Dwapara Yuga

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Artikel punika bagean saking seri
Filsafat Hindu
Aum.svg
Ajaran Filsafat
SamkhyaYogaMimamsa
NyayaVaisisekaVedanta
Ajaran Vedanta
AdvaitaVishishtadvaita
DvaitaShuddhadvaita
DvaitadvaitaAchintya Bheda Abheda
Tokoh Filsafat Hindu
KapilaPatanjaliJaimini
GotamaKanadaRsi Vyasa
Patengahan
Adi ShankaraRamanuja
MadhvaMadhusūdana
Vedanta DesikaJayatirtha
Moderen
RamakrishnaRamana
Swami VivekanandaNarayana Guru
RamakrishnaRamana
Sri AurobindoSivananda
Caturyuga
SatyayugaTretayuga
DwaparayugaKaliyuga
Simbol Hindu

Dwapara Yuga inggih punika jaman ingkang angka tiga (3) wonten ing siklus Yuga. Jaman punika minangka jaman sabibaripun jaman Treta Yuga, ugi jaman minangka sadéréngipun jaman Kali Yuga. Jaman punika dangunipun antawis 864.000 taun. [1]

Peran kelas[sunting | sunting sumber]

Sedaya tiyang wonten ing jaman Dwapara Yuga minangka tiyang ingkang tumemen, gagah, wicaksana saha naming gegayutan kaliyan panebusan dosa saha remen nindakaken amal. Déné para raja naming seneng-seneng. Wonten ing jaman punika kapinteran ilahi sampun mandheg, saha sampun kirang anggénipun mangertosi kanthi ilmu pengetahuan babagan ilahi. Minangka kasilipun wonten ing pagesangan tumraping masyarakat kadosta lelara, penyakit, colong jupuk. Sabibaripun, tiyang -tiyang bakal sadar kaliyan kalepatanipun saha nindakaken panebusan dosa.[2]

Brahmana[sunting | sunting sumber]

Brahmana minangka golongan pendeta saha rohaniwan wonten ing sawijining masyarakat, saengga golongan kasebut minangka golongan ingkang paling dipunhurmati. Wonten ing ajaran Warna, tiyang ingkang nyandhang gelar Brahmana amargi keahlianipun wonten ing bidang pengetahuan agama. Saengga, status minangka Brahmana boten dipunangsal saking lair. Status Brahmana dipunangsal kanthi nindakaken ajaran agama kanthi tumemen dumugi tiyang punika layak dipunsebut rohaniawan. [3][4]

Ksatriya[sunting | sunting sumber]

Ksatriya minangka golongan para bangsawan ingkang tumemen babagan pamerentahan utawi administrasi negara. Ksatriya ugi minangka golongan para ksatriya utawi para Raja ingkang ahli babagan militer saha pinter migunakaken senjata. Kuwajiban golongan Ksatriya inggih punika ngayomi golongan Brahmana, Waisya, saha Sudra. Menawi golongan Ksatriya nindakaken kuwajibanipun kanthi leres, piyambakipun badhe angsal berkah saha pandonga saking golongan Brahmana, Waisya, sarta Sudra.[3][4]

Waisya[sunting | sunting sumber]

Waisya minangka golongan para pedagang, petani, nelayan, sarta pakryan sanesipun ingkang kalebet bidang niaga utawi sedaya pedamelan ingkang ngurus sedaya babagan ingkang asipat material, kadosta pangan, sandhang, papan, lsp. Kuwajibanipun inggih punika nyekapi kabetahan pokok (sandhang, pangan, papan) golongan Brahmana, Ksatriya, sarta Sudra.[3][4]

Sudra[sunting | sunting sumber]

Sudra minangka golongan para pembantu ingkang mbiyantu Brahmana, Kshatriya, saha Waisya supados pakaryanipun saged lumampah. Wonten ing filsafat Hindu, tanpa golongan Sudra, kuwajiban tigang kasta boten saged dipunadani kanthi seimbang saha sami – sami paring kontribusi.[3][4]

Awatara ing jaman Dwapara Yuga[sunting | sunting sumber]

Kresna (Dewanagari: कृष्ण; IAST: kṛṣṇa; dipunwaos [ˈkr̩ʂɳə]) punika salah satunggaling Dewa ingkang dipunsembah déning umat Hindu, awujud pria kulit peteng utawi biru tuwa, ngagem dhoti kuning saha makutha saking wulu merak. Jroning seni lukis saha reca, umumipun Kresna dipungambaraken pinuju main suling sinambi jumeneng kanthi samaparan ingkang dipuntekuk. Legendha Hindu sajroning kitab Purana saha Mahabharata mratélakaken bilih Kresna punika putra kawolu Basudewa saha Dewaki saking krajan Surasena, krajan mitologis wonten ing India lér. Kanthi umum, Kresna dipunsembah minangka awatara (inkarnasi) Déwa Wisnu ingkang angka wolu wonten ing antawisipun sedasa awatara Wisnu. Sajrroning sawetawis sekte Hindu, kadosta Gaudiya Waisnawa, Kresna dipunanggep minangka manifèstasi saking bebener mutlak, utawi pawujudan Tuhan.[5]

Delengen Uga[sunting | sunting sumber]

Cathetan Suku[sunting | sunting sumber]

  1. ^ [1]
  2. ^ [2]
  3. ^ a b c d (id) Dharam Vir Singh (Alih Basa Dening I. G. A. Dewi Paramitha, S. S. (2006). Hinduisme Sebuah PengantarISBN: 978-979-722-399-1. Surabaya: Penerbit Paramita.
  4. ^ a b c d (id) I Ketut Sukartha, dkk. (2003). Agama Hindu untuk SLTP Kelas 3ISBN: 979-571-020 6 (jilid 1). Denpasar: Penerbit Ganeca Exact.
  5. ^ Who is Krishna?
Sumber artikel punika saking kaca situs web: "http://jv.wikipedia.org/w/index.php?title=Dwapara_Yuga&oldid=874004"