Zodiak

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
gambar zodiak saka abad kaping-16

Zodiak (saka tembung Yunani Zoodiacos Cyclos sing maknané Bunderan Kéwan) yaiku sawijining sabuk khayal ing langit sing ambané 18° sing punjeré ing bunderan ekliptika[1], ananging istilah iki bisa uga ngarujuk marang rasi-rasi lintang sing diliwati déning sabuk kasebut, sing saiki cacahé ana 13. Dipercaya konsèp iki asalé saka peradaban Lembah Kali Eufrat kamungkinan mung kanthi enem rasi, Taurus, Cancer, Virgo, Scorpio, Capricornus, lan Pisces, sing sabanjuré dipecah dadi 12 amarga penampakan taunan kaping-12 Bulan ndadari ing bagéan-bagéan urutan saka sabuk kasebut[2].

Bunderan Ekliptika[sunting | sunting sumber]

Ing langit ana garis khayal sing diarani lingkaran ekliptika. Yèn diamati saka bumi, kabèh benda tatasurya (planèt, Bulan lan srengéngé) mubeng ing langit ngubengi bunderan ekliptika. Kaistiméwaan saka karolas zodiak dibandhingaké rasi lintang liyané yakuwi kabèh ana ing wilayah langit sing memotong (ngliwati?) bunderan ekliptika. Dadi bisa disimpulaké zodiak iku kabèh rasi bintang sing dumunung ing sadawaning bunderam ekliptika. Rasi-rasi lintang kasebut yakuwi:

  1. Capricornus: Wedhus segara, srengéngé ana ing sangarepé rasi ini jroning 21 Jan - 16 Feb (26 dina)
  2. Aquarius: Tukang gawa banyu, Srengéngé dumunung ing sangarepé rasi ini jroning 16 Feb - 11 Mar (24 dina)
  3. Pisces: Ikan, Srengéngé dumunung ing sangarepé rasi ini jroning 11 Mar - 18 Apr (38 dina)
  4. Aries: Wedhus gibas, Srengéngé dumunung ing sangarepé rasi ini jroning 18 Apr - 13 Mei (25 dina)
  5. Taurus: Kebo, Srengéngé dumunung ing sangarepé rasi ini jroning 13 Mei - 22 Jun (40 dina)
  6. Gemini: Si Kembar, Srengéngé dumunung ing sangarepé rasi ini jroning 22 Jun - 21 Jul (29 dina)
  7. Cancer: Kepiting, Srengéngé dumunung ing sangarepé rasi ini jroning 21 Jul - 10 Ags (20 dina)
  8. Leo: Singa, Srengéngé dumunung ing sangarepé rasi ini jroning 10 Ags - 16 Sep (37 dina)
  9. Virgo: Gadis Perawan, Srengéngé dumunung ing sangarepé rasi ini jroning 16 Sep - 31 Okt (45 dina)
  10. Libra: Timbangan, Srengéngé dumunung ing sangarepé rasi ini jroning 31 Okt - 23 Nov (23 dina)
  11. Scorpius: Kalajengking, Srengéngé dumunung ing sangarepé rasi ini jroning 23 Nov - 18 Des (25 dina)
  12. Sagitarius : Si Pemanah, Srengéngé dumunung ing sangarepé rasi ini jroning 18 Des - 21 Jan (34 dina)

Zodiak lan Astrologi[sunting | sunting sumber]

Astrologi iku èlmu sing ngubungaké antara gerakan benda-benda tatasurya (planèt, bulan lan srengéngé) karo nasib manungsa. Amarga kabèh planèt, srengéngé lan bulan mubeng ing sadawaning bunderan ekliptik, otomatis kabèh mau uga mubeng ing antara zodiak. Ramaalan astrologi didhasaraké marang dunungé benda-benda tatasurya jroning zodiak.

Sadéngah wong bakal nyandang tanda zodiaké miturut dunungé srengéngé jroning zodiak ing tanggal kelairané. Umpamané, wong sing lair awal desember bakal nduwèni zodiak Sagittarius, Amarga ing tanggal kasebut srengéngé dumunung ing wilayah rasi bintang Sagittarius. Dunungé srengéngé dibédakaké antara wektu tropikal lan wektu sideral sing nyebabaké ana rong werna zodiak, yaiku zodiak tropikal lan zodiak sideral. Sebagéan gedhé astrologer kulon migunakaké zodiak tropikal.

Referensi[sunting | sunting sumber]

  1. ^ Voigt, Hans-Heinrich (1974). Outline of astronomy volume I. Leyden: Noordhoff International Publishing.
  2. ^ Allen, Richard H. (1936). Star-names and Their Meanings. New York: G. E. Stechert & Co..
Sumber artikel punika saking kaca situs web: "http://jv.wikipedia.org/w/index.php?title=Zodiak&oldid=821724"