Masjid Dian Al-Mahri
| Masjid Dian Al Mahri | |
|---|---|
 Masjid Dian Al Mahri | |
| Informasi umum | |
| Prenah | Kutha Dhépok, Jawa Barat, Indonésia |
| Koordhinat géografi | 6°23′03″S 106°46′19″E / 6.384098°S 106.772003°EKoordhinat: 6°23′03″S 106°46′19″E / 6.384098°S 106.772003°E |
| Afiliasi agama | Islam |
| Deskripsi arsitektur | |
| Jinis arsitèktur | Masjid |
| Gaya arsitektur | Timur Tengah |
| Yasa pratama simbulis | 50.000 M2 |
| Taun rampung | 2006 |
| Spesifikasi | |
| Kapasitas | 20.000 Jemaah |
| Kubah | 5 |
| Dhiamèter kubah jaba | 20 mèter |
| Menara | 6 |
| Dhuwuré menara | 40 mèter |
Masjid Dian Al-Mahri utawi biyasa dipunsebut Masjid Kubah Emas inggih punika salah sawijining masjid ingkang wonten ing Kutha Dhépok, Indonésia.[1] Masjid dipun-ginakaken ngibadah salat kanggé tiyang muslim saben dinten. Kompleks masjid punika ugi dados papan plesir kulawarga amargi kubahipun adamel saking emas. Masjid punika papanipun wiyar ugi bébas dipunaksès kanggé tiyang umum, pramila papan punika asring dados jujugan plesiran kulawarga utawi ingkang namung badhé ngaso.[2]
Sajarah
[besut | besut sumber]Masjid dipunyasa déning Hj. Dian Djuriah Maimun Al Rasyid, pengusaha saking Banten. Lemahipun dipuntumbas ing taun 1996. Masjid punika dipunyasa wiwit taun 2001, bibar dipunyasa ing pungkasan taun 2006. Masjid punika dipunbikak kanggé umum ing tanggal 31 Dhésèmber 2006, sesarengan kaliyan dinten Idul Adha ingkang kaping kalih ing taun punika. Kanthi wiyar 50 hektar, wangunan masjid punika wiyaripun 60 x 120 m utawi 8000 m². Masjid punika saged ngamot kirang langkung 20.000 jemaah[3]. Kawasan Masjid Kubah Emas asring dipunsebat minangka kawasan masjid termegah ing Asia Tenggara[4].
Arsitektur
[besut | besut sumber]Masjid Dian Al Mahri gadhah 5 kubah. Setunggal kubah utama lan 4 kubah alit. Sedayaning kubahipun dipunlapisi emas kandelipun 2 ngantos 3 milimeter lan mozaik kristal. Wujudipun kubah utama kados kubah Taj Mahal. Kubah punika diameter ngandhapipun 16 mèter, diameter tengah 20 mèter, lan dhuwuripun 25 mèter. Déné 4 kubah alit diameter ngandhapipun 6 mèter, tengah 7 mèter, lan dhuwuripun 8 mèter. Ing lebetipun masjid wonten lampu gantung ingkang saking Italia bobotipun 8 ton[5].
Relief rerenggan sanginggilipun panggènan imam ugi kadamel saking emas 18 karat. Semanten ugi wonten ing lantai kalih lan rerenggan kaligrafi ing langit-langit masjid. Manawi makutha pilar masjid ingkang cacahipun 168 linapis prado utawi turahan emas.
Kanthi cara umum, arsitèktur masjid ndhereki tipologi arsitèktur masjid ing Timur Tengah kanthi ciri kubah, minaret (menara), latar lebet (plaza), lan rerenggan dekoratif kanthi èlemèn geometris lan obelisk, kanggé ngiyataken ciri keislaman para arsitekturipun. Ciri sanèsipun inggih punika gerbang mlebet ingkang awujud portal lan rerenggan geometris sarta obelisk minangka ornamen.
Tritis wiyaripun 45 x 57 mèter lan saged ngamot 8.000 jemaah. Enem menara (minaret) awujud segi enem atawi heksagonal, ingkang nglambangaken rukun iman, inggilipun 40 mèter. Enem menara punika dipunlapisi watu granit klawu ingkang dipunimpor saking Italia kanthi ornamen ing sakupengipun. Ing puncakipun wonten kubah linapis mozaik emas 24 karat. Manawi kubahipun badhé sami kaliyan wujud kubah ingkang wonten ing masjid-masjid ing Pèrsi lan India. Gangsal kubah nglambangaken rukun Islam, sadaya punika dipunlapisi mozaik linapis emas 24 karat ingkang bahanipun dipunimpor saking Italia.
Wonetn ing pérangan interioripun, masjid punika gadhah saka ingkang kokoh lan inggil kanggé ndamel skala ruang ingkng agung. Ruang masjid dipundominasi warna monokrom kanthi unsur utami warna krem, kanggé maringi karakter ruang ingkang tentrem lan anget. Materialipun kadamel saking marmer ingkang dipunimpor saking Turki lan Italia. Ing tengah ruang, wonten lampu gantung ingkang dipundamel saking kuningan linapis emas 2,7 ton[6], igkang dipundamel ahli saking Italia.
Cathetan sikil
[besut | besut sumber]- ↑ "Masjid Kubah Emas". Diarsip saka sing asli ing 2015-09-24. Dibukak ing 2013-09-17.
- ↑ "Masjid Kubah Emas Depok". Diarsip saka sing asli ing 2015-06-21. Dibukak ing 2013-09-17.
{{cite web}}: More than one of|archivedate=and|archive-date=specified (pitulung); More than one of|archiveurl=and|archive-url=specified (pitulung) - ↑ "Masjid Berkubah Emas" Archived 2008-01-19 at the Wayback Machine., Pikiran Rakyat
- ↑ "Masjid Berkubah Emas Dibangun ing Depok", Kompas
- ↑ "Menjadi Kaya dengan Bersedekah" Archived 2007-07-16 at Archive.is, Pontianak Post
- ↑ "Masjid Kubah Emas, Sebuah Ikon Keagamaan" Archived 2007-06-12 at Archive.is, Pikiran Rakyat