Acep Zamzam Noor
| Acep Zamzam Noor | |
|---|---|
 | |
| Lair | Fèbruari 28, 1960 Tasikmalaya |
| Bangsa | Indonésia |
| Pakaryan | Seniman |
| Bojo | Hj. Euis |
| Anak | Rebana Adawiyah, Imana Tahira, Diwan Masnawi, Abraham Kindi, Kiara Luna |
Acep Zamzam Noor ingkang miyos ing Tasikmalaya, Jawa Kulon ing tanggal 28 Pebruari 1960 inggih punika salah satunggaling sastrawan Indonésia.
Kulawarganipun
[besut | besut sumber]Acep inggih ounika putra ingkang paling mbarep saking tiyang sepuhipun K. H. Ilyas Ruhiat, satunggaling ulama ingkang karismatik ing Pondhok Pesantren Cipasung, Tasikmalaya. Piyambakipun lajeng nikah kaliyan santrnipun ingkang nama Euis Nurhayati, lan pinaringan putra cacahipun 5, inggih punika Rebana Adawiyah, Imana Tahira, Diwan Masnawi, saha Abraham Kindi.
Pendhidhikanipun
[besut | besut sumber]Acep nelasaken wekdal alitipun saha mudhanipun ing lingkungan pesantren. Ing taun 1980, piyambakipun lulus saking SMA ing Pondok Pesantren As-Syafi'iyah, Jakarta, lajeng nerasaken pendhidhikan wonten ing Jurusan Seni Lukis Fakultas Seni Rupa dan Desain ITB ing taun 1980-1987, lajeng nerasaken kuliah dhateng Universitá Italiana per Stranieri, Perugia, Italia amargi pikantuk fellowship saking pamaréntah Italia kanggé dumunung saha makarya ing Italia ing taun 1991-1993. Salajengipun, piyambakipun ndhèrèk workshof seni rupa ing Manila, Filipina (1986), tumut workshop seni grafis ing Utrecht, Walanda (1996). Ndherek pameran lan seminar seni rupa ing Guangxi Normal University, Guilin, saha Guangxi Art Institute, Nanning, Cina ing taun (1999). Lan sapunika dalem wonten ing Désa Cipasung, Tasikmalaya.[1] Kajawi dados pelukis, Acep Zamzam Noor ugi langkung misuwur dados penyair. Sajak-sajakipun kathah ingkang dipunandharaken ing kathah médhia sastra ing Jakarta, Bandung, saha Malaysia. Kajawi punika, karyanipun ugi kathah ingkang kapacak wonten ing antologi sajak, kados ta “Tonggak IV”, “Dari Kota Hujan”, lan “Ketika Kata Ketika Warna”. Ing taun 1995, piyambakipun ndhèrèk The 2nd ASEAN Writers Conference ing Singapura saha Istiqlal International Poetry Reading ing Jakarta. Sapunika piyambakipun sregep nggladhi ing Sanggar Sastra Tasik.
Asiling Karya
[besut | besut sumber]Acep sampun kathah ngasilaken karya-karyanipun, kados ing ngandhap punika:[2]
- Tamparlah Mukaku! (kumpulan sajak, 1982)
- Aku Kini Doa (kumpulan sajak, 1986)
- Kasidah Sunyi (kumpulan sajak, 1989)
- The Poets Chant (antologi, 1995)
- Aseano (antologi, 1995)
- A Bonsai’s Morning (antologi, 1996)
- Di Luar Kata (kumpulan sajak, 1996)
- Dari Kota Hujan (kumpulan sajak, 1996)
- Di Atas Umbria (kumpulan sajak, 1999)
- Dongèng dari Negeri Sembako (kumpulan puisi, 2001)
- Jalan Menuju Rumahmu (kumpulan sajak, 2004)
- Menjadi Penyair Lagi (antologi, 2007)
Kajawi saking karya, kasebat, Acep ugi sampun medalaken kathah puisi-puisinipun ingkang sampun kapacak wonten ing kathah médhia massa terbitan laladan saha kutha krajan. Ugi ing Majalah Sastra Horison, Jurnal Kebudayaan Kalam, Jurnal Ulumul Qur’an, Jurnal Puisi saha Jurnal Puisi Melayu Perisa dan Dewan Sastra (Malaysia). Sapérangan puisinipun ingkang sampun dipunkemapalaken inggih punika Di Luar Kata (Pustaka Firdaus, 1996), Di Atas Umbria (Indonésia Tera, 1999), Dongèng Dari Negeri Sembako (Aksara Indonésia, 2001), Jalan Menuju Rumahmu (Grasindo, 2004), Menjadi Penyair Lagi (Pustaka Azan, 2007) saha satunggaling kempalan puisi Sunda Dayeuh Matapoe (Geger Sunten, 1993) ingkang dados nominator Bebungah Rancage 1994.
Penghargaan
[besut | besut sumber]- Penghargaan Penulisan Karya Sastra Depdiknas (2000)
- South East Asian (SEA) Write Award dari Karajan Thailand (2005)
- Khatulistiwa Literary Award (2007)