Sumpit

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Sumpit

Sumpit yaiku piranti mangan kang asale saka Asia Wetan, wujude kayu rong iji padha dawane kang dicekel ing sela-selane driji tangan. Sumpit iku kanggo nyepit lan mindhahake panganan saka wadhah, saka piring siji marang piring liyane, utawa nglebokake panganan ing njero tutuk. Sumpit padatan digawe saka pring, logam, gadhing, lan plastik kang wis dialusake utawa dilapis nganggo pernis utawa cat supaya katon apik lan ora nyilakani tutuk nalika mangan.

Akeh negara ing saindhenging donya kang nganggo sumpit kanggo mangan panganan khas Asia Wetan. Ing saperangan negara Asia Wetan Kulon, sumpit mujudake piranti mangan utama kang padha pentinge karo sendhok lan garpu. Ing Indonesia, sendhok-garpu utawa sumpit disedyakake ing omah makan kang nyediyani masakan Tionghoa, masakan Korea, masakan Jepang, masakan Vietnam, masakan Thailand tekan bakul bakso utawa mi pangsit di pinggir dalan.

Cara nyekel sumpit[sunting | sunting sumber]

Kenya kang lagi nyekel sumpit

Sumpit bisa dicekel nganggo tangan kiwa utawa tangan tengen. Carane nyekel sumpit yaiku:

  1. Sumpit siji dicekel kayadene nyekel potlot kang dicepit ing sela-selane jempol, driji tlunjuk, lan driji tengah.
  2. Sumpit liyane diselehake ing sela-selane driji tengah lan driji manis.
  3. Sumpit kekarone kudu sejajar.
  4. Nyekel sumpit bisa dianggep bener yen sumpit siji bisa obah munggah mudhun bola-bali, lan sumpit liyane meneng.

Pranala njaba[sunting | sunting sumber]

Commons-logo.svg
Wikimedia Commons gadhah galeri bab:

Sumber artikel punika saking kaca situs web: "http://jv.wikipedia.org/w/index.php?title=Sumpit&oldid=832363"