Vogelpark Avifauna

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Manuk jenjang kolèksi Avifauna (2003)

Vogelpark Avifauna iku siji kebon raja ing Alphen aan den Rijn, Walanda. Spésialisasi kebon raja ya iku awarna-warna spésies manuk.

Tembung avifauna iku ngrujuk marang sato kéwan (fauna) kalebu manuk (Aves ing basa Latin). Vogelpark Avifauna iku salah siji kebon raja manuk sing kawentar dhéwé sadonya. Tembung vogelpark iku tegesé 'taman manuk'.

Taman iki ndarbèni akèh tetuwuhan lan blumbang, siji rèstoran, taman dolanan bocah mawa plorotan sing wis wiwit biyèn dhuwur dhéwé ing Walanda. Taman iki biyèn sing ndarbèni korporasi Van der Valk, nanging wiwit taun 2012 wis dadi yeyasan. Yeyasan Vogelpark Avifauna nggayuh kekarep ngreksa manuk lan lingkungan urip saha ndarbèni status lembaga kawigatèn umum utawa ANBI (Algemeen Nut Beogende Instelling) ing basa Walanda.

Saka taman iki para tamu uga bisa numpak prau nglayari kali Rijn.

Pranala njaba[besut | besut sumber]