Wajra

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
(Dipunpindhah saking Bajra)
Langsung menyang: pandhu arah, pados
Bajra minangka piranti ritual
Viśvavajra utawi "wajra gandha" dipuntedahaken ing lambang Bhutan.

Wajra (Sansekerta: vajra, Devanagari: वज्र Jawa: bajra) inggih punika istilah ingkang asalipun saking basa Sansekerta ingkang ngemu teges gludhuk lan inten.[1] Minangka benda ritual, bajra inggih punika tongkat logam kanthi sula ing tengahipun dipunklilingi kathah sula-sula sanès ingkang mlengkung mlebet lan pucukipun nyambung manunggal kaliyan sula utama ing tengahipun.

Piranti ritual[sunting | sunting sumber]

Bajra dipunpitadosi nglambangaken kekokohan jiwa lan kekiyatan spiritual.[2] Benda punika dados piranti ritual kanggé panerapan gladhén spiritual wonten ing Buddhisme, Jainisme lan Hinduisme, sedaya inggih punika tradhisi Dharma. Amargi teges simbolisipun ingkang wigati, Bajra sumebar ing kathah wilayah ing Asia sanèsipun sesarengan sumebaring pangaruh spiriyual saking India. Bentuk Bajra dipunginakaken minangka piranti spiritual, ornamén genta, ornamén arsitèktur, utawi atribut arca ing manéka wilayah ing Asia kadosta India, Nepal, Tibet, Bhutan, Siam, Kamboja, Indonesia, Myanmar, China, Korea, lan Jepang.

Senjata[sunting | sunting sumber]

Bajra ugi minangka salah satunggaling lakçana (atribut) ugi senjata déwa Indra ingkang saged némbakaken gludhuk. Senjata ingkang awujud kados gludhuk déwa Zeus wonten ing mitologi Yunani. Senjata pamukul logam saking Jepang ingkang dipunsebut yawara — ugi dipundamel adhedhasar bajra ingkang minangka bentuk simbolis inten (benda paling atos ing donya), ugi gludhuk utawi petir (kekiyatan dahsyat ingkang boten saged dipuntahan). Tongkat pamukul gada ugi wonten ingkang bentukipun nyonto bentuk bajra.

Pigunan sanès Bajra[sunting | sunting sumber]

  • Mastaka Bajra kapanggihaken wonten ing seni arsitèktur candhi Hindu ing Indonesia. Bentuk bajra utawi ratna maringi mahkota candhi Hindu minangka sandhingan stupa wonten ing candhi Buddha. Mastaka Bajra saged kapanggihaken ing candhi Prambanan. Mastaka Bajra wonten ing bentuk sanès saking bahan kayu utawi terakota ugi dipunginakaken wonten ing arsitèktur Pura Bali, minangka kemuncak atap susun tumpang meru.
  • Wajralepa kadang kala dipunéja Bajralepa (vajralepa); ingkang ateges 'lepa intan' inggih punika bahan lepa pelapis dinding candhi sajinis plaster putih kekuningan kanggé ngalusaken lan ngéndahaken témbok saking karisakan. Bajralepa konon kadamel saking campuran putih telur, getah tetuwuhan, kapur alus, lan sanès-sanèsipun. Bekas-bekas bajralepa kapanggihaken wonten ing candhi Sari lan candhi Kalasan. Sakmenika pelapis bajralepa sampun kathah ingkang mudhar.

Delengen Uga[sunting | sunting sumber]

Cathetan Suku[sunting | sunting sumber]

Waosan sambungan[sunting | sunting sumber]

  • Dallapiccola, Anna L. Dictionary of Hindu Lore and Legend. ISBN 0-500-51088-1
  • McArthur, Meher. Reading Buddhist Art: An Illustrated Guide to Buddhist Signs And Symbols. Thames & Hudson Ltd, 2002.
  • Vessantara. Meeting The Buddhas. Windhorse Publications, 2003.
  • Vessantara. Vajra and Bell. Windhorse Publications, 2001.

Pranala Njaba[sunting | sunting sumber]

Commons-logo.svg
Wikimedia Commons gadhah galeri bab:
Sumber artikel punika saking kaca situs web: "http://jv.wikipedia.org/w/index.php?title=Wajra&oldid=882207"