Wong Janjévo

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
wong Janjévo
Janjevo, Kosova.JPG
Kutha Janjevo, séntral tradhisionalé Janjévo
Gunggung cacah jiwa
(ca. 10.000 (est.)[butuh sitiran])
Tlatah mawa cacah jiwa akèh
 Kosovo: ca. 400 wong (2011)
 Kroasia: ca. 966 kulawarga (2002 est.)
Basa
basa Kroasia
Agama
Katulik Roma
Golongan ètnik magepokan
wong Kroasia
Sesawangané Janjévo ing Kosovo

Wong Kroasia Kosovo (Albanian: Kroatët e Kosovës, Basa Kroasia: Kosovski hrvati), sing karan Janjévo ing basa Jawa utawa Janjevci (pronounced [ˈjaːɲeʋtsi], Albanian: Janjevët) ya iku sawijining brayan agung wong-wong Kroasia ing Kosovo, sing ndunungi kutha Janjévo lan lan désa-désa ing sakupenge sacedhaké Pristina, uga désa-désa sing sentralé ana ing Letnica cerak Vitina (Shashare, Vrnez and Vrnavokolo).

Jati dhiri lan budaya[besut | besut sumber]

Wong Janjévo nganggep yèn dhèwèké iku kalebu étnis Kroasia, lan étonim Janjevci iku purwané saka sasana warga tradhisionalé wong-wong mau, ing Janjévo. Brayan kuwi dipitaya asalé saka sudagar sing ngalih saka Républik Ragusa (Dubrovnik lan padésané[1]), Bosnia Kulon lan Hércegovina, sing wiwit ndunungi wewengkon iku ing abad angka 14, nalika Kosovo modhéren isih dadi pérangané Sèrbia tengahan. Panyebutan tinulis ngenani Katulik ing Janjévo ya iku ana ing layang sing diserat déning Paus Bénédiktus XI ing 1303, sing nyebutaké yèn Janjévo kuwi minangka séntralé parokining Santo Nikolas. Bebarengan karo para Saxon saka Éropah Tengah, wong-wong iku nggarap tambang ing Sèrbia.[1]

Wong-wong iki isih manggahi kapitayan Katuliké tekan saiki. Brayan iki nyaturaké basa Prozren-Morava Kidul minangka anak dhialèk saka dhialèk Shtokavia.

Sajarah Demografiné[besut | besut sumber]

Manéka wernané étnis Kosovo ing 1981 miturut sènsus cacah jiwané Yugoslavia kanthi wewengkon Sèrbia ing 2011.

Ing 1948, ana wong Kroasia cacah 5.290 (0.7%) ing Kosovo; ing 1971 ana 8.264; ing 1981-8.718 (0.6%); ing 1991-8.062 (0.4%). Nalika lan sawisé Perang Kosovo, sapérangan akèh kelompoké minggat ngalih menyang Kroasia. Ing 1998 cacahé wong-wong mau amung ana watara 1.800, sing 350 ndunungi Janjvo. Ing taun 2008, amung ana watara 300 wong Kroasia sing dedunung ana ing Janjévo.[2] Ing taun 2011, ana watara 270 wong sih urip ana kana.[3] Pamaréntah Kroasia ngajat nedya nampung wong Janjévo sing isih ana ing Kosovo menyang Kroasia. Miturut cacah sirah Kosovo taun 2011, isih ana udakara 400 wong Janjévo. Wong 80 isih manggon ing pamukiman Vitina.[butuh sitiran]

Kelompok Janjévo ing Kroasia[besut | besut sumber]

Kulawarga-kulawarga Janjévo uwis wiwit migrasi menyang Kroasia, péranganing Yugoslavia, ing taun 1950-an, akèh-akèhé ndunungi wewengkon Zagreb. Nalika kawitané taun 1970-an, ana sapérangan gedhé wong-wong Janjévo sadawané lan sajeroné Dalan Konjšćinska ing Dubrava, sawijining dhistrik ing pérangan wétaning Zagreb. Awit wektu iku, wong-wong kuwi ndadèkaké pérangan iki dhistrik beblanjan sing ramé  .

Nalika Perang Yugoslavia, sawenèh anggota Janjévo sing cukup akèh émigrasi menyang Kroasia ing sawenèh rombongan (1992, 1995, 1997, 1999), lan déning pamaréntah dikongkon supaya manggon ana ing omah-omahé wong Serbia Kroasia sing kapinten ing Slavonia Kulon lan padésan Dalmatian.[4]

Miturut sawenèh data [which?] ing 2002, ana 966 kulawarga Janjévo ing Kroasia, kanthi mayoritasé dedunung ana ing prajané Zagreb (669 kulawarga), lan ing pérangan liya ing Kroasia (297 kulawarga).[butuh sitiran]

Rujukan[besut | besut sumber]

  1. a b Jan Briza; Helsinki Committee for Human Rights in Serbia (2000). Minorities in Serbia. Helsinki Committee for Human Rights in Serbia. k. 48. ISBN 978-86-7208-025-4. 
  2. Refki Alija (2008-08-15). "Kako žive Hrvati u Janjevu?". Deutsche Welle (ing basa Croatian). Dijupuk 2013-04-22. 
  3. "Ethnic Croats in Kosovo unhappy with security". Dijupuk 3 December 2011. 
  4. Antonijević, Nenad (November 2004). "Stanovništvo hrvatske nacionalnosti na Kosovu – Janjevci" (PDF). Dijalog povjesničara-istoričara 9, Vršac (ing basa Serbian). Zagreb, Croatia: Political Science Research Centre Ltd. (PSRC) for Scientific Research Work. kk. 288–289. Dijupuk 2012-12-30. 

Pranala njaba[besut | besut sumber]