Yuki-onna

Saka Wikipédia, bauwarna bébas basa Jawa
Yuki-onna wonten ing Hyakkai Zukan, utawi "Koleksi Ilustrasi Seratus Siluman" saking zaman Edo.

Yuki-onna (雪女? kanthi harfiah ateges "Wanita Salju") inggih punika sosok spirit utawi yōkai wonten ing carita rakyat Jepang. Yuki-onna punika kalebet figur ingkang kondhang ing sastra Jepang, manga, lan anime. Kadang kala Yuki-onna ugi dipunwastani minangka Gadis Salju (雪娘 Yuki-musume?),[1] Peri Salju (yuki-onago), Sundal Salju (yukijorō),[1] Kakak Salju (yuki anesa), Ibu Salju (yuki-omba),[2] Simbah Salju (yukinba; saking Ehime),[2] yukifuri-baba[1] (saking Nagano)[2].

Ciri khas[besut | besut sumber]

Yuki-onna medal nalika wengi wonten saljunipun minangka sosok wanita ayu mawi awak ingkang dhuwur lan rambut ingkang ireng ugi tutukipun biru pucet. Kulitipun pucet lan kadang kala transparan saéngga katingal mbaur kalihan salju (kados ingkang kondhang kacariyosaken wonten ing buku anggitanipun Lafcadio Hearn, Kwaidan: Stories and Studies of Strange Things). Kadang kala Yuki-onna ngagem kimono putih,[3] Ananging legénda sanèsipun damel deskripsi Yuki-onna minangka wanita ingkang boten ngagem busana lan namung praupan sarta rambut ingkang katingal ing tengah-tengahing salju.[4]

Sipat[besut | besut sumber]

Miturut legénda, Yuki-onna ingkang wonten gegayutanipun kalihan musim adhem lan badai salju punika arwah saking tiyang ingkang séda ing salju.[5] Praupanipun katingal ayu lan kalem, ananging sipatipun tegel nalika mateni tiyang ingkang boten salah. DUmugi abad kaping 18, kathahipun legénda nyariosaken Yuki-onna minangka makhluk ingkang ala. Ing kisah masa sapunika, sosok Yuki-onna asring dipungambaraken langkung manusiawi.[6]

Vèrsi Lafcadio Hearn[besut | besut sumber]

Yuki-onna wonten ing Gazu Hyakki Yakō karya Toriyama Sekien.

Nalika zaman rumiyin wonten kalih tiyang ingkang pakaryanipun negot kayu, Minokichi lan Mosaku. Minokichi tasih enèm déné Mosaku sampun sepuh. Ing sawijining dinten ing mangsa adhem, tiyang kalih punika boten langsung kondur bibar negor kayu amargi kenging badai salju. Tiyang kalih punika lajeng manggihaken pondhok lan nyipeng wonten ing mriku dalu kasebut. Nalika ing tengahing dalu, Mosaku wungu lan ningali wanita mawi busana sarwa putih. Wanita kasebut menghembuskan napasipun dhateng Mosaku saengga tiyang sepuh kasebut séda amargi kademen. Bibar mateni Mosaku, Yuki-onna nyelaki Minokichi kagem nglampahi menapa ingkang smai kalihan kala wau, ananging banjur meneng sinambi ningali Minokichi. Yuki-onna matur bilih badhe mateni Minokichi nanaging boten siyos amargi piyambakipun gadhah praupan ingkang bagus lan tasih enèm. Wanita kasebut lajeng ngancem Minokichi supados boten nyariosaken kedadosan punika dhateng tiyang sanès, menawi dipunlampahi Yuki-onna badhe mateni Minokichi. Pinten-pinten taun salajengipun, Minokichi kepanggih kalihan wanita ayu kanthi nama Oyuki (yuki = "salju") banjur manten. Oyuki punika garwa ingkang saé saéngga tiyang kalih punika gesang kanthi bagya mulya lan kagungan laré. Sanajan sampun gesang sesarengan dangu, ananging Oyuki boten katingal tambah tua. Ing sawijing dalu, bibar laré-larénipun tilem Minokichi ngendika marang Oyuki bilih saben piyambakipun ningali Oyuki, piyambakipun kengetan kaliha prastawa aneh ingkang kalampahan nalika tasih enèm. Minokichi matur bilih naté ningali sosok wanita ayu kados Oyuki. Bibar rampung anggènipun matur, Oyuki dukha sanget lan ngaku bilih wanita ingkang naté kepanggih kalihan Minokichi punika Oyuki. Oyuki matur bilih badhé mateni Minokichi menawi nyariosaken carita kasebut marang tiyang sanès. Ananging Oyuki boten saged mateni Minokichi amargi kengetan gesangipun laré-laré. Bibar maringi pesen supados Minokichi ngurus laré-larénipun, wanita kasebut ical lan boten naté katingal malih [7].

