Wafel

Saka Wikipédia, bauwarna bébas basa Jawa
Wafel saka Amérika Sarékat mawa sirup maple

Wafel ya iku sajinising panganan kue. Panganan iki nduwé ciri khas dimasak nganggo alat kang diarani wesi wafel.[1] Wesi wafel iki gunané kanggo nyithak wafel. Ing basa Inggris, kue wafel biyasane diarani waffle.[1] Saliyane iku, wesi wafel uga nduwe motif kang gunané kanggo nggawé bentuk kang khas lan kena dititêni.[2] Ana akéh variasi miturut jinis lan bentuk wesi wafel.[2] Variasi iki gumantung saka wesi lan resep kang dianggo.[2]

Wafel dadi panganan kang disenengi meh kabéh wong ing donya utamané ing Belgia lan Amerika Serikat.[2] Wafel biyasané dihidangké karo topping.[2] Topping utawa hiyasan ing sandhuwuré wafel kang dianggo umumé digawé saka stroberi, coklat, gula, madu, sirup, ès krim, lan liya-liyané.[2]

Wafel digawé kanthi cithakan kang bentuké werna-werna.[2] Ana kang bentuké bunder, bentuk kaya godhong waru lan ana uga kothak.[2] Saliyané bentuk kang umum iki, wafel uga kena digawé kanthi cithakan kang bentuké divariasi dhéwé miturut butuhé.[2] Wafel uga kena dicampuri karo bahan liyané kayata woh-wohan lan kismis kanggo nggawé rasané sangsaya enak.[2] Wafel uga kena diwénéhi campuran bahan arupa coklat biyasané diarani wafel coklat.[3]

Cathetan suku[besut | besut sumber]

  1. ^ a b (id)kamus.net(dipunundhuh tanggal 28 Juli 2011)
  2. ^ a b c d e f g h i j (id)anekakuliner.com(dipunundhuh tanggal 28 Juli 2011)
  3. ^ (id)lintasberita.com(dipunundhuh tanggal 28 Juli 2011)
Commons-logo.svg
Wikimedia Commons gadhah galeri bab:


Sumber artikel punika saking kaca situs web: "https://jv.wikipedia.org/w/index.php?title=Wafel&oldid=987073"