Adven

Saka Wikipédia Jawa, bauwarna bébas abasa Jawa
(Dilih saka Advent)
Taun Liturgi
Gréja Ritus Kulon
Gréja Ritus Wétan

Adven sajeroning Gréja Kristen iku jeneng periode sadurungé Natal. Jeneng Adven dijupuk saka tembung Latin Adventus sing tegesé Kerawuhan. Sajeroning mangsa Adven umat Kristen nyiapaké dhiri kanggo nyambut pista Natal lan mèngeti kelairan lan kerawuhan Yesus sing kaping loro ing akir jaman. Adven dinuga wiwit dirayakaké ing kalangan umat Kristen wiwit abad kapapat.[1]

Adven tansah diwiwiti ing dina Minggu sing paling cedhak karo tanggal 30 November (dina St. Andreas) (antara tanggal 27 November lan 3 Dhésèmber) lan lumaku nganti Malem Natal 24 Dhésèmber. Kanthi mangkono dawané mangsa adven saben taun béda-béda, ananging sawijining mangsa adven tansah dumadi saka 4 hari Minggu.

Pendeta utawa pastur racaké nganggo toga (kasula) sing werna ungu karajaan utawa biru karajaan ing mangsa-mangsa iki. Akèh gréja uga masang rerangkèn godhong Adven sajeroning misa utawa kebaktian-kebaktian Adven. Karangan godhong iku dumadi saka papat batang lilin (telu ungu lan siji awarna jambon) sing ditata ing sawijining bynderan awarna ijo sing nglambangaké kauripan sing kekal.

Lilin-lilin iku disumet kaya mangkéné:

  • Minggu Pisanan: siji lilin ungu
  • Minggu Kaloro: loro lilin ungu
  • Minggu Katelu: loro lilin ungu lan siji lilin jambon
  • Minggu Kapapat: papat lilin

Cathetan sikil[besut | besut sumber]

Pranala njaba:[besut | besut sumber]

Uga delengen[besut | besut sumber]