Wonten ing budaya populer[besut | besut sumber]

Yuki-onna medal wonten ing film, acara TV, lan literatur kados novel ugi manga. Kisah Yuki-onna antawisipun:

  • Wonten ing Kwaidan, film Jepang taun 1964 babagan antologi kisah hantu.
  • Wonten ing Nurarihyon no Mago, Yuki-onna punika jinising youkai saking wewengkon Tono. Kalih anggota Hyakki Yakō inggih Yuki-onna.
  • Wonten ing anime Bleach, arwah Zanpakuto anama Sode no Shirayuki (pedangipun Rukia Kuchiki) kagambaraken minangka Yuki-onna ingkang ahli memanipulasi ès.
  • Wonten ing Rosario + Vampire, karakter Mizore Shirayuki punika Yuki-onna ingkang mendhet wujud manungsa.
  • Pokémon menampilkan Froslass, pokemon tipe ès lan memedi ingkang pikantuk inspirasi saking Yuki-onna.
  • Wonten ing Akazukin ChaCha, Guru Oyuki, guru ingkang nggantos ing kelas Banana punika Yuki-onna.
  • Wonten ing Dororon Enma-kun, karakter Yukiko-Hime inggih punika Yuki-onna.
  • Wonten ing Card Captor Sakura, Clow´s Card Snow inggih punika Yuki-onna
  • Wonten ing Gate Keepers, karakter Yukino Houjou inggih punika Yuki-onna
  • Wonten ing Kanokon, karakter Yukihana inggih punika Yuki-onna
  • Wonten ing Lum: The Invader Girl, karakter Oyuki inggih punika Yuki-onna
  • Wonten ing Nube:Guru Ahli Roh, karakter Yukime inggih punika Yuki-onna ingkang dados pasangan pemain utami.
  • Wonten ing Sphere of Power, tokoh utami wanita ingkang badhé mati mbeku déning serangan Yuki-onna.
  • Wonten ing dolanan Shinobi 3D, bos ingkang kapisan punika Yuki Onna.
  • Wonten ing Yu Yu Hakusho, Yukina saking Hiei inggih punika Yuki-onna
  • Wonten ing Yume Nikki, Yuki Onna ing Snow World.

Cathetan suku[besut | besut sumber]

  1. ^ a b c Konno 1981, dikutip oleh Hirakawa, Sukehiro (平川祐弘) (1992), 小泉八雲: 回想と研究 (Koizumi Yakumo: kaisō to kenkyū) (snippet), Kodansha, p. 227 , kutipan:"雪女の名称は雪娘、雪女郎、雪婆、雪降婆、シッケンケンなど.."
  2. ^ a b c Furuhashi 1992
  3. ^ "Yuki-onna". Japanese1-2-3.com. 
  4. ^ Seki, Seigo Seki (1963), Folktales of Japan, p. 81, University of Chicago, ISBN 0-226-74614-3
  5. ^ Smith, Richard Gordon, "The Snow Ghost", Chapter XLIX of Ancient Tales and Folk-lore of Japan  Unknown parameter |site= ignored (help)
  6. ^ "Kwaidan: Yuki-onna (Snow Woman)". Sarudama.com. 
  7. ^ (id) Yuki-Onna (Wanita Salju) , (dipunakses tanggal 18 Februari 2013)

Referensi[besut | besut sumber]

  • Furuhashi, Nobutaka (古橋信孝) (1992), "雪女伝説", in Isamu Yoshinari(吉成勇)ed., Nihon 'Shinwa Densetsu' Sōran (日本「神話・伝説」総覧), 歴史読本特別増刊・事典シリーズ, Shinjinbutsu Orai sha (新人物往来社), pp. 276–277, ISBN 978-4-4040-2011-6 
  • Konno, Ensuke(今野円輔) (1981), 日本怪談集 妖怪篇(Nihon kaidanshū yōkai hen), Gendai Kyoiku bunko, Shakai Shisho sha, pp. 4–, ASIN B000J98U1S, ISBN 978-4-390-11055-6 

Pranala njawi[besut | besut sumber]

Commons-logo.svg
Wikimedia Commons gadhah galeri bab:

Cithakan:Japanese folklore long

Sumber artikel punika saking kaca situs web: "https://jv.wikipedia.org/w/index.php?title=Yuki-onna&oldid=999741"