Circinus

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
CIRCINUS

Peta Circinus
Daftar lintang ing Circinus
Cekakan Cir
Genitif Circini
Asensio rekta 15
Deklinasi −60
Area 93 derajad pesagi (#85th)
Lintang utama 3
Lintang
Bayer/Flamsteed
9
Lintang
mawa planèt
2
Lintang padhang 0
Lintang cedhak 0
Lintang paling padhang α Cir (3.18m)
Lintang paling cedhak α Cir ( tc)
Obyèk Messier 0
Udan météor None
Rasi lintang
sing wewatesan
Centaurus
Musca
Apus
Triangulum Australe
Norma
Lupus
Katon antara lintang +30° lan −90°.
Katon paling cetha ing wektu 21.00 jroning sasi June.
'

Circinus inggih punika salah satunggaling rasi lintang ingkang alit lan lemah ingkang mapan wonten ing belahan langit sisih kidul. Rasi lintang punika sepisanan dipunandharaken ing taun 1756 déning astronom saking Prancis, Nicolas Louis de Lacaille.[1] Circinus inggih saking basa Latin kanggé kompas, ingkang ugi minangka alat ingkang dipunginakaken kanggé nggambar bunderan, lan punika kedahipun saged dipunbédakaken kaliyan rasi lintang Pyxis, rasi lintang punika nggambaraken kompasipun pelaut.

Lintang - lintang[sunting | sunting sumber]

Rasi lintang Circinus gadhah dhaérah ingkang ambanipun kirang langkung 93 drajat persegi lan boten ngewrat kathah lintang ingkang dipunmangertosi minangka planet - planet. Rasi lintang punika saged dipuntingali ing garis lintang antawisipun +10° lan -90° lan paling saé dipuntingali ing jam 9 dalu ing salebeting sasi Juni. Rasi lintang Circinus amargi namung satunggaling rasi lintang ingkang lemah mila namung gadhah setunggal lintang ingkang padhangipun langkung saking sekawan magnitudo.[2] Dene lintang - lintang ingkang wonten ing rasi lintang punika inggih kados mekaten:

  • Lintang ingkang paling padhang wonten ing rasi lintang Circinus inggih punika lintang Alpha Circini kanthi gadhah magnitudi 3,19. Lintang punika inggih kalebet lintang ganda kanthi gadhah lintang pengampingipun ingkang lemah.
  • Beta Circini inggih punika lintang ingkang paling padhang nomer kalih wonten ing rasi lintang Circini. Beta Circini inggih lintang kanthi jinis tipe A, lan gadhah magnitudo 4,1.
  • Gamma Circini inggih punika lintang binat ingkang ngewrat kalih lintang ingkang sepasang caket sanget kanthi werna ingkang kontra inggih punika lintang biru lan lintang jene.

Objek langit lebet[sunting | sunting sumber]

Rasi lintang Circinus gadhah kalih objek lintang lebet ingkang sampun dipunmangertosi inggih punika Circinus X-1 lan galaksi Circinus. Circinus X-1 inggih punika satunggaling lintang binar sinar X ingkang ngewrat lintang neutron ingkang ngorbit kanthi lintasan reguler ing lintang punika. Tebihipun inggih punika kirang langkung 20.000 taun cahya saking bumi. Galaksi Circinus inggih punika satunggaling galaksi spiral ingkang aktip kanthi tebihipun udakawis 15 milyar taun cahya lan dipunpanggihaken ing taun 1975. Circinus inggih taksih kalebet satunggaling kulawarga rasi lintang Lacaille, sesarengan kaliyan rasi lintang Norma, Telescopium, Microscopium, Sculptor, Fornax, Caelum, Horologium, Octans, Mensa, Reticulum, Pictor lan Antlia. Déné rasi lintang sanesipun ingkang wonten ing sak kiteripun rasi lintang Circinus inggih punika Centaurus, Musca, Apus, Triangulum Australe, Norma lan Lupus.[3]

Cathetan Suku[sunting | sunting sumber]

  1. ^ Ridpath, Ian. "Circinus". Star Tales. http://www.ianridpath.com/startales/circinus.htm. Retrieved 27 June 2012.
  2. ^ Moore, Patrick (2011). Patrick Moore's Data Book of Astronomy. Cambridge University Press. p. 410. ISBN 0-521-89935-4. http://books.google.com/?id=2FNfjWKBZx8C&pg=PA410&dq=Circinus#v=onepage&q=Circinus&f=false.
  3. ^ (en)Circinus(dipunundhuh tanggal 23 Pebruari 2013)
Sumber artikel punika saking kaca situs web: "http://jv.wikipedia.org/w/index.php?title=Circinus&oldid=837305"