Masakan Thailand

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kari panganan segara ala Thai
Tom yum kung (tom yum urang)

Masakan Thai utawa masakan Thailand nyakup panganan lan ombènan sarta cara masak khas Thailand. Ciri khas masakan Thai ya iku rasa pedhes lan akèh bumbuné, nanging dipadu karo keseimbangan rasa legi, asin, kecut, lan pedhes.

Senadyan kabèh disebut masakan Thai, ing Thailand ana patang jinis masakan dhaèrah sing asal saka patang dhaèrah utama: Thailand Lor, Thailand Wétan lor (masakan Isan), Thailand Tengah, lan Thailand Kidul. Saben masakan dhaèrah antuk prebawa saka masakan Cina lan masakan negara-negara tanggané. Ora kaya kari khas Thailand sing migunakaké rempah-rempah seger, kari Thailand Kidul nganggo rempah-rempah garing sing digorèng kaya kari India.[1] Ciri khas liya masakan Thailand Kidul ya iku nganggo santen lan kunir seger. Mayoritas pedunung Thailand Kidul nganut agama Islam. Leluhuré teka saka anak bawana India luwih saka rong èwu taun kapungkur satemah masakan Thailand Kidul mèmper karo masakan India.[1] Masakan Thailand Wétan lor (Isan) kerep nganggo peresan jeruk, lan kaprabawan déning masakan Laos. Sebagéyan gedhé panganan Thai sing dikenal saiki minangka adhaptasi saka masakan Cina sing dikenalaké ing Thailand déning wong Tio Ciu sing minangka mayoritas wong Cina-Thai. Masakan sing wiwitané asal saka Cina, umpamané: jok, kwetiau rad na, khao kha moo (moo pa-loh), bamii (Basa Thai: บะหมี่, mi kuah), lan khao mun gai

Bumbu lan rempah-rempah dianggo jroning kahanan seger (dudu rempah-rempah garing). Bumbu-bumbu sing umum jroning masakan Thai ya iku antara liya : lombok rawit, lombok abang, santen, kécap iwak (nam pla), jahe, bawang, brambang, godhong ketumbar, seré, trasi (kapi), gula jawa, lan asem jawa.


Panganan khas Thai[sunting | sunting sumber]

Pad thai

Hidangan pambuka[sunting | sunting sumber]

  • Tod man pla krai (Basa Thai: ทอดมันปลา): gorèngan pasta iwak.
  • Pad Pak-boong (Basa Thai: ผัดผักบุ้ง): tumis kangkung.

Sarapan[sunting | sunting sumber]

Hidangan tunggal[sunting | sunting sumber]

Khao mun gai (sega ayam)
  • Khao pad (Basa Thai: ข้าวผัด): sega gorèng ala Thailand, bisa nganggo daging ayam, daging sapi, daging babi, urang, kepiting, klapa, lan nanas.
  • Pad thai (Basa Thai: ผัดไทย): kwetiau gorèng isi daging ayam utawa panganan segara karo bumbu nam pla.
  • Rad na (Basa Thai: ราดหน้า): kwetiau lebar sing digorèng daging sapi, daging ayam, urang, utawa panganan segara.
  • Khao pad naem (Basa Thai: ข้าวผัดแหนม): sega gorèng karo sosis asil fermèntasi (panganan khas Thailand Wétan lor)
  • Pad see ew (Basa Thai: ผัดซีอิ๊ว): mi gorèng daging ayam/babi karo kécap legi kenthel (see ew dum) lan nahm pla.
  • Pad kee mao (Basa Thai: ผัดขี้เมา, mi mabuk): mi gorèng karo godhong kemangi thai.
  • Khao khluk kapi (Basa Thai: ข้าวคลุกกะปิ): sega gorèng trasi, dihidangaké karo babi legi lan janganan.
  • Khanom chin namya (Basa Thai: ขนมจีนน้ำยา): mi karo bumbu kécap iwak, lan dipangan karo janganan seger.
  • Khao soi (Basa Thai: ข้าวซอย): mi garing sing dihidangaké ing jero sup kari ayam sing rasané legi (masakan khas Thailand Lor.)
  • Khao pad gai (Basa Thai: ข้าวผัดไก่): sega gorèng ayam.
  • Khao mun gai (Basa Thai: ข้าวมันไก่): sega sing didang karo bawang , ayam godhog, lan kaldu ayam, dihidangaké karo saus cocol.
  • Gai pad grapao (Basa Thai: ไก่ผัดกะเพรา): daging ayam cincang karo bawang, lombok, lan godhong kemangi.
  • Gai pad med mamoung himaphan (Basa Thai: ไก่ผัดเม็ดมะม่วงหิมพานต์): potongan daging ayam karo kacang mete lan lombok.

Panganan asal Thailand Tengah[sunting | sunting sumber]

