Fornax

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
FORNAX

Peta Fornax
Daftar lintang ing Fornax
Cekakan For
Genitif Fornacis
Asensio rekta 3
Deklinasi −30
Area 398 derajad pesagi (#41st)
Lintang utama 2
Lintang
Bayer/Flamsteed
27
Lintang
mawa planèt
6
Lintang padhang 0
Lintang cedhak 2
Lintang paling padhang α For (3.80m)
Lintang paling cedhak LP 944-20 ( tc)
Obyèk Messier None
Udan météor None
Rasi lintang
sing wewatesan
Cetus
Sculptor
Phoenix
Eridanus
Katon antara lintang +50° lan −90°.
Katon paling cetha ing wektu 21.00 jroning sasi December.
'

Fornax (play /ˈfɔrnæks/) inggih punika salah satunggaling rasi lintang ingkang mapan wonten ing belahan langit sisih kidul. Ingkang sepisanan paring nama rasi lintang punika inggih astronom saking Prancis, inggih punika Nicolas Louis de Lacaille ing taun 1756. Fornax inggih punika salah satunggal saking 88 rasi lintang modhèrn ingkang sampun dipuntemtokaken ngantos sak punika.

Lintang - lintang[sunting | sunting sumber]

Rasi lintang Fornax gadhah dhaérah ingkang ambanipun kirang langkung 398 drajat persegi lan ngewrat tigang lintang ingkang dipunmangertosi minangka planet - planet. RAsi lintang Fornax saged dipuntingali ing garis lintang antawisipun +50° lan -90° lan badhe ketingal paling saé menawi dipuntingali ing jam 9 dalu ing sasi Desember. Fornax boten gadhah kathah lintang ingkang padhangipun langkung saking sekawan magnitudo. Lintang ingkang paling padhang wonten ing rasi lintang Fornax inggih punika lintang alpha Fornaci, ingkang ugi dipunsebat Dalim lan Fornacis. Lintang punika gadhah magnitudo 3,9 lan lintang jené ingkang salajengipun kanthi magnitudo 6,5. Lintang punikatebihipun kirang langkung 46 taun cahya saking bumi.[1] Beta Fornacis inggih punika lintang ingkang paling padhang nomer kalih wonten ing rasi lintang Fornax lan minangka lintang raksasa tipe G.

Objek Langit Lebet[sunting | sunting sumber]

Wonten saperangan objek langit bageyan lebet ingkang saged dipunmangertosi ing rasi lintang Fornax punika, ing antawisipun inggih punika wonten NGC 1316 ingkang minangka galaksi ekliptika ingkang tebihipun kirang langkung 70 milyar taun cahya, ingkang mapan wonten ing Kluster Fornax. Kluster galaksi ingkang paling sugih nomer kalih ingkang umuripun kirang langkung 100 milyar taun cahya. NGC 1316 inggih ugi kalebet pemancar radio ingkang paling padhang wonten ing langit. NGC 1097 inggih punika galaksi sppiral ingkang gadhah bolongan cemeng ingkang gampil njeblug ing punjeripun, ingkang dipunkiteri dening lintang- lintang sanesipun lan kalih satelit galaksi. Objek punika tebihipun kirang langkung 45 taun cahya.[2] NGC 1360 inggih punika satunggaling planet nebula ingkang ketingal pader lan wujudipun elip lan gadhah dawa ingkang boten limrah. NGC 1365 inggih punika kalebet galaksi spiral ingkang dpunlarang kawontenanipun. Galaksi punika gadhah kalih lengen ingkang ketingal cetha lan kalabet salah satunggaling galaksi ingkang paling ageng ing dhaerahipun. NGC 1398 inggih punika galaksi spiral ingkang alit kanthi nukleus ingkang padhang ingkang dipunkiteri dening kathah galaksi -galaksi sanesipun ingkang lemah ing dhaerah punika. NGC 1427 inggih punika galaksi ingkang alit, boten aturan lan wernanipun radi biru, ingkang tebihipun 71 yuta taun cahya, ingkang sak punika nembe mlampah tumuju dhateng Kluster Fornax.

Fornax inggih taksih kalebet wonten ing kulawarga rasi lintang Lacaille sesarengan kaliyan rasi lintang Norma, Circinus, Telescopium, Microscopium, Sculptor, Caelum, Horologium, Octans, Mensa, Reticulum, Pictor lan Antlia. Déné rasi lintang sanèsipun ingkang mapan wonten ing sakitering Fornax inggih punika rasi lintang Cetus, Sculptor, Phoenix, lan Eridanus.[3]

Cathetan Suku[sunting | sunting sumber]

  1. ^ Ridpath & Tirion 2001, hlm. 148-149.
  2. ^ Ridpath Tirion, hlm. 148-149.
  3. ^ (en)Fornax (dipunundhuh tanggal 19 Pebruari 2013)
Sumber artikel punika saking kaca situs web: "http://jv.wikipedia.org/w/index.php?title=Fornax&oldid=836721"