Safaripark Beekse Bergen

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Pager mlebu Taman Safari Beekse Bergen ing Walanda (2006)

Safaripark Beekse Bergen utawa Taman Safari Beekse Bergen iku sawijining taman safari ing provinsi Brabant Lor, Walanda. Dunungé ana ing antarané kutha Tilburg lan Hilvarenbeek. Para tamu bisa nekani taman iki nganggo mobil lan nyeksèni sato kéwan Afrika. Kebon raja iki sing gedhé dhéwé sa-Benelux, ing kéné ana luwih saka 150 jinis sato kéwan sing diingu, saka kéwan mamalia cilik nganti tekan manuk raksesa. Ing ara-ara amba ana zébra, jerapah, lan manuk kasuwari. Saliyané iku uga ana singa, warak, gajah, lan macan thuthul. Ana sawetara cara kanggo para tamu nekani taman safari iki, mawa mlaku, numpak mobil, numpak bus, lan numpak prau. Wiwit sawetara taun, wong uga bisa niliki taman iki mawa kano.

Safari mawa mobil iku kontrovèrsial, awit akèh tamu sing ora manut aturan taman. Contoné iku ora olèh makani kéwan, karepé supaya kéwan-kéwan ora lara utawa mati. Saliyané iku wong uga ora olèh metu saka mobil. Aturan iki kerep dilanggar, mula akèh kéwan sing direksa mawa pager. Senadyan ngono ing sasi Maret 2012, ana insidèn mawa macan thuthul.