Satya Yuga
 |
Artikel punika pinuju ngalami éwah-éwahan ageng ngantos 28 Pebruari 2013 Kanggé nyegah konflik panyuntingan, nyuwun tulung supados boten nyunting artikel punika nalika pesen punika taksih wonten. Kaca punika pungkasan dipunsunting déning Legobot (Kontrib • Log) 67 dinten 371 menit kapungkur. |
|
|
Artikel pelatihan Papat Limpad 2012 punika perlu dipunrapèkaken supados miturut dhumateng standhar Wikipédia |
| Artikel punika bagean saking seri Filsafat Hindu |
|
 |
|
| Ajaran Filsafat | |
|---|---|
| Samkhya • Yoga • Mimamsa | |
| Nyaya • Vaisiseka • Vedanta | |
| Ajaran Vedanta | |
| Advaita • Vishishtadvaita | |
| Dvaita • Shuddhadvaita | |
| Dvaitadvaita • Achintya Bheda Abheda | |
| Tokoh Filsafat Hindu | |
| Kapila • Patanjali • Jaimini | |
| Gotama • Kanada • Rsi Vyasa | |
| Patengahan | |
| Adi Shankara • Ramanuja | |
| Madhva • Madhusūdana | |
| Vedanta Desika • Jayatirtha | |
| Moderen | |
| Ramakrishna • Ramana | |
| Swami Vivekananda • Narayana Guru | |
| Ramakrishna • Ramana | |
| Sri Aurobindo • Sivananda | |
| Caturyuga | |
| Satyayuga • Tretayuga | |
| Dwaparayuga • Kaliyuga | |
|
|
|
Satya yuga (Basa Sansekerta: सत्ययुग ; dipunsebut ugi Satyuga, Kṛta Yuga, Kerta yuga) wonten ing ajaran agama Hindu, inggih punika sawetawis kurun jaman ingkang dipunsebut "jaman keemasan", nalika umat manungsa caket sanget dhumateng Tuhan saha para Dewa, nalika kebecikan wonten ing saben papan, saha angkara murka punika dados samubarang ingkang boten biasa. [1]
Bab lan Paragraf |
Awal siklus Yuga [sunting]
Satyayuga utawi Kertayuga, minangka tahap awal saking sekawan (catur) Yuga. Siklus Yuga minangka siklus ingkang muter kados roda. Sabibaripun Satyayuga pungkasan, kanggé sawetawis dangu balik malih dhumateng siklus satyayuga. Siklus Satyayuga kadadean kirang langkung 1.700.000 taun. Sabibaripun masa Satyayuga pungkasan, kasusul déning masa Tretayuga. Kalajengaken masa Dwaparayuga, lajeng ingkang pungkasan masa Kaliyuga. Sabibaripun donya kiamat wonten ing pungkasan jaman Kaliyuga, Tuhan ingkang sampun mralinakaken sedaya kanisthan saha nylametaken tiyang saleh, miwiti malih jaman katentreman,jaman Satyayuga.[2]
Satyayuga, zaman keemasan [sunting]
Satyayuga minangka jaman keemasan, nalika tiyang-tiyang taksih caket sanget kaliyan Tuhan. Boten wonten tumindak nistha. Piwulang agama saha meditasi (ngeningaken pikiran) minangka sawijining jaman ingkang wigati sanget nalika jaman punika. Konon rata-rata umur umat manungsa saged dumugi 4.000 taun nalika gesang wonten ing jaman punika. Miturut Nathashastra, wonten ing masa Satya Yuga boten wonten Natyam amargi nalika iku sedaya tiyang ngrosaken seneng saha tentrem. Wonten ing jaman punika, "Lembu Dharma" taksih jumeneng kanthi sekawan suku, saéngga ajaran dharma taksih manteb wonten ing pagesangan. Boten wonten tiyang-tiyang ingkang sami nindakaken tumindak ingkang nistha.[3]
Nalika masa Satyayuga, tiyang-tiyang boten prelu nyerat kitab, amargi tiyang-tiyang saged hubungan langsung kaliyang Ingkang Maha Kuwaos. Nalika masa kasebut, papan nyembah Tuhan boten dipunprelukaken, amargi tiyang-tiyang sampun saged ngraosaken Tuhan wonten ing saben papan, saéngga pamujaan saged kalaksanakaken wonten ing pundi kémawon saha kapan kémawon.[4]
Awatara ing Jaman Satya Yuga [sunting]
- Matsya inggih punika Awatara Dewa Wisnu ingkang angka kapisan. Dewa Wisnu njalma kanthi wujud Mina rakshasa.
- Kurma inggih punika Awatara Dewa Wisnu ingkang angka kalih. Dewa Wisnu njalma kanthi wujud Bulus rakshasa.
- Waraha inggih punika Awatara Dewa Wisnu ingkang angka tiga. Dewa Wisnu njalma kanthi wujud "Babi Alas".[5]
Delengen Uga [sunting]
Cathetan Suku [sunting]
- ^ (en)[1](dipunundhuh tanggal 11 November 2012)
- ^ (en)[2](dipunundhuh tanggal 11 November 2012)
- ^ (en)[3](dipunundhuh tanggal 11 November 2012)
- ^ (en)[4](dipunundhuh tanggal 11 November 2012)
- ^ (id) Dharam Vir Singh (Alih Basa Dening I. G. A. Dewi Paramitha, S. S. (2006). Hinduisme Sebuah PengantarISBN: 978-979-722-399-1. Surabaya: Penerbit Paramita.
|
||||||||||||||||||||||||||||||||