Tod man pla krai, gorèngan pasta iwak karo saus cocol.
  • Tom yam (Basa Thai: ต้มยำ): sup kecut pedhes isi daging. Yèn isi urang disebut tom yam goong (tom yam kung, Basa Thai: ต้มยำกุ้ง). Tom yam isi panganan segara (urang, cumi-cumi, lan iwak disebut tom yam talae (Basa Thai: ต้มยำทะเล),déné tom yam daging ayam disebut tom yam gai (Basa Thai: ต้มยำไก่).
  • Gai Pad Khing (Basa Thai: ไก่ผัดขิง): tumis ayam karo potongan jahé.
  • Tom kha gai (Basa Thai: ต้มข่าไก่): sup kecut pedhes isi daging ayam lan santen.
  • Sate (Basa Thai: สะเต๊ะ): saté daging babi utawa daging ayam. Saté ya iku masakan Indonésia sing populèr minangka jajanan ing Thailand.
  • Kari abang (gaeng phet, Basa Thai: แกงเผ็ด): kari pedhes karo bumbu lombok abang garing.
  • Kari hijau (gaeng khiew-waan, Basa Thai: แกงเขียวหวาน): kari karo bumbu lpmbok ijo seger lan godhong kemangi thai. Daging sing dianggo bisa daging ayam utawa bakso iwakn. Kari ijo kerep dianggep minangka kari paling pedhes ing masakan Thai.
  • Kari massaman curry (Basa Thai: แกงมัสมั่น): kari gaya India sing biasané digawé déning wong Islam Thai. Kari jenis iki nganggo rempah-rempah garing sing dialusaké kaya wiji ketumbar.
  • Pad prik (Basa Thai: ผัดพริก): daging sapi sing ditumis karo lombok, lan uga disebut neua pad prik (Basa Thai: เนื้อผัดพริก)
  • Pad kraphao (Basa Thai: ผัดกะเพรา): daging babi, daging sapi, utawa daging ayam sing ditumis karo godhong kemangi thai.
  • Pad pak ruam (Basa Thai: ผัดผักรวม): tumis manéka jinis janganan.
  • Phanaeng curry (Basa Thai: พะแนง): kari kenthel isi daging sapi (phanaeng nuea, Basa Thai: พะแนงเนื้อ), daging ayam, utawa daging babi. Kaya déné kari massaman, kari jinis iki uga nganggo rempah-rempah garing sing dialusaké.
  • Tod man (Basa Thai: ทอดมัน): gorèngan pasta iwak (tod man pla krai, Basa Thai: ทอดมันปลากราย) utawa pasta urang (tod man kung, Basa Thai: ทอดมันกุ้ง)
  • Boo Jah (Basa Thai: ปูจ๋า): gorèngan pasta kepiting dicampur daging babi, bawang, lan mrica. Panganan iki dipangan karo saus pedhes kaya saus Sri Rachaa, saus bawang pedhes legi, saus nahm prik pao (pasta lombok sing digorèng), utawa pasta kari abang lan irisan godhong brambang.
  • Choo-Chee Plah Ga-Pong (Basa Thai: ฉู่ฉี่ปลากระพง): iwak saus kari choo-chee.

Panganan asal Thailand Wétan lor[sunting | sunting sumber]

Masakan Thailand Wétan lor mirip karo masakan Laos. Wong Isan sing manggon ing Thailand Wétan lor minangka katurunan wong Lao. Basané uga mèmper karo basa Lao.

Som tam (salad pepaya), gai sing (ayam panggang), lan khao niao (sega ketan) ya iku kombinasi sing misuwur banget.
  • Som tam (Basa Thai: ส้มตำ, IPA: som ɗam) utawa disebut jroning basa Lao/Isan minangka ตำมักหุ่ง (IPA: ɗam mak huŋ) ya iku salad katès parut sing ditumbuk ing cowèk lan ulekan. Ana telung variasi som tam sing umum: som tam poo (Basa Thai: ส้มตำปู) karo kepiting ireng asin, som tam thai (Basa Thai: ส้มตำไทย) karo kacang brol, èbi, lan gula jawa, sarta som tam plara (Basa Thai: ส้มตำปลาร้า) saka Thailand Wétan lor, dicampur iwak gurami asin, térong putih, kécap iwak, lan kacang lanjaran.
  • Larb (basa Lao: ລາບ, Basa Thai: ลาบ): salad kecut sing digawé saka daging, bawang bombay, lombok, tepung beras sangrai, lan direngga nganggo godhong mint.
  • Nam tok (Basa Thai: น้ำตก): salada daging sing mèmper karo larb, nanging daging dipotong dawa-dawa lan ora dicincang.
  • Yam (Basa Thai: ยำ): jeneng umum kanggo manéka salad sing rasané kecut, antara liya digawé saka sohun (yam wun sen Basa Thai: ยำวุ้นเส้น) utawa panganan segara (yam talae, Basa Thai: ยำทะเล).
  • Tom saep (Basa Thai: ต้มแซบ): sup pedhes lan kecut ala Thailand Wétan lor.
  • Gai sing (Basa Thai: ไก่ย่าง): ayam panggang
  • Suea Rong Hai (Basa Thai: เสือร้องไห้): daging sapi (sandung lamur) panggang
  • Khao niao (Basa Thai: ข้าวเหนียว): sebutan tmrap ketan sing didang minangka panganan pokok wong Thailand Lor lan Thailand Wétan lor.
  • Nam prik num (Basa Thai: น้ำพริกหนุ่ม): saus cocol sing digawé saka térong asam, lombok ijo, lan bawang.

Hidangan penutup lan ombènan[sunting | sunting sumber]

Mo geng, kue saka endhog
  • Kao niao ma muang (Basa Thai: ข้าวเหนียวมะม่วง): ketan lan irisan pelem mateng
  • Lod chong nam ka ti (Basa Thai: ลอดช่องน้ำกะทิ): mi beras mawa aroma pandhan sing dimasak karo santen.
  • Kanom tan (Basa Thai: ขนมตาล): kuwé klapa.
  • Ruam mit (Basa Thai: รวมมิตร): woh berangan sing dihidangaké bebarengan karo nangka, wiji sagu, lan santen.
  • Kanom chun (Basa Thai: ขนมชั้น): kue lapis ketan aroma pandhan
  • Kanom bua loy (Basa Thai: ขนมบัวลอย): bola-bola tales jroning santen.

Deleng uga[sunting | sunting sumber]

Rujukan[sunting | sunting sumber]

Pranala njaba[sunting | sunting sumber]

Logo Wikimedia Commons
Pirsani galeri bab Masakan Thailand ing Wikimedia Commons.

Referensi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Masakan_Thailand&oldid=833591"