Musca

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Disambig.svg
MUSCA

Peta Musca
Daftar lintang ing Musca
Cekakan Mus
Genitif Muscae
Asensio rekta 12.456
Deklinasi −70.341
Area 138 derajad pesagi (#77th)
Lintang utama 6
Lintang
Bayer/Flamsteed
13
Lintang
mawa planèt
1
Lintang padhang 1
Lintang cedhak 1
Lintang paling padhang α Mus (2.69m)
Lintang paling cedhak Gliese 440 ( tc)
Obyèk Messier none
Udan météor ?????
Rasi lintang
sing wewatesan
Katon antara lintang +10° lan −90°.
Katon paling cetha ing wektu 21.00 jroning sasi Mei.
'
rasi lintang Musca

Musca (Basa Latin: fly) inggih punika salah satunggaling rasi lintang ingkang alit lan minoritas ingkang mapan wonten ing wilahan langit sisih kidul. Rasi lintang punika inggih kalebet salah satunggal saking kalih welas rasi lintang ingkang dipundamel déning Petrus Plancius saking asiling observasi Pieter Dirkszoon Keyser lan Frederick de Houtman lan rasi lintang punika sepindhah dipunwedalaken kanthi dhiamèter ing péta langit ingkang dipunwedalaken ing taun 1597 utawi 1598 wonten ing Amsterdam déning Petrus Plancius lan Jodocus Hondius. Rasi punika medal wonten ing atlas langit sepindhah wonten ing Uranometria kagunganipun Hohann Bayer ing taun 1603.

Lintang-lintang[sunting | sunting sumber]

Rasi lintang Musca gadhah dhaérah ingkang ambanipun kirang langkung 138 drajat pesagi lan ngewrat setunggal lintang ingkang dipunmangertosi minangka planèt-planèt. Rasi lintang Musca punika saged dipuntingali ing garis lintang antawisipun +10° lan -90° lan badhé ketingal paling saé wujudipun menawi dipuntingali ing jam 9 dalu ing salebeting wulan Mei. Musca boten gadhah kathah lintang-lintang ingkang padhangipun langkung saking tigang magnitudo. Déné lintang-lintang ingkang wonten ing rasi lintang Musca, ing antawisipun inggih punika:

  • Alpha Muscae inggih punika sub raseksa bentèr werna biru ingkang tebihipun 306 taun cahya. Lintang punika ugi dipunindhèntifikasi minangka variabel Beta Chepei.
  • Beta Muscae inggih punika lintang binar werna biru, ingkang gadhah ukuran ingkang sami ingkang papanipun namung kacèk pinten taun cahya saking apha Muscae.
  • Delta Muscae (HD 112985) inggih punika lintang binar ingkang gadhah raseksa oranye minangka komponèn ingkang paling baku. Tebihipun kirang langkung 91 taun cahya, lan kalebet lintang ingkang paling caket kaliyan bumi ing rasi lintang Musca.
  • Lambda Muscae inggih punika lintang ingkang paling padhang nomer sekawan wonten ing rasi lintang punika. Lintang punika inggih jinis raseksa pethak ingkang minangka tandha kanggé sungunipun kupu.
  • Gamma Muscae inggih punika kalebet kurcaci biru pethak.

Objèk langit lebet[sunting | sunting sumber]

Musca gadhah sapérangan objèk langit bagéyan lebet ingkang saged dipuntliti, kadosta:

  • Nova Muscae 1991 inggih punika satunggaling transient objek soft X-ray ingkang ngewrat satunggling lintang lan bolongan cemeng.
  • NGC 5189 utawi Planèt Nebula Spiral, inggih punika salah satunggaling jinis nebula ingkang gadhah wujud simètris S, ingkang tebihipun kirang langkung 3000 taun cahya.
  • The Engraved Hourglass Nebula, ingkang dipunmangertosi minangka wujud jam wedhi, inggih kalebet planèt nebula ingkang enèm ingkang tebihipun 8000 taun cahya, ingkang medalaken kalih bagéyan ali-ali abrit kanthi mripat biru ing tengahipun.
  • NGC 4833 inggih punika satunggaling gugus bal ingkang radi sepuh ingkang wonten ing rasi lintang Musca, ingkang tebihipun kirang langkung 21.200 taun cahya, ingkang mapan caket kaliyan delta Muscae.[1]

Musca inggih kalebet wonten ing kulawarga rasi lintang Johann Bayer, sesarangen kaliyan rasi lintang Hydrus, Dorado, Volans, Apus, Pavo, Grus, Phoenix, Tucana, Indus lan Chamaeleon. Rasi lintang punika dipunkiteri kaliyan rasi-rasi lintang sanèsipun inggih punika rasi lintang Apus, Carina, Centaurus, Chamaeleon, Circinus lan Crux.[2]

Cathetan suku[sunting | sunting sumber]

  1. ^ The Deep Photographic Guide to the Constellations: Musca
  2. ^ (en)Musca(dipunundhuh tanggal 17 Pebruari 2013)
  • Ridpath, Ian; Tirion, Wil (2007), Stars and Planets Guide, Princeton University Press, ISBN 978-0-691-13556-4
  • Hamilton, Thomas W. (1968), Useful Star Names, Viewlex

Cithakan:88 Rasi Lintang modhern

Sumber artikel punika saking kaca situs web: "http://jv.wikipedia.org/w/index.php?title=Musca&oldid=863826"