Piring

Saka Wikipédia Jawa, bauwarna mardika basa Jawa
Piring

Piring ya iku piranti kang digawé saka beling utawa porselén kang gunané kanggo mangan, ndéléhaké lawuh, sayur.[1] Piring uga ana kang digawé saka kayu, sèng utawa wesi lan plastik.[1] Saliyané kanggo mangan, piring uga kena kanggo nari.[1] Jogèd kang nggunakaké piring diarani jogèd piring.[1] Piring dhapuré bunder pipih lan ana cekungan ing tengahé.[1] Piring uga ana kang dhapuré cépér.[1] Piring kang dhapuré cépér lumrahé kanggo wadhah sayur kang ora ana duduhé.[1] Piring nduwéni warna lan wujud kang béda-béda.[1] Yèn jaman biyèn piring wernané mung putih polos, nanging saiki piring wis ana wernané malah nganggo motif kembang-kembang, garis-garis, lan gambar-gambar kaya ta kapal, woh-wohan, sayuran, gambar daging lan roti.[1] Piring kang digawé saka kramik utawa porselén iku kalebu piring kang gampang pecah.[1] Mulané piring kang digawé saka porselén utawa kramik ora kena dibanting.[1]

Piring hias[besut | besut sumber]

Piring uga ana kang kanggo rerenggan.[2] Piring kang kanggo rerenggan iki ora dianggo mangan nanging mung dipajang dadi aksesoris méja utawa dicénthélaké ing témbok.[2] Piring hias iki lumrahé kanggo rerenggan ing omah-omah.[2] Piring hias lumrahé digawé saka porselén.[2]

Cathetan suku[besut | besut sumber]

  1. a b c d e f g h i j k artikata.com(dipunundhuh tanggal 1 Juni 2011)
  2. a b c d lifestyle.okezone.com(dipunundhuh tanggal 4 Juni 2011)