning Lukashenko kanthi swanten langkung saking 80%.

Cathetan suku[besut | besut sumber]

  1. Belarus Archived 2020-04-30 at the Wayback Machine. CIA Factbook
  2. http://www.belarusian.com/chronology/luka.html Kekerasan Konstitusi Lukashenko
  3. http://news.bbc.co.uk/2/hi/europe/3882843.stm BBC-Profil: Alexander Lukashenko
  1. ^ M J A Standish. "Editor's notes." Jane's Intelligence Digest. 11 Januari 2006.

Pranala njaba[besut | besut sumber]

Rujukan[besut | besut sumber]


Didhisiki déning:
Myechyslau Ivanovich Hryb
(Ketua Dewan Agung Soviet)
{{{jabatan}}}
1994-
Diganti déning:
masih menjabat