Tèknologi informasi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Tèknologi informasi iku panggunaan komputer èlèktronika lan piranti alus komputer kanggo ngowahi, nyimpen, ngamanaké, mrosès, mancaraké lan ngamanaké lan nampa data utawa informasi. Miturut Asosiasi Teknologi Informasi AS, teknologi informasi dijlèntrèhaké minangka: pasinaon, disain, pangembangan, implemèntasi, dhukungan utawa manajemen sistem informasi mawa dhasar komputer, utamané aplikasi piranti alus, lan piranti kasar komputer."[1] TI manunggalaké komputasi lan komunikasi mawa kacepetan dhuwur kanggo data, swara, lan vidéo. Conto saka Tèknologi Informasi dudu mung arupa komputer pribadi, nanging uga télpon, TV, piranti rumah tangga èlèktronik, lan piranti gegem modhèrn (upamané ponsèl).[2]

Pangolahan, panyimpenan lan panyebaran vokal, informasi mawa gambar, tèks lan numerik déning mikroèlèktronika mawa basis kombinasi komputasi lan télékomunikasi.[3] Istilah jroning pangertèn modhèrn sepisanan muncul jroning sawijining artikel taun 1958 sing diterbitaké jroning Harvard Business Review, ing ngendi panulis Leavitt lan Whisler komentar yèn "teknologi anyar durung duwé jeneng tunggal sing didegaké. Awaké dhéwé bakal nyebut iku mau tèknologi informasi (TI)."[4] Sapérangan bidhang modhèrn lan muncul tèknologi informasi iku génerasi sabanjuré tèknologi wèb, bioinformatika, ''Could Computing'', sistem informasi global, skala gedhé basis pangetauan lan liya-liyané.

Sajarah[sunting | sunting sumber]

Nalika awal sajarah, manungsa ijolan informasi liwat basa. Mula basa iku tèknologi, basa mungkinaké sawijining wong dadi paham informasi sing ditekakaké déning wong liya nanging iku ora tahan sacara suwé amarga sawisé pocapan iku rampung, banjur informasi sing ana ing tangan si panampa iku bakal dilalèkaké lan ora bisa disimpen suwé. Saliyané iku jangkauan swara uga winates.

Sawisé iku tèknologi panekan informasi ngrembaka liwat gambar. Kanthi gambar jangkauan informasi bisa luwih adoh. Gambar iki bisa digawa-gawa lan ditekakaké marang wong liya. Saliyané iku informasi sing ana bakal tahan luwih suwé. Sapérangan gambar paninggalan jaman purba isih ana nganti saiki saéngga manungsa saiki bisa (nyoba) mahami informasi sing péngin ditekakaké panggawéné.

Ditemokaké alfabèt lan angka arabik nggampangaké cara panekanan informasi sing luwih èfisièn saka cara sing sadurungé. Sawijining gambar sing makili sawijining prastawa digawé mawa kombinasi alfabèt, utawa mawa panulisan angka, kayadéné MCMXLIII diganti karo 1943. Tèknologi mawa alfabèt iki nggampangaké jroning panulisan informasi iku.

Banjur, tèknologi panyithakan mungkinaké pangiriman informasi luwih cepet manèh. Tèknologi èlèktronik kayadéné radhio, tivi, komputer ngakibataké informasi dadi luwih cepet kasebar ing wilayah sing luwih wiyar lan luwih suwé kasimpen.

Informasi umum[sunting | sunting sumber]

Informasi lan tèknologi komunikasi 2005

TI iku bidhang panglolaan tèknologi lan nyakup manéka bidang sing kalebu nanging ora winates ing babagan-babagan kayadéné prosès, piranti alus komputer, sistem informasi, piranti kasar komputer, basa program , lan data konstruksi. Cekaké, apa sing gawé data, informasi utawa pangetauan sing dirasakaké jroning format visual apa waé, liwat saben mékanisme distribusi multimédhia, dianggep bagéyan saka TI. TI nyedhiakaké bisnis kanthi papat sèt layanan inti kanggo mbantu nglakokaké strategi bisnis: prosès bisnis otomatisasi, mènèhi informasi, ngubungaké karo pelanggan, lan alat-alat prodhuktivitas.

TI nglakokaké manéka fungsi (TI Disiplin/Kompetènsi) saka nginstal Aplikasi kanggo ngrancang jaringan komputer lan database informasi. Sapérangan tugas sing TI lakokaké mungkin kalebu manajemen data, jaringan, rékayasa piranti kasar komputer, database lan désain piranti alus, sarta manajemen lan administrasi sistem sacara sakabèhané. Teknologi informasi wiwit nyebar luwih adoh saka konvènsional komputer pribadi lan tèknologi jaringan, lan luwih menyang njero integrasi tèknologi liya kayadéné panggunan télpon gegem, tivi, montor, lan akèh liyané, sing ningkataké panjalukan kanggo pagawéyan.

Ing jaman biyèn, para (Déwan Akréditasi kanggo Engineering lan Tèknologi) lan Asosiasi kanggo mesin komputasi wis nyambut gawé bareng kanggo mbentuk akréditasi lan standhar kurikulum[5] kanggo program degrees ing Tèknologi Informasi minangka bidhang studi dibandhingaké[6] karo Èlmu Komputer lan Sistem Informasi. SIGITE (Special Interest Group for IT Education)[7] iku klompok kerja ACM kanggo ndhéfinisikaké standhar iki. Pendhapatan layanan TI ing saindhenging donya watara $ 763.000.000.000 ing taun 2009.[8]

Patuwuhan lan kapasitas tèknologi[sunting | sunting sumber]

Hilbert lan Lopez[9] ngidhèntifikasi kacepetan èksponènsial owah-owahan tèknologi (mèmper ukum Moore): mesin 'aplikasi-spésifik kanggo ngétung kapasitas informasi per-kapita nduwé watara tikel kaping loro saben 14 sasi watara taun 1986-2007; kapasitas per-kapita ing donya komputer tujuan umum wis tikel kaping loro saben 18 sasi sakwéné rong dékadé sing padha, kapasitas télékomunikasi global per-kapita tikel kaping loro saben 34 sasi; kapasitas panyimpenan donya per-kapita sing dibutuhaké watara 40 sasi kanggo nggandhakaké (saben 3 taun); lan informasi siaran per-kapita wis tikel kaping loro watara saben 12,3 taun.[9]

Delengen uga[sunting | sunting sumber]

Réferènsi[sunting | sunting sumber]

  1. ^ http://www.itaa.org/es/docs/Information%20Technology%20Definitions.pdf | p30, Accessed March 3 2008
  2. ^ Williams / Sawyer, (2007), Using Information Technology terjemahan Indonesia, Penerbit ANDI, ISBN 979-763-817-0
  3. ^ Longley, Dennis; Shain, Michael (1985), Dictionary of Information Technology (2 ed.), Macmillan Press, ISBN 0-333-37260-3
  4. ^ "information technology" (2 ed.), Oxford University Press, 1989, http://dictionary.oed.com/
  5. ^ ABET
  6. ^ Isbell, Charles; Impagliazzo, John; Stein, Lynn; Proulx, Viera (2009), (Re)Defining Computing Curricula by (Re)Defining Computing, Association for Computing Machinery, ACM, ISBN 978-1-60558-886-5
  7. ^ ACM-SIGITE
  8. ^ "Gartner Says Worldwide IT Services Revenue Declined 5.3 Percent in 2009", Gartner, http://www.gartner.com/it/page.jsp?id=1363713
  9. ^ a b "The World’s Technological Capacity to Store, Communicate, and Compute Information", Martin Hilbert dan Priscila López (2011), Science (journal), 332(6025), 60-65; free access to the article through here: martinhilbert.net/WorldInfoCapacity.html

Wacan[sunting | sunting sumber]

Pranala njaba[sunting | sunting sumber